وحشي اناا😚

الجزء العاشر

7؛كيتحسس بشرة وجهها وبحالة كيضربو الضو....كيقرب لوجهها ويتمعن فداك الجمال ديال الله...كانت مكمولة من كل جيهة....الغيرة والغضب من نفسو كيحرقوه الداخل....كيرسم أشكال وهمية علی خدودها الواقفة....تحسس شعرها...شمووو وطووول فالشمة....كيتحسس قلبو كيضرب بلا قياس...تحلات ليها الشوميز اللي لابسة شوية من جيهة الصدر....بان ليه شوية من جسمها وهو يدور وجهو...مضور وجهو وكيصدف ليها الصديفة باش ميتهورش...يديه كيرجفو بسباب بنت عندها العشرين ولا فايتاها بسنة....هو اللي عندو تجارب مع كل صنف من نساء العالم....بلدان العالم كلهم دار عليهم....مخلاش شي حاجة مجربها...إحساسو بهاد الطفلة البريئة كيفوق تخيلاتو....قدرتو علی التحكم مشات....معمرو تشها شي مرا كما مع هاذ البنت البريئة....معمرو حس بهاد الرجفة فقلبو ....خرج صوتو بكل حنان.أسد؛ كيلعب فشعرها( سلاف...سلاف).بدون جواب...مغيبة...وفاتحة فمها وحد شوية...دكشي كان كيخليه يتصارع هو والوحش اللي لداخل ديالو باش ميحط شفايفو علی شفايفها ويروي داك العطش اللي هو فيه....خرج كيغوووت....حل الكرافاط ولاح الكوستيم....هبطو ليه جوج نقطات العرق من وجهو..... كيتمشی وهو معصب لأقصی درجة...وقف علی الناس اللي مكلفين بإصلاح داك الطابق....كلشي سكت...واحد كيشوف فلاخور..معمر السي أسد وقف عليهم....معمرهم شافوه شخصيا كيبان ليهم
فالمجلات..8؛أسد؛وكيغوت (ممكن نعرف شكون اللي تسبب فدكشي للبنت؟)العمال ساكتين...حتی حد مقدر يهضر...كيشوفو فبعضياتهم و خايفين.أسد؛ كللللكم براااا...منبغيش نشوف شي حد هنااااا..مشا وهو كيجري لسلاف اللي خلاها مع الطبيبة اللي عيط ليها...دخل وهو كيدوز يديه علی شعرو...كيتنفس بالجهد وخااايف خووف معمرو جربو....كيف حل الباب هز راسو نيشان ليها...كان شعرها مخربق وعاطيها رووونق بوووحدو...عينيها الكبار محلولين كتشوف فيه وشوفاتها مخلطين بالحشمة والخلعة....أسد؛خرج صوتو بلا ميحس( ماشاء الله)الطبيبة؛ كتجمع فصاكها(معندها والو...راه فاقت غير ضربة خفيفة...معندها مناش تخاف)أسد؛ حرك راسو بالإيماء. ...الطبيبة سدات الباب وخرجات....كنحمع فشعري ويديا كيترعدو...كنتفكر شد ليا فشعر وكان تصرفو عنيف معاية....معرفتش هاذ السيد اللي كيخوفني من شوفة وحدة فيه.معرفتش لاش كيتسرع بحال هاكة...اش فيها إلا طلقت شعري...هنا فالشركة كلشي كيقولو مكيتسوق للموضفات...علاش يتعامل معاية هاكة..واش حنت جديدة...ولا محاملنيش للخدمة...أنا غادي نستاقل بلا منضيع جهدي علی والو...أنا؛ كنخرج فصوتي بزز( السي أسد...أنا..أنا...)أسد؛ كيقرب جيهتي...وهو كيشوف فيا..( كيف بقيتي؟)أنا؛ هزيت عينيا ودغيا رجعتهم( بخير)خرجات خفيفة بزز تسمع...أسد؛ يدو جاية حتی هزات يدي...يدي الصغيرة فيدو الكبيرة وكيتحسس فيدي...هز يدي حتی جابها لشفايفو وباسها بشوية وبهمس هضر( متعاوديهاش...نقدر نقتلهم)أنا؛ كنشوف فيدي حدا فمو ومسمعت والو من دكشي اللي قال(أه )خرجات وانا معارفاش لاش قلت اه..حنت مسمعت والو وأنا مسمرة بلاصتي كالجثة.شوية جرني من يدي...وقفني حداه لدرجة كنحس بصدرو كيتهز ويتحط...