وحشي اناا😚

الجزء الخامس عشر

13؛ حس برحيق الورد كيتكون عسل ففمو....رطبين حلوين...قمة النشوة...غتطون ديالو بأي ثمن....مستاعد يضحي بالغالي والنفيس علی قبلها....بعد عليها شوية يتأمل وجهها....شفايفها حمرين من أتار اابوسة.....عينيها مغمضاهم...خرج صوتو بزز ببحة ديال الرغبة..أسد؛ انتي النعيم بحد ذاتو....مغتبعديش عليا من هاذ اللحضة ولو دقيقة...صوت من وراه كيغوت و تلاثة د الناس كيجريو جيهتم...هبط عينيه ليها شافها مغطيا ودنيها وكترجف...بحركة تملكية منو دورها ورا ضهرو وتبتها بدراعو تبقا حداه...خرج صوتو المسيطر الرجولي...أسد؛ ياك لاباس.سعيدة؛ كتأمل فالحلم القديم...كتشوف فيه وتشوف فيديه اللي محاوطين بنتها الصغيرة اللي يلاه اكتشفات بلا راه تحولات من غليضة خيبة لفراشة وملكة جمال...عينيها ضحكو وزاغو...تكلمات بكل تقة( أنا الأم ديالها..هاذي بنتي...بنتي حبيبتي )أسد؛ دور وجهو لسلاف اللي مخشيا فيه....ورجع يشوف فسعيدة؛ انتي مها ....وعلاش خايفة منك؟سعيدة؛ كتبتاسم وهي لقات ورقة اليناصيب ديالها....اللي محققاتو ليها البنت الكبيرة حققاتو البنت اللي متوقعاتها كاع تكون هاكة...(مشاكل عائلية أولدي)سلاف؛خرجات عينيها فيها وهي كتبعد من حدا أسد( أشمن مشاكل....مكنعرفكش بعدي مني)سعيدة؛ كتبكي وتمثل( بنتي...الواليد ديالك مريض...خاصاه عملية كبيرة...بنتي علاش كتصرفي هاكة...عارفة أنا غلطت وليني متعاقبينيش هاكة راك بنتي وحبيبتي)سلاف؛ كتغوت....بعدي مني....بعدي مني..مكنعرفكش...مشات كتجري للبيرو ديالها هزات حوايجها وخلات أسد كيهضر مع الأم ديالها معرفاتش ومباغاش تعرف ....جات تخرج حتی وقفات عليها سعيدة وعلی وجهها علامات حزن مصطنعة ولا بصح مكيهمهاش..سعيدة؛ علی الأقل أجي تشوفي الاب ديالك اللي مبين الحياة والموت...سلاف؛ شي حاجة ضربات فقلبها...وخا دارو فيها اللي دارو مزال قلبها محتافض بذكريات زوينة .. بخوف(مالو)سعيدة؛ كتقرب ليها( بعنا كل مكنكسابو باش نديرة ليه عملية وليني حالتو ميؤوس منها خاصو العلاج فالخارج..)سلاف؛ بلا متحس نزلات دمعة من عينيها وتنهدات...( ب...ب...ابا..بابا) نطقاتها وسكتات..مبقاتش كتفكر مشات مع الأم ديالها تشوفو.وخلات نضرات أسد تابعينها حتی مشاو..دخلات لدارهم القديمة كتنهد وتتحس حيطانها...كتحبس البكية وذكريات قديمة رجعات للذاكرة عندها....دخلات شافت هيكل صغير مكمش فالناموسية وحالتو تقطع فالقب...طاحت للأرض وكتبكي حداه....بحركة صغيرة دوز علی شعرها وفمو مشادش التوازن ...مكيقدرش يهضر...سلاف؛ بابا( كتبكي وتشوف كيف ولا) بااابا .مجوبهاش...كتشوف فيه ونسات كل ذاك الحقد اللي فيها من جيهتو مهما كان الأب ديالها....خرجات من عندهم وهي في حالة هستيرية ....كان ضلام الحال ديك الساعة...كتمشی وكتحس بالحريق فكرشها....