وحشي اناا😚

الجزء السابع عشر

16أسد؛ شرطي تتزوجي بيا...سلاف؛ وخرجات عينيها( أشنو؟)أسد؛ حط يدو فجيبو ( كيفما سمعتي)سلاف؛ مبقيت بغيت والو...(وبغات تخرج)أسد؛ هضر بنبرة جدية وهو مكيشوفش فيها كيشوف فالنافدة اللي كتطل علی الشارع( فكري بأنو كان فيدك تنقدي الأب ديالك ومنقدتيهش....فكري بأنو كنتي تقدرس تضحي ومضحيتيش....إلا وقعاتلو شي حاجة غتكوني نتي السباب...حنت كان فاستطاعتك تعاونيه...أنا مطلبتش منك الحرام...طلبت الحلال..)سلاف؛ وركات علی الطرف د الشوميز ديالها بيدها...تعصبات وتوثرات...( كيفاش باغي تحليني نحس بتأنيب الضمير...وانت مكتحسش بيه كتستافزني )أسد؛ دار عندها وشاف فيها( أنا مكنستافزكش...أنا جربت معاك طرق زوينة مبغيتيش....وانتي مغتكوني لحتی حد منغيري....إذن القرار بيدك...أنا واضح وصريح مكين لاش نزوق الحقائق...)سلاف؛ هزان راسها فيه ....( مواففة)......قلبو تزحزح من بلاصتو....كلمة وحدة أنا موافقة....غتوقع علی عقد ملكيتو ليها...أه هي أملاكو الخاصة وياويل مين يتقرب منها....من ليوم غيخبيها فقلبو ومكينش اللي يقيسها ولو بكلمة....هي حبيبتو غتولي مراتو....واقف واحس برجليه مهازينوش....داك الجبل الواقف ...داك الوحش نقطة ضعفو بنت صغيرة عنيها كبار....معارفاش أشمن مشاعر وأشمن أحاسيس كتخليه يحس....كتلعب بكيانو كامل برمشة منها... هي بوحدها تخلقات ليه ....خبرات جداها بزواجها فرحاات علی أساس زواجها من واحد بحال أسد غيعوضها علی الشقا اللي دوزت فحياتها... عطات الفلوس للأم ديالها وخا حسارة فيها كلمة أم ولكن تشوف الأب ديالها كيموت وخا سامح فيها وعندها فرصة تنقدو كما قال أسد متردداتش تنقدو...وسمعت نبرة الحزن فكلام جداها فاش عيطات تاخد رأيها ....فضرف عدة أيام كان الزواج...مبغاتش عرس مبغات والو وهو احتارم رغبتها...دارو العقد بحضور جداها ومشات من بعد....كانت كتسني وهي كترجف وكتشوف فيه والحقد تولد فديك اللحضة...استاغل ضروفها لمصلاحتو وليني معمرو يحلم يمسها وهذا وعد غتوفيه لراسها.....سالا كلشي...مشات معاه لدارو اللي متسوقاتش لرقيها ولا لضخامتها ولا لداك المنضر د الخضورة اللي كيرجع الروح فحديقتها.....كلشي بالنسبة ليها أحلام خايبة وغتنوض منها....طلعو للبيت اللي موجد وهي كتشوف فيه..أسد؛ كيشير ليها تدخل( دخلي..)سلاف؛ كتشوف فالباب د الغرفة...وفي أسد( واش غنعسو بجوج هنا؟)أسد؛ قري ليها وهضر حدا ودنها بشوية( أه أمدام متوكل)سلاف؛ تبورشات و تخلطو جميع المشاعر مع ديك الكلمة( سمح ليا غنعس بوحدي ..ميمكنش ننعس حداك..أنا وافقت علی قبل العملية وصاف).أسد؛ وشكون قاليك بغيت منك شي حاجة...؟تصدمات وحد الشوية وليني دخلات دغيا وسدات عليه...مشات للحمام بدلات حوايجها ودوشات فداك الحمام اللي قد بيتها كامل فالبلاد ...ليبرودوي معمرها شافتهم لقاتهم تما...كانت فيها ريحة زوينة وهي كتنشف شعرها...مشات للناموسية ونعسات بلا متفكر فغدا وبعدو وأسد حتی هو.....