وحشي اناا😚

الجزء السادس

أسد؛ الcv .أنا؛ حليت الصاك وكنتفتف..حطيتو بالزربة قدامو وجمعت يديا.أسد؛ ببرود( جلسي).أنا؛ تكحزت شوية وجلست بلا مندير شي صوت ...معرفتش داك الخوف اللي ركبني كان فشكل...السيد عندو هيبة رهيبة...كتخلي اللي جالس قدامو يخاف منو ويحتارمو بززأسد؛ عينيه علی الcv وهو كيلعب بالستيلو...( البيرو اللي فليمن...غيعطيك معلومات علی خدمتك...يمكن لك تمشي).أنا: وغنطير بالفرحة ...الضحكة شدات لي فمي كامل...كنتبسم بحال اابنت الصغيرة(شكرا شكرا).أسد؛ شاف فيا شوفة ديال نمشي....وقبل منسد الباب جاني صوتو( جمعي شعرك المرة الجاية ).مديتها فوالو...الا بغاني نجمع شعري ماشي مشكل....وليني السكرتيرة القديمة كانت طالقاه...سديت الباب وانا غنطير بالفرحة....مشيت للبيرو اللي قال عليه كانت فيه بنت عندها شي ثلاثين سنة ..حليت الباب د البيرو من بعد مدقيت ...أنا؛ السلام عليكم...سيفطني السي أسد علی قبل بلاصة السكرتيرة.البنت؛ هزات راسها فيا...ضحكات بعينيها كتعبر عن إعجابها بعينيها...ولفت نضرات الاعجاب من عيالات ورجال..( مرحبا مرحبا الكتيكيتة...غتولي السكرتيرة د الوحش ديالنا)أنا؛ بعدم فهم( أشنو)البنت؛ ضحكات...متديريش فبالك...أجي جلسي.
4:جلست فالكرسي مقابلة مع البيرو ديالها...وكنشوف فيها باش تبدا توريني الخدمة..البنت؛المهم اللي غنقوليك...الانضباط...متبقايش تسولي بزاف...متبقايش واقفة فالبيرو بزاف...يسالي معاك خرجي بلا متعيي راسك غيهضر معاك بزاف....أهم حاجة متخطيش معاه شي حدود...هو هنا ملقب بالوحش .عرفتي علاش حنت وحش فخدمتو وفتصرفاتو...بماأنك السكرتيرة الشخصية ..غتكوني بجنبو وقت اللي يحتاجك..هو مغيخرجكش معاه للخدمة...غيسيفط ليك كلشي فالبيرو ديالك وديري خدمتك....أنا؛ تخلعت قبل من خدم وبانت فوجهي وصوتي(واش صعيب تال هاذ الدرجة؟)سولتهت وانا كنترقب الجواب.البنت؛ شافت فيا بحال غتقول اسرار الدولة..كتهضر بشوية( مبغيتش نخلعك وليني تفكيرو فشكل...شخصيتو عجيبة غريبة معمرك تلاقي بحالو وخا تدوري العالم كامل...يقدر يجري عليك لابسط الحوايج...السيد شابع فلوس..ونزيدك راه مكنشوفوه غير مرة فالعام..عندك الزهر تلاقيتيه...كيخدم من دارو ولا كيسافر وكيجي يضرب طليلة...وتسحابيفدار غفلون..نونو حبيبة الشادة والفادة كيعرفها..عندو فروع فبزاف البلايص..المخير فالبلاد كيدير ليه اعتبار..نزيدك ولا نحبس)أنا؛ وكنخرج في عينيا وممصدقا هاد الراجل الصغير داير هدشي كامل فالناس...أنا كنفكر فحاجة وحدة.