بارت 18
مو توني ارتاحيت من رونق هسة اذا رافد عرف بيه حامل يرجعني
كلشي سويت لخاطر انزل هذا الطفل ما مانزل
بين فترة وفترة ام رافد تجي تطمئن علية واخاف تنتبه ع كرشي. وصارت من تجي ما اطلع الها خاف تحس بيه
اهلي گتلهم اذا عرفو. اهل رافد اني حامل انتحر
ومرت الايام واني ادرس بلبيت اريد استعد للدوام السنة الي تجي
ولدت بنية وكرهتها هاي البنية هي ثمرة معاناتي ما ردت اشوفها او اقترب منها كارهتها ردت اعيفها بلمستشفى بس لمار واهلي ماقبلو
اخذتها لمار وكالت ما عندي جهال اني اربيها خذتها وياها ماردنة رافد يعرف
ومرت الايام بين اني ادرس ونفسيتي حيل تعبت وصرت معقدة بشكل قليلة الكلام ع طول حابسة نفسي بلغرفة اطلع من الغرفة بس اكضي حاجتي واهلي ما اكعد وياهم و بس ادرس
بدة الدوام وكملت اوراقي وكدرت اداوم ام رافد عرفت انو اني رجعت للمدرسة فرحت بهل الشي بيوم من الايام بطريق المدرسة رايحة جان توكف كدامي سيارة
ونزل منها رافد
رافد.. عرفت انو سالي رجعت للمدرسة كلش كلش فرحت واني وامي حيل ندمانين لنو من جانت عدنة حيل ظلمناها
وبنفس الوقت مشتاقلها حيل اشهر واني اتمنة اشوفها ولو من بعيد
اجت امي گالت سالي رجعت للدوام وهي بلسادس هل السنة
قررت تدرس ع حسابنة شنو رائيك لنو ننقلها ل اهلية او مدرسين
گتلها يمه بكيفج روحي انتي وشوفيها. شنو تريد اني حاضر لنو سبق واني متكفل بيها من جانت تمارة عايشة
ثاني يوم حسيت نفسي مشتاقلها وما اتحمل اذا ما اشوفها
اني اعرف طريق مدرستها وصرت كل اشوي امر بطريقها رايح وجاي وانتظر الا ان اجت وكفت ونزلت الها سلمت عليها ما ردت السلام
وعافتني وراحت ردت الزمها بس طلاب اتعدو بلفرع تركتها براحتها
ورحت بس افكر بنضرتها الاخيرة شون جانت حادة حيل وبيها حقد وكره الي
قتلنة برائتها وطفولتها ردت بس احجي وياها
وقررت لازم اروح الها للبيت واحاجيها
صار بليل ورحت الهم
ابو محمد ... گلبي يتكطع ع بنتي اني وامها حيل متاذين من حالتها
وين جانت سالي خابصة علينة البيت خبص وبس تتعارك يو مخلية راسها بلثلاجة وتاكل
نحجي وياها لاتضحك ولاتحجي قليل كلامها وحابسة نفسها بلغرفة ع طول
محمد. يتحارش يجر من شعرها يضرب يغلط بس كون يطلعها من الحالة الي هي عايشتها بس تبتسم وتروح لغرفتها
&
&
&
#رواية_فصليه_الشيخ_رافد😻🦋
