بارت 11
جريتها وطلعها من الغرفة ما اعرف ليش هيج سويت نزعت العكال وموتتها كتل
يقتلون القتيل ويمشون بجنازتة
الا ان اغمه عليها انتبهت ع نفسي
اجت امي شافتني
عبالنة ماتت لنو اذيتها اهواي وراسة انضرب بلگاع والدم يجري
امي عيطت علية گالت ليش وياها
گتلها كذا وكذا السالفة
وطلعت من البيت بعد ما اتاكدت انو هي ماماتت
ورحت افتر بلشوارع ما اعرف وين اريد رجعت للبيت بليل شفتها بلمطبخ وراسها امي مضمدتة
سئلتها شونج جان تضحك تگولي الحمد الله عايشة
سالي.. ساعتين يالله ردت رويحتي وگدرت اوكف ع رجلية وام رافد ضمدت جرحي اجت رونق شافتني بهل الحالة وام رافد حجت الها شصار
طارت من الفرحة وگالت تستاهلين بعد اكثر يصير وياج
بليل بلمطبخ بعد ما غلصت غسل مواعين وردت انام فرشت فراشي اجة رافد
سئلني شلون صرت
ههههه ضحكت كتلة الحمد الله عايشة وعافني وراح
گتلة رافد
گال ها
گتلة اشغيرك مو هذا رافد الي يعزني ويحبني واثر اصابعك بخدودي من عمري 6 سنوات وانت تجر وتعضض بخدودي الا ان صار عمري 15 سنة
گولي شغيرك وين رافد الي كلبة حنين شنو ذنبي ما سويت شي
گالي رافد القديم مات من ماتت تمارة
وعافني وراح لغرفتة رجعت لفراشي ونمت
رافد.. دخلت للغرفة رونق نايمة فكرت بكلام سالي وضميري حيل اذاني لنو ضربها هي ماسوت شي هم هي گلبها محترك مثلنة ع تمارة
بس اووف ما اكدر اتحمل ابوها السبب هو الي قتلها
رافد .. ما كدرت تنام ومقهور شون مديت ايدي عليها نزلت الها ردت اعتذر منها
لگيتها نايمة بلمطبخ هاي شنو ليش ما انتبهت عليها قبل ليش بلمطبخ اكو غرف شنو هذا الظلم الي معيشيتها احنه
كعدت يمها وهي نايمة واتأمل بشكلها فعلا حيل متغيرة اشتاقيت اگرص خدودها
مديت ايدي ع خدوتها جان تگعد مرعوبة ودموعها تنزل وخايفة
گتلها شبيج
حضنتني وتبجي
گالت اريد اروح هسة لتمارة ابوس ايدك اخذني لتمارة هسة
سالي .. نمت واحلم بتمارة انو هي مشتاقتلي وتريدني ازورها وتگولي ترى اني گاعدة احترك بلنار تعاي سالي لاتعوفيني فزيت من نومي مرعوبة شفت رافد كدامي
اتوسلت بي ياخذني لتمارة
گالي باجر نروح گلنة الها نزورها وبعد مانرجع
روحي زوري اهلج وابقي عدهم يومين
گالتلي لا مو باجر اروح ل اهلي
خلي لمن يروح اثر الضرب عن جسمي
&
&
&
#رواية_فصليه_الشيخ_رافد😻🦋
