وحشي اناا😚

الجزء الثالت

جدة؛أنا قريتك باش نشوفك حسن من أي واحد ...بغيت توصلي لبزاف الحوايج ابنتي أنا ؛ انشالله منخيب ضنك أجداتي ......... -من بعد البكا والدموع...هزيت باليزة صغيرة وشي فلوس خبيتهم من شي خريفات ديولي بعتهم ...ركبت الترونسبور باش نمشي للمدينة اللي غنحقق فيها أحلامي.... من بعد النضرات اللي متبعاني الطريق كاملة درت شال علی وجهي ونعست ....هبطت وأنا مصدومة شحال تبدلت عليا المدينة....كبرو المباني وطوالو....تبدلو ماركات د الطوموبيلات.... تبدلو الممرات والضواو في الطريق.... مشيت نيشان للسيد اللي وصاتو عليا جدة من المعارف ديولها....عطاني بيت فبرطمة مع بنات كيقراو...حطيت حوايجي ودوشت ونعست مبانلي حد فالبرطمة مفيا اللي يشوف شي حد..... -فقت الصباح...هزيت شي حاجة من الباليزة كليتها...توحشت جدة بزاف خصني نعيط ليها عند مول الحانوت باش تعرفني وصلت غتبقا مشوشة....