وحشي اناا😚

الجزء الرابع

كنسد فالباب د البيت خارجة تلاقيت بشي بنت خارجة من الكوزينة يمكن البنت؛ بصدمة ونضرات إعجاب( شكون نتي؟) أنا؛ شفت فيها (أنا سكنت فهاد البيت مؤقتا) البنت؛ وااه ...تبارك الله كتحمقي بالزين اختي ..أنا بنت وتزعطت فيك. أنا؛ تبسمت(شكرا حتی نتي زوينة). البنت؛ أنا حداك إلا احتاجيتي شي حاجة علميني. أنا؛ شكرا . مشيت من حداها بلا متسولني علی سميتي ولا نسولها ...لقيت تيليبوتيك شارجيت تلفوني ووصلت خبار وصولي بسلامة لجدة... أنا عندي هدف نقلب علی خدمة في شركة. دكشي اللي كان السيد اللي قلب لي علی السكنی عطاني بزاف العناوين...وليني حكر ليا علی عنواان واحد نمشي ليه هو اللول حنت ديك الشركة تعتبر أكبر شركة فالبلاد...وعندها فروع فبزاف البلدان....سمع بلا محتاجين شي وحدة... لبست حوايج عملين....طلقت شعري....مكنبانش واش عايشة فالعروبية....فالجامعة تعلمت بزاف الحوايج منهم الأناقة ومنهم التعامل ومنهم نكون واتقة فنفسي ....شديت طاكسي للعنوان...
هبطت وأنا مبهورة بكلشي كنشوف قدامي....كانت بالفعل شركرة ضخمة قلبا وقالبا....كتتميز بالطابع الأوروبي....كلشي خدام علی قدم وساق....دخلت وتحولو النضرات ليا....كنتمشی وكنحس بالناس كتشوفيا وتعاود الشوفة....فديك اللحضة بالدات تفكرت الأخت ديالي ولا الأم ديالي اللي اللي تخلاو عليا حنت مكنشرفهمش وغليضة.. مشيت عند السكرتيرة اللي هضرات فالتلفون و جلساتني نتسنا ...وهي كتطلع وتهبط فيا... السكرتيرة؛ حطات التلفون وأنا عارفة كانت كاتجمع مع صاحبتها حطات تليفونها و بقات كاتخنزر فيا