I hate that I need You

15

"Huwarrrrggghh!!! "
"Atuukkkk! Nokuro lo??? " bilang si Luqman yang sedang tunggu giliran mo nyanyi.
"Stagaaa!! Tulung sia dulu!barat tul si Acey ni! " Lebin cuba kasi seimbang badan dia. Kalau tidak, dia sama si Ashley tejatuh sdh di bawah.

Si Ashley masi lagi nangis² sambil peluk si Lebin.
Sambil dia nangis, dia kasitau si Lebin "ko tau ka? Sa sakit hati ni skarang! (Bunyi nangis)"
mo katawa suda si Lebin time tu. "Aiyyaa, Acey? Nauk suda ko ni! " bilang si Lebin sambil cuba² kasi lepas tangan si Ashley di pinggang dia.

"Haiyaa, Acey! Marilah kita modop!! Nauk suda ko! Brapa kali suda dia siop oh? " tanya si Nelly sambil dia tarik lengan si Ashley. Nasib juga pelukan dia berpindah pigi tmpat si Nelly. "Nellllllyyyyyy~"
"Aiyoo! Kada mihad!! " si Nelly usap² blkang si Ashley.

"Atuuiii bah.. Baru harini sa nmpak dia mabuk teruk ohh" bilang si Habel smbil naik tangga mo bagi dorang sosej.
"Inda pula sa sedar ohh.. Sebab kami becerita ja tadi. " si Lebin bcakap sma si Nelly smbil bercekak pinggang tanda kepenatan suda dia.
"Stagaa.. Acey? Marilah modop! " bilang si Nelly. Dlam grup dorang, si Nelly ja dapat handle urang mabuk. Tapi kalau dia yang mabuk, mimang inda dpat handle. Apa lagi kalau mabuk dia berpunca dari si Pei 😂.

"Sa ingat saya yang deluan mabuk! " bilang si Pei sambil garu² kepala dia.
"Bersyukurlah nak 😒" bilang si Luqman. Karl tingu ja si Ashley time tu.
Si Ashley ikut si Nelly pigi bilik. Jalan pun miring² suda.Dorang pn sambung nyanyi..

**********

Nelly's pov

Si Acey masi lagi nangis².. Sa pun inda taulah kenapa dia nangis².tapi sa nmpak, macam dia btul² sakit hati time tu.. Tapi pasal apa arhh?

"Karlll...kenapa ko ada di sini? *tsk*" si Acey tiba² becakap. Tapi dia tutup mata.
Maybe? Dia masi suka si Karl??

1 am
Dorang si Pei masi lagi becerita sana luar. Entah cerita apa juga dorang sedang bincang ni. Sa mo pigi luar da tapi sa malas. Sa tingu one piece ja sbab inda dapat tidur.

2 am
Sunyi suda sana luar. Nah, tetidur suda laitu dorang.sa pigi lah ambil angin sana luar. Baru ja sa mo keluar dari bilik, tiba² Acey panggil sa.
"Nelly, ko pigi mana? "
"Sa pigi luar dulu kijap ni.. " sa bilang.
"Ikutt"
"Bah. "

Keluar ja kami pigi kaki lima, beampai dorang di sana. Tapi yang lelaki ja lah.
"Astaga, Leb! Luqman!koruk! Habel! Pigi masuk dlm! Sajuk ni di luar! Sayang ja kamu pigi becuti klau inda tidur di bilik beekon!" sa bilang sambil tapap lengan dorang.

Si Acey pakai selipar suda sana bawa. Last²,dorang empat pigi masuk dalam. "Kamurang pigi mana" dia bilang si Lebin.
"Jalan² dulu. Inda dapat tidur. "Sa bilang
"Oh bah.. " bilang si Lebin trus dia tutup tu pintu utama.

Sa sma Acey jalan² lah kunun. Tu air surut suda .buli nampak suda tu batu² karang ni..

Ini ja peluang yang sa ada ni.. Bagus sa tanya si Acey pasal si Koruk.

"Emm, Acey? "
"Huh? "
"Errr... Ermm.. Ko marah ka kalau sa mo tau pasal hubungan ko sama si Koruk? Ehh, I mean si Karl? " sa kasi berani diri mo tanya dia.
"......." Dia diam ja.
"Kalau ko tidak mo kasitau, inda apa juga. Salah juga tanya ko. " sa bilang.
Si Acey pigi duduk sana tmpat yg ada mija²."meh lah, sa kasi cerita. " dia bilang.
Trus sa pigi duduk dakat dia.

*10 minutes later*

Si Acey menangis-nangis suda.
"Siou.. " sa bilang.

Haiyaa, budunya sa ni.. Buat apa juga sa mo tanya pasal hubungan koruk sama si Acey kalau cerita si Koruk lebih kurang juga dengan cerita si Acey? Nah ko tingu? Acey menangis suda! Haiyaaaa...