وحشي اناا😚

الجزء الاول

1:الغليضة...الخااايبة...الخنشة.... كل هاذو صفات أثرو فنفسيتي...بنت صغيرة عندها إتنا عشر سنة كتسمع لهضرة كتحطم جميع أساسيات تكون الشخصية القوية وهي الثقة بالنفس... تقة والو .مكنعرفش شناهية نوقف قدام المرايا ويعجبني راسي...كنت كناكل بزاف حتی وليت كناكل بشراهة...كلشي صحابي انساحبو من حياتي ..وليت وحيدة ..مهمولة من عائلتي من أقرب الناس ليا الأم ديالي...كتفضل عليا الأخت ديالي اللي تعتبر رمز للجمال...رشاقة ..تقة فالنفس..شعر..كلام حلو... اسمي سلاف ..اسم كنت كنعتابرو حسن مني..بزاف الحوايج أترو فيا. نفور الام ديالي مني..نفور الأب أيضا...نفور العائلة..كلشي الأنضار كيتسلطو علی الأخت ديالي..أنا غليضة بالنسبة لبنت فداك العمر .....معالم أنوثي واضحة وليني محتاجة لتصغير...شعري رطب يمكن حسن من ختي فالزين غير مخبيا تحت الشحوم...لو نعمل تصغير لوجهي اسم ملاك يجي معايا حنت بالفعل ملاك... كنت كنسمع المخططات ديول الأم ديالي والأخت ديالي باش يتقربو من إبن أغنی رجل أعمال فالبلاد....وليني السيد مات باه وسافر للخارج بلا ميقدرو حتی يوصلو لباب المكتب ديالو ويهز فيهم الشوفة....كنسمع حاليا بأنه كزانوفا د البلاد...الرجل الوحش...محطم قلوب العذاری ....والأخت ديالي استبدلاتو بموضف عادي لأننا بطبيعة الحال جانا الإفلاس...وأول وحدة ضحاو بيها باش ينقسو المصاريف كانت أنا....
الدقة اللي حطماتني واللي بدلات حياتي كانت وأنا عمري تلات عشر سنة...أختي الكبيرة فعمرها واحد وعشرين سنة..أكيد لا مقارنة بيناتنا وهي اكتامل النمو ديالها وليني دائما كانو يخلوني نحس بالضعف ونتخبا باش منبان للناس...حنا ناس ميسورين وعندنا خيرنا كيما يقولو...وليني جانا الإفلاس ...أنا مختالفة علی عائلتي همهم المضاهر والبروتوكول أنا همي نتبدل ونحقق ذاتي ...وليني التقة بالنفس اللي تخليني نتبدل مكيناش وملقيتش اللي يشد بيدي يوقفني من غير الأحداث اللي بدلات لي حياتي وأنا صغيرة وكنحمد الله ألف مرة لأني غامرت ..... نقدر نقول دابة وأنا عندي عشرين.... بلا أي واحد غلط فيا واشمئز مني كيشوف فيا ويطول الشوفة نضرا للصورة اللي أنا فيها دابة....وليني واليديا مزال مشافوني وللأسف مبغيتهومش يشوفونو حنت تخلاو عليا........ مقدمة بسيطة للتشويق......