وحشي اناا😚

الجزء الحادي عشر

خشا يدو من حدا ودني ودخلها فشعري....كيشوف فيا بحال أنا المرا الوحيدة فالدنيا...قربني ليه وأنا فعالم أخور...مبقيتش كنفرز واش كنحلم ولا هدشي بصح...ريحتو الشدة د يديه القويين...الشوفة اللي كيشوف فيا..ولو لمليون سنة منتخيل نكون واقفة حداه...بقا كيرسم حركات وهمية علی خدي وهو كيشوف فعينيا وسارح فشي حاجة...كح شوية بحالة كيجهز راسو لشي خطاب ..خرج صوتو حنين هدم كاع ديك القصوحية د راسي ..أسد؛ الا قلت ليك هاذ القلب معمرو دق لشي وحدة حتی بنتي انتي....الا قلت ليك كنشوفك كنسی خدمتي وراسي وهاذي كانت من المستحيلات...قاطعتو بغيت نهضر...سكتني بصبعو أسد؛خليني نكمل..(تنهد) شي حاجة كتضرب فقلبي دابة وكتحبس عليا الأكسجين...معمري تخيلت نطيح فشي بنت كما أنا دابة....شعرك..مشيتك...ريحتك..عينيك...ضحكتك...صبيعاتك كيفاش كتحركيهم...كلشيفيك ...دخلتي لحياتي وبدلتيها....مغديش نبان عليك ونقوليك عيالات كيجو حدا رجلي....نتي هي المرأة الوحيدة اللي حركاتني وبغيتها بأي طريقة....أنا؛ السي أسد أش كتقول.أسد؛ حطو صبعو علی فمي( ششش شكون سي....أنا بغيت نكون حبيبك...نكون ديالك..حنت نتي بغيتي ولا كرهتي راك ديالي...)أنا؛ ..وخرجت عينيا...كنحس بالسخووونة طالعة معاية..رجليا كيترعدو...واش باغي يتفلا عليا...واحد بحالو غيشوف فيا أنا ...نضت وأنا كنخنزر فيه( أنا غادي نخرج من هاد الشركة...سمح ليا كلكم فهمتوني غلط..بحالك بحال هذاك السيد..) قبل منكمل هضرتي ...حسيت بشي حاجة ضربات وجهي....تلوا ليا وجهي للجيهة لاخرا...عينيا فقدو اابصر لوحد الدقيقة عاد رجعت نشوف...بحالة شي حاجة تحركات فعينيا بحال الضو...شدني من شعري وخنزر وكيهضر بالجهد.أسد؛ أخر مرة تهضري علی شي راجل قدامي...وأنا غيرهم كاااملين...وإلا فكرتي مجرد فكرة تبعدي عليا...غنقتلك كتفهمي..)طلقت منو كنبكي..أنا؛ تفرقو عليا...مبغيت حتی واحد أنا جاية نخدم...بعدو مني..أسد؛ تعصب و زير علی يديه حتی بانو مفاصل يدو بيضين( أنا صريح فمشاعري...معمري نتخبا...وشي حاجة حسيتها قلتها ليك...ممكن تمشي...وإلا مشيتي من الشركة غنتبعك فينما مشيتي ونرجعك وديك الساع مغنعطيكش فرصة كما دابة...استمتعي بحريتك حنت غادي تولي ملكي وديالي وبزز عليك)