بارت 10
سالي .. خليت فراشي بلمطبخ ونمت وكلبي وخاطري مكسور ومصدومة
ساعة بل 2 بليل نايمة وينشمر علية ماي
فزيت من مكاني لگيتها رونق
گالتلي لج خدامتي اسفة ردت اشرب مي وگع عليج انخمدي وضربتني برجلها وراحت
رجعت وخليت راسي ع المخدة وكضيتها بجي
صارت ساعة 5 الصبح المخدمة انسحبت من جوة راسي كعدت طلعت ام رافد
تكولي المسعدة نايمة لهسة منا ورايح ساعة خمسة تگعدين تنضفين يلا روحي غسلي الطرمة
كعدت وردت اسويلي ريوك لنو جوعانة ما اگلت شي من البارحة الصبح غصب غصبتني زوجة عمي اكل
جان تعيط وتطلعني للطرمة وتكول ماكو ريوك
رحت غسلت الطرمة
دخلت للبيت لگيتها مطلعتلي كومة ملابس حتى. النظيف مطلعتة وتكول غسلي بيدج الغسالة ماتقتربين الها راحت من المطبخ واني حوعانة حيل اخذت صمونة ولفيتها بلملابس وبلحمام كعدت اكل لنو حيل جوعان
وساعتين اغسل من ساعة 6 الا ساعة 8 وربع غسل
بعدها رحت شريتهن وحضرت ريوك. الهم غسلت المواعين واني ع هذا الموال
وشفت الويل الخدامة احسن من عيشتي منعوني من اهلي ومنو اهلي يجون الي كل احترام ماكو
رونق استغلت الفرصة وخلتني خادمة الها وام رافد يومية مشبعتني كتل
يجي الليل اخلي راسي ع المخدة احس جسمي متكسر من ساعة خمسة اكعد الصبح وساعة 12 انام
حسرة علية كولشي حتى. الاكل حسرة علية اكل براحتي
رونق راحت ل اهلها وام رافد طلعت ما اعرف وين استغليت الفرصة كلت خل اكلي لكمة هنية ومدامني بلبيت لوحدي
اوووف من جنت عند اهلي ماماكلة لمن شبعانة حضرت اكل واذكرت شون جنت قبل جوعية ومخلصة الثلاجة كلها اعلبيها بطني ع طول جوعية
اذكرت تمارة من تكولي بس اكل زيتونة وزني يزيد كيلو عفت الاكل وبقيت ابجي ع تمارة لنو حيل اشتاقيت الها
رافد..خلصت شغلي ورجعت للبيت جان اشوف سالي تاكل وتحجي وي نفسها وتكول اوووف تمارة تعاي شوفي شصار بيه بغيابج يوووه كسرت خاطري من شفتها كاعدة تاكل انتبهت عليها هل المرة شفتها حيل متغيرة ذبلانة
ما دخلت عليها للمطبخ بس اباوعلها من الشباك وبعدين بقت تضحك وتكول لو هسة كبالي وناكل سوة ههههههه الله يرحمج اذكر من تكولين اكل زيتونة يزيد وزني كيلو بعدين عافت الاكل وراحت لغرفة تمارة دخلت الها اني ما اتحملت من يوم الي ماتت تمارة لهسة محد مجرء وداخل للغرفة فار دمي ودخلت عليها لكيتها مطلعة ملابسها وتبحي
&
&
&
#رواية_فصليه_الشيخ_رافد😻🦋
