When We Collide (When Trilogy #1)

Chapter 3

Chapter 3

Jerk

Alas siyete na ng gabi nang makarating kami sa hotel namin. Sayad na sayad ang katawan ko dahil sa biyahe. We took the bus from Kalibo to the Jetti Port. Tapos sumakay pa kami ng Jetti bago kami tuluyang nakarating ng Boracay.

It took long hours for us to see the beautiful Boracay again but it was all worth it. The moment I step a foot on the bay and the cold night breeze hit my skin, I'm alive again.

Humiga muna ako saglit sa malambot na kama upang ipahinga ang katawan ko saglit. Papa booked two rooms, isa sa kanila ni mama at isa para sa'min ni Colton. This room has two beds, obviously. Pero dahil wala si Colton, walang mag-ookupa nung isang kama.

I fished the phone from my pocket to text Jess.

Me:

My bitch ass is already here in Boracay.

Ilang segundo lang ay lumitaw na ang ellipses sa conversation namin, tanda na nagta-type na siya ng reply.

Jess:

While mine is stuck here in Angeles City. Damn great!

Me:

Haha! Miss you!

Jess:

Miss you, too! O, ano? Wala ka pa bang nakitang gwapo diyan?

Natigilan ako nang bigla na namang rumehistro sa isipan ko ang hitsura niya. He's been occupying my mind the whole time. Nawawaglit lang siya sa isipan ko kapag nakakatulog ako sa biyahe.

It was just the first time that I saw him and yet he managed to create a war in my bloodstreams.

Ipiniling ko ang ulo ko at muling itinuon ang atensyon sa phone ko.

Nagtipa ako ng message para kay Jess.

Me:

Nada! Anabet 'yung mga kasama kong passengers sa plane.

Sometimes it's okay to lie to your best friend, especially at times like this. I'm trying to get rid of that guy's gorgeous face inside my brain at kapag ikinwento ko siya kay Jess ay lalo lang namin siyang mapag-uusapan hanggang sa mas lalong tumindi ang pagkagusto ko na makita pa siya.

The guy is off limits.

Jess:

Diyan sa bay wala?

Me:

Wala, 'di pa 'ko lumalabas. Nasa hotel room pa ako at nagpapahinga saglit.

Jess:

Ikaw lang? Atat na atat yatang mamingwit ng mga naka two piece si Colton. Hindi man lang nagpahinga. Thirsty af.

Natawa ako sa reply niya. Tingnan mo 'to. Ang sama ng mga iniisip kay Colton parati. If these two don't despise each other, ishi-ship ko ang dalawang 'to, e. Mabuti na rin 'yon dahil magiging sister-in-law ko si Jess pero malabo, baka magising na lang ako isa sa kanila ay pinaglalamayan na.

Me:

Ang sama mo sa kapatid ko! Wala talaga siya dahil inindian kami. Malapit na siyang itakwil ng mga magulang namin.

Nag-usap pa kami ni Jess ng ilang saglit bago ako nagpaalam na lalabas na ako dahil tumatawag na si mama.

Hindi na ako nagbihis at lumabas na ng kwarto para puntahan sina mama na nasa kabila lang. Papa is watching his game show on the television. He glanced at me and gave me a slight smile. Maya-maya lang ay lumabas na si mama mula sa restroom.