وحشي اناا😚

الجزء الثاني عشر

10؛جاية داخلة للبيرو نجلس نرتاح...هدشي كامل أتر فيا...كيفاش يتملكني....ياربي أش بيني معاه....قبل مندخل كنسمع البنات فالجيهة لاخرة كيهضرو...بدون شعور سمعت البنت الجديدة...عرفت أنا المقصودة...وقفت بلاصتي وأنا كنسمع أش تيقولو...)الأولی؛قالت ليا وحدة من قسم المحاسبة ضرب السي أيمن علی قبلها...واقيلة صحبتو وكتدير معاه اللازم.ههه)الثانية؛(لا أصحبتي راه مكيتلفتش هو للي خدامات عندو...ويلي كون بغا يطيح كون طاح لشحال من وحدة كتضور بيه بقاو غيبوسو رجليه)الأولی؛(ويلي يصحبتي نتي مشفتيش البنت كدايرة...ونزيدك طلع للطابق اللي فيه الأصلاحات جرا عليهم كاملين...ايوة دابة غير قوليلي فين عمرو طلع تما ولا عتب الشركة بزاف...من نهار خدمت وهو كيجي بزاف...)الثانية؛ معرفتش اختي...ايوة السي أسد..ماعندوش القلب غيكون باغي يدوز بيها والسلام)الأولی؛ ههه ايوة اش يسحابك بحال هذاك كيبغي...دابة يسالي منها ويلوحها...دخلت للبيرو وأنا مصدوومة...إذن هو كيتصرف معاية هاكة غير باش يوصل لدكشي اللي باغي...يسحابو أنا وحدة منهم...مكنسمحش ليه يفكر فيا هاكة...نموت ومنضيع التربية د جدة حبيبتي...جلست فالكرسي وحطيت يديا علی راسي...كيضرني بزاف...كنحس بالضلمة....حطيت يديا علی البيرو وخشيت راسي فيهم ونسيت فين كاينة واش وقع وغمضت عينيا....-كيتمشی فالبيرو وداير يديه فجنابو....كيدخل للحمام د البيرو ويغسل وجهو و يوقف ....حل الصدايف د الشوميز باش يتنفس شوية...كيدوز يدو علی شعرو و كيعاير فراسو..(كيفااااش ...كيفااااش....أول مرأة غتشوفها....أش هاذ اللهفة اللي فيا...وخا وتكون كيفما بغيتها ولا البنت اللي نتمنا...ميمكنش نضعف هاكة...ميمكنش) جلس فجنب البيرو....خاشي يديه فجيابو وشوميزتو محلولة مبينا عضلاتو السمرين....شوية العرق زاد ليه رونق علی جسمو الرياضي....حادرراسو وكيلعن فراسو علی تصرفاتو المراهقة.....جمع الشوميز وخرج بلا ميفكر للبيرو ديالها....دق محلاتش....عاود دق محلاتش...هو يحل الباب...وقف وحد الشوية يعطي لقلبو شوية الراحة حنت كان كيدق....شعرها طايح علی البيرو ولويداتها الصغار مجموعين كيف بنت صغيرة....تزيرات عليها الشوميز من الضهر باش يبان ليه شكل خصرها المنحوت وخا جالسة....بقااا واااقف كيتمع وهو فحالة غريبة عليه معمرو جربها...فديك اللحضة حس بيها ملكو...ديالو...يدافع عليها بحياتو ....تمشا حتی وصل حداها....قرب لشعرها وكيتمعن فدوك خصلات الحرير....كيفكر بشحال من طريقة يخبيها علی الناس باش ميشوفها حتی حد....كانت كيف العاصفة فحياتو دخلات بدلات كلشي....خرج صوتو حنين وكيهمس..أسد؛ سلاف...لاجواااب.أسد؛سلاااف حبيبت.....مقدرش يكمل حنت الكلمة صدماتو هو اللول...معمرو قال لشي مخلوقة حبيبتي....معمرو تغزل فشي وحدة.....كيحس براسو كيتبدل...حركها بيدو بشوية مفاقتش....كيحرك فيها وبدا كيتخلع مفاقتش...هضر بالجهد وهو كيحرك فيها(سلاااف) مفاقتش...هزها من كتافها باش يشوف وجهها...تخلع كان مسقوط فيها الدم...فمها نشف وراسها طايح...ضرب ليها بشوية علی حناكها تفيق والو....دار يديه تحت ركابيها ومبين درعانها وهزهت مبين يديه....خرج ضرب الباب وهو جاهل عينيه خارجين...كيغوت علی الموضفين يحيدو من قدامو....كلشي بقا مسمر بلاصتو كيشوفو فالرئيس ديالهم هاز موضفة بسيطة وصغيرة مبين يديه...وكلمة خوف قليلة فحق تعابير وجهو...خرج بزربة حطها فالطموبيل...غادي بيها للسبيطار وهو كيعاير....مشا تما فحالة هستيرية كيغوت...جاو الممرضات كيجرو بالنقال باش يشوفو مالها....دخلوها وهو بقا كيشوف فيديه...جلس حدا وحد الكرسي قلبو غيخرج....الخوف كلمة بسيطة مقارنة باحساسو....خرجها من المشفی وهي حادرة راسها...بغا يوصلها مبغاتش...طمنو عليها الطبيب بلا راه غي ارتفاع فالضغط وخاصها متتعرضش للضغط تاني....وممكن ترتاح....بقا تابعها بطموبيلتو حتی وصلها الطاكسي للدار....حس بقلبو غيخرج من بلاصتو بسببا ديك الملاك اللي كتحل فالباب د العمارة باش تدخل....بقا مقابلها وحاط يديه علی عجل القيادة...رجع للشركة...وعطا إنذارات خااااصة للمسؤول باش هضرتو توصل للكل....كانت هضرتو وااااضحة سلاف تتعامل معاملة خااااصة....جلس فاابيرو ديالها ونضرات الموضفين مقابلينو...هو معمرو كان ضعيف...ومعمرو خبا شي حاجة باغيها...كتعجبو كيحس بشي حاجة كيبغيها الله أعلم....المهم هو مشاعرو غيوصلهم ليها حنت معمرو كان كيتخبا ويمنع راسو يوصل لشي حاجة باغيها....معرفتش...اش نفسر تصرفاتو...إلا كان هو باغي شي حاجة أنا غنوقفو عند حدو مكنسمحش ليه بهادشي...ومغنضيعش الأمنية د جدة باش نرضيه...غنخدم وغنبقا فالشركة ...وهو عليا بالتيقار....مشيت للخدمة كيف العادة...نضرات الناس ليا مبدلة...كلشي كيشوف فيا ويحدر راسو ..الرجال كيتجنبوني...الموضفات كيبعدو عليا ومكيهضروش معاية...نكدب شفت بحال الخوف فعينيهم...جلست فالبيرو ومديتها فوالو أنا جاية نخدم فقط لاغير ...