بارت 25
گالي عوفيها عند اهلها وهم اولى بيها اختاري بيني وبين بنتج هسة سالي
جبرني اختاريتة هو بس كلبي عند بنتي متت قهر وقبل اضوج من تجي ام رافد لا هسة صرت انتظر جيتها ويومية اسئل امي ما اجت
يمه فدوة خابريها
ما عليها بيها ولا احجي شي بس اريد اشوف بنتي اروحلج فدوة يمة
امي اتصلت ب ام رافد وعزمتها العصر ع عصرونية تجي يمنه واكدت عليها تجيب وياها تمارة
شيصبرني لمتة يجي العصر
العصر خابرت ام رافد واعتذرت وكالت باجر اجي
متت قهر ماضل عندي صبر والله شيجيب باجر
ثاني يوم مارحت للدوام خاف تجي ام رافد الصبح
گلت ل امي اتصلي بيها
امي ماقبلت تكول خاف تشك خليها يمه اصبري العصر تجي
فعلا العصر اجت يماااا وشفت بنبيتي كوة صبرت ع نفسي
مابينت كدام ام رافد
اخذتها ورحت لغرفتي وحضنتها واشم عطرها اتامل بملامحها متت ليش هيج شون فرطت بنتي
يالله ساعدني اريد حل لمشكلتي
ساعتين بقت يمي بلغرفة واحسهن دقيقتين
اتوسلت ب ام رافد تخليها عندي ما قبلت
تكول رافد غير يموت مايتحمل متعود عليها تنام بحضنة يالله ينام
رافد.. ها يمه اليوم رحتي لسالي
اي يمه بس هل المرة غريبة اشو اتوسلت بيه اخلي عدها تمارة ودمعت عينها وخلال ساعتين بغرفتها وياها
شنو يمه معقولة
لبسي تمارة وخليلها ملابس بجنطة وخليني اخذها تبات عدها مدام تحب تمارة خليني اتقرب منها من خلالها وتقنع ترجعلي
اخذت تمارة ودكيت الباب
سالي..تعبت من البجي كلبي احترك ع بنتي شون ارجعها الي
ردت انام وسمعت الجرس دك ساعة 11 بليل وطلع بابا وجان امي تصيح سالي سالي اجتني تركض للغرفة تمارة جابها رافد ولج
ماصدكت ب امي معقولة رحت ركض لبنتي واحضنها وابجي
بابا ضل صافن وگال هسة تكولي شصاير
عفت بابا امي تحجيله ولا اهتميت واخذت بنتي ورحت لغرفتي والليل كله سهرانة وتامل بنتي واحضن وابوس ما نمت ابد لصبح الدوام هم ضربتة ما يهمني ما اريد اترك بنتي اتصل علية حسين يعيط شنو ماتداومين هسة تداومين
كتلة ما ادوام ابد وشتريد تسوي سوي هو زعل وسد التلفون
رافد.. لازم ارجعها باي طريقة
رونق صارت ماتهتم و ع طول مشغولة بموبايلها عركاتها قلت الحمد الله ارتاحيت منها
&
&
&
#رواية_فصليه_الشيخ_رافد😻🦋
