بارت 23
گتلها راح اگولج بس انطيني وعد تهدئين وما تسوين شي
گالتلي وعد معلية شبيج بس كوليلي اسمها شنو وشكلها شون صارير
گتلها اسمها مريم
وبنتج اتمرضت وماتت قبل 6 اشهر وخفت اكولج وحتى ما صرت اجي لبيت اهلي خاف تسئليني
جام تصدمني بجوابها
گالتلي
الله انطاها والله اخذها الله يرحمها ماعندج صور الها اريد اشوفها
ردت اراويها صورها بس خفت لا فد يوم تصدف وتشوفها بيت رافد
گتلها لا معندي صور جان بموبايلي واحترك وراحت صورها كلها
سالي... معقولة اني ام گالولي بنتي ماتت ولا اهتميت الها ليش
استغفر الله حسبي الله ونعم الوكيل ع من كان السبب ثاني يوم داومت وشفت حسين وعزمني بلكوفي ما اعرف احس نفسي مرتاحتلة اهواي واخذنة شهر ع هاي الحالة نشوف بعض ويتصل علية
بديت اهتم بنفسي جنت هاملتها
بيوم رحت للصالون ورتبت نفسي وخليت مكياج ورحت للكلية
الطلاب والطالبات استغربو شنو هل التغير
اني عن نفسي ما اعرف شصار وياي صرت احجي البنات اتقرب الهن نفسيتي اتغيرت حيل
كل هذا بسبب حسين اي بسبب حسين غيرني
يوم عن يوم اتعلق ب حسين واهلي فرحو ع التغير الي صار
صار لمتة يطلع الصبح واروح للكلية واشوف حسين
حسين.. عجبتني سالي ومبينها عليها مو مال علاقات وهل السوالف
صرت اتواصل وياها وحسيت نفسي انجذبت الها تلقائيا
قررت اسئل عنها بلا ماتعرف
من طلعت من الكلية راقبتها واندليت اهلها وسئلت عليها
وياريت ما سئلت
بت النعال بل شهرين نتواصل ماگالتلي جانت فصلية و مطلقة ولا مبين عليها
اني اعلمج بت الكلب. مو حسين الي ينضحك علية
ام رافد.. يمه راح اروح اطمئن ع سالي من زمان مارايحة الها ...
يمه اريد اطلع عندي شغل اذا ترحين اخذي تمارة وياج لاتخلينها وي رونق وهم نفس كل مرة حاجي سالي بلكي تقبل ترجعلي يمه والله راح اموت الله يخليج قنعيها
اخذت تمارة ورحت لبيت سالي
هل المرة اتفاجئت بسالي حيل متغيرة هي استقبلتني وكعدت وياي
سئلتني المن هاي البنوتة يومه شوفيها تشبهني والله
اي يمه تشبهج ...
سئلتني هاي بت رافد اكيد حملت بيها رونق واني عدكم ومصاحبه بوجهي لنو تشبهني
وضحكت واخذتها ل غرفتها شنو اسمها
گتلها سميناها ع اسم تمارة
&
&
&
#رواية_فصليه_الشيخ_رافد😻🦋
