بارت 9
بابا لكيتة گاعد بلحديقة من شافني گبل بقة يبجي امي شافتني عافتني وراحت
اخوي محمد هم حضني بقة يبجي
وگال اني كل يوم امر عليج غبائج هذا وصلج لهذا الحال بوقتها محمد نجح لل رابع اعدادي وكبر بعد ما يجرني من شعري بلعكس السنة الراحت كلش علاقتنة اتحسنت ومشاكل بطلناها
بس شنو بعديش خلاص رحت فصلية
الشيخ متظرنة بيت رافد واخذني عمي ورحت
دخلت البيت واني اذكرت تمارة والدموع اثنين اثنين ما اتحملت
عقد النة الشيخ
ورنق ميته قهر شفتها وام رافد ساكتة بس حسيت اكو شي
راحو الناس واجة رافد
صاح لرونق حبيبتي انتي مو تردين خادمة
هاي سالي خدامج
اني انصدمت رافد شنو يحجي معقولة هذا رافد
زوجة عمي وصتني كالت جرحهم بعدة ينزف دم ع بتهم شما يسمعونج او يسون بيج اتحملي ولا تحجي كلمه شهر او شهرين ست اشهر بلكثير راح يتقبلونج ويتقبلون انو بتهم ماتت
رونق كيفت وراها استلمتني ام رافد
صاحتلي تعاي للغرفة
رحت للغرفة سدتها وجان تشبعني كتل. وتبجي
بنتي ماتت بسبب ابوج والله الا اخلي لاليلج ليل ولا نهارج نهار
دخل رافد للغرفة باوع ع امة وگال الها يمه عوفيها لايصير بيج شي هي كدامج العمر كلة براحتح شتردين تسوين بيها سوي هسة كافي صحتج اهم شي
اني بحلم يو بعلم لا هذا كابوس
رافد وام رافد شون هيج شغيرهم
ام رافد گالت لرافد
الك نفس بيها كزوجة لو لا
رافد جاوب
هههههههه يمه شنو تحجين انتي اخذتها فصلية لنور انتي گلتيلي
خدامة الجن خلنها..
يمه شنو صار لا مامعقولة هذولي مو ام رافد ورافد وين جانو مدلليني دلال رافد معقولة هيج يحجي
بس هم اذكرت كلام زوجة عمي انو بعده جرحهم ينزف
ام رافد .... والله مثل ما انحرمت من بنتي الا ادمرج دمار
اخذتها للمطبخ جر من شعرها وگتلها هنا مكانج بلمطبخ تنامين وتكعدين يلا هسة تعزلين المطبخ والبيت بساع
رونق .... اكو خوف بداخلي لنو رافد اخذها فصلية خاف فد يوم من الايام كلبة يحن عليها ويحسبها زوجة اله هو يعزها حيل وبنفس الوقت الله جابها الي خدامه واجتني اي منا ورايح بس اتتأمر عليها
دخل رافد للغرفة
وراد ينام بس كالي
لا تضلين تضربين صفنات انتي حبيبتي ومرتي وام جهالي ما ابدلج بوحدة
هاي احسبيها خدامتج
حضنت رافد وشكرتة اهواي ع كلامة
&
&
&
#رواية_فصليه_الشيخ_رافد😻
