بارت 21
حسين .. طالب مرحلة رابعة طب اسنان طولي 180 شكلي مقبول اهلي ناس معروفين تجار
واني واحد هتلي وسافلة واكبر نسونجي ادور بنات بس بلكلية ابد ما اسوي شي علاقاتي اكونها وي البنات خارج الكلية
ثلاثة سنوات بلكلية ما بنية دخلت مزاجي ابد
فد يوم كاعد بلحديقة اني وزملائي وزميلاتي اجت بنية كعدت بلمصطبه الكدامنة وصارت گبالنة اوووف يالله سبحان الخلقها
اول مرة اشوف بنية هيج بسيطة وحلوة وكل مكياج مامخلية جمالها رباني وشعرها ضافرتة ظفيرة هندية
بقيت صافن عليها
الحلو بلموضوع كل مجموعتي الكاعدين سوة عدهم كبلات الا اني
گاعدين نحجي بخصوص الاسنان ونتناقش
واني صفنت عليها بالي مو وياهم ابد بالي يم هاي الطالبة مبينة مرحلة اولى
وگاعده وحدها گلت يمكن منتظرة گبلها مامعقولة هل الجمال مامكبلة
انتبهو علية زملائي وزميلاتي عيني وين راحت
ضحكو وگالو روح لا تبقة صافن روح حاجيها
المهم دفعوني كوة رحت خجلان منها شحجي وياها اقتربت الها باوعت ع ايدها الحمد الله لا مخطوبة ولا مزوجة ماكو حلقة
وصلت يمها وكتلها مرحبا
سالي ... كل العادة منتظرة وحدي المحاضرات وكاعد بلحديقة
اجه ولد الي وكالي مرحبا
اني غلست
گالي مرة ثانيا مرحبا وكعد يمي گال ردي السلام
گتلة وعليكم السلام گتله اتفضل احجي الي عندك
لا خليني اني احجي مكانك انت لاتحجي بس اسمعني
(شفتج وانعجبت بيج وماعندي علاقات قبل وانتي اول وحدة دخلتي گلبي وراح تكونين حبي الاول ومن اول نضرة حبيتج واريد اكون وياج علاقة كم شهر اذا متفاهين اجي اخطب ونزوج ونجيب كم جاهل البنات يشبهونج والولد يشبهوني ) ترى شبعت من هل الاسطوانة كم ولد اجة صارحني وكلكم نفس الكلام تعيدونة لذالك اختصرت عليك وحجيت مكانك
حسين... شنو من بنية يالله ههههه يمكن من كد مامصارحينها جزعت نفسها بس خل تولي مبينه مغرورة خل اكسر خشمها وافشلها
گتلها خلصتي كلامج عزيزتي كل هذا الي حجيت مو صح
هذا المكان حاجزينة اني وزملائي هسة نريد ندرس لنو عدنة امتحان وانتي كعدتي بي لذالك لو سمحتي ممكن تگومين منا اصلا اني مرتبط ما ادور بنات واصارح المرة الخ لاتستعجلين
سالي.. يمه من اشكد عيب حيل خجلت من عندة
ياريت الگاع. تنشك وتبلعلني شنو حجيت اني
گتلة اسفة ورحت بسكتها
حسين ... ههههههه شون وجها صار طماطة
خجلت ثولة مامفروض تحجي هيج تسمعني
اجو زملائي الي ها شنو اشوفك حجيتو وبعد البنية خجلت اشكلت الها احجي ولك
گتلهم خل تولي وحدة متكبرة ومغرورة ماتفيدني هيج صار
&
&
&
#رواية_فصليه_الشيخ_رافد😻🦋
