بارت 19
24 ساعة تدرس كلما ادخل للغرفة اشوفها تدرس
بليل اجه رافد وراد يشوف سالي
ضجت اني منه وبوقتها اتمنيت لو اگدر اقتله بسببهم صار بنتي هيج الله يعلم شنو شافت بيتهم من ضيم وقهر ومعانات
اصر علية رافد انو يشوفها حجيت وي سالي ماقبلت تشوفة
اتوسل بيه بس يشوفها ويحجي وياها هي ابد قافلة ماتريد
ائيس وراح وانطاني مبلغ وگال هاي تدخل سالي عند مدرسين او مدرسة اهلية لنو حلمها وحلم تمارة جانن يطلعن طبية واي شي تحتاجة اني حاضر هذا جزء بسيط مقارنة بلي سويناه ولاتكول الها المبلغ من عندي يمكن ماتقبل
اني جدا فرحت لنو حيل افكر بدروسها وشون ادبر الها فلوس لنو اني ع گد حالي يادوب مدبر عيشتنة
بعد يومين دختلتها عند مدرسين وامتحنت نصف سنة ودرجاتها الحمد الله عالية ومرت الايام وصارت الامتحانات وامتحنت ومنتظرين النتيجة
ع نار اني وهي وامها
وحتى رافد وام رافد يومية تجي او بين يوم ويوم تسئل
طلعت النتائج وطلعت معدل طبية الحمد الله
طلبت مني تروح لقبر تمارة
ثاني يوم اخذتها ورحت
ذبحت نفسها ع تمارة وبهل الاثناء هم ام رافد جاية تزور تمارة وتبشرها انو سالي طلعت. طبيه
ام رافد ... گلبي ع نار منتظرة النتيجة و ع طول السنة ادعي الها وكل فترة اروح اتاكد شنو محتاجة خلصت امتحاناتها واني گلبي راح يوكف لمتة النتائج ما اصبر خايفة كلش عليها
العصر اجه رافد فرحان يمه ابشرج طلعت طبية
واني ماساعتني الدنيا وبجيت حسيتها تمارة عايشة وهي الي طلعت الطبيه
بساعتها رحت باركت الها
وخذت هدية الها
ثاني يوم قررت اروح ازور تمارة وابشرها ع. سالي
رحت للقبر واشوف سالي وابوها هناك گاتلة روحه كتل وتبجي
ما تتحملت اني هم گابلتها
وساعتين احنة بلمقبرة
وبعدها رجعنة اخذتها لسوك اجهزها للكلية
ما قبلت هي
بس گتلها لخاطر تمارة هو حلمها جان ترحن سوه وجهزن نفسجن للكلية
اشترينة الي محتاجته ورجعت للبيت
تلكتني رونق ع طول مشاكل ويانه ما نخلص من مشاكلها
لمار... بعد ما اخذت بنت سالي ربيتها يمه فدوة شنو هل الجمال طبق الاصل من سالي شكلها الشعر الغمازة سبحان الله حباية ومقسومة من سالي من اروح ل اهلي تبقة بلغرفة حابسة نفسها الا ان اروح لبيتي ماتريد تشوف بتها
من ولدتها لحد هاي اللحظة ماشايفتها صار عمرها سنة وجان اصير حامل فرحت حيل هاي البنية گصتها خير علينة
حالتنة المادة صارت احسن وزوجي فتح مشروع واني صرت حامل بعد انتظار عشر سنوات
بس المشكلة بدت هنا
&
&
&
#رواية_فصليه_الشيخ_رافد😻🦋
