وحشي اناا😚

الجزء الثاني

2.؛من بعد متخلاو عليا واليديا...كان قرارهم نمشي نكمل قرايتي عند جدة...أحسن حاجة وقعات فحياتي...وي عشت فالعروبية...نساوني واليديا بمرة وحدة بحالة مولدونيش....كانو كيتاصلو بالأم والجدة والحبيبة والروح ديالي..كتطمنهم عليا .شوية نقاطع الإتصال....جدة هي اللي نموت ونهبال عليها ..الحضن الحنين ...كل حب العالم تجمع مبين يديها...ببساطة سبب وقوفي علی رجلي وتقتي فنفسي وتعويضي عن حرماني من حنان وأمان....جدة هي عائلتي... جدة إنسانة علی قد الحال عايشة بشوية المواشي اللي عندنا...تبيع لبن وحليب وبيض و تبيع الدواجن والمواشي اللي تولدو ....كنت كنعاونها وأنا فرحانة....محرماتنيش من القرايا ..كنت مجتهدة بحق...قطعات لي الماكلة اللي تضرني وعشت بكل ماهو صحي ومفيد.... جسمي كبر و عمر فبلايص محدودة بحالة راسمهم فنان....نهائيا واش إتار الغلض بقاو فيا نضرا للنمو ديالي الصحي والأكل الصحي اللي استافدت منو....يوم علی يوم جمالي كيزيد....بشرتي كتنور...معمر جدتي حبسات التغزل ديالها فيا....كانت قوة كبيرة بالنسبة ليا.... كلماتها(بنتي الغزالة....لالة البنات.......نوارة د الدوار...) كبرت وزيانيت....داك الكبت اللي كنت فيه رجع حب للذات بطريقة مقبولة متخلينيش نتكبر....كنشكر الله كل نهار لأنو حطني في طريق جدة...كان صعيب نقرا وليني تعافرت حتی وصلت للباك وأنا كنتعدب فالترونسبور ومن بعد تلث سنين فالجامعة اللي كنت نجي فيها يوماين فالسمانة لعند جدة. ....من صغري والخطاب يجو لجدة وجدة كترفض...بغاتني نخدم ونحقق ذاتي معنديش الصحاب مكفياني جدة...
كنشف فشعري ونغني ونشطح لجدة اللي متبعاني بعينيها الفخورين ببنتها جدة؛ كتصفق بطريقة د ناس زمان ومنساجمة معاية( تبارك الله علی بنتي...كل نهار تزيدي تزياني....) أنا؛ جلست حداها وكنهج...بست ليها فوق راسها( نزيان حتی نعيا منوصلش ربع فزينك ألالة العيالات..) جدة؛ حطات ليا راسي علی فخدها وكتلعب ليا بشعري كيف ديما( الله ابنتي مبقا ليك والو وتمشي عليا ...كيغاندير بلا بيك) أنا؛ بست ليها يديها ودازو جوج دمعات( مغنغبرش...غادي ندفع للشركة ...قبلوني هو هداك مقبلونيش ..غنرجع وخا محاملة هاد الدوار انتي اللي عندي فيه) جدة؛ لا ابنتي ..سيري خدمي وملي تديري بلاصتك أنا نبقا نجي عندك..راك عارفة منقدرش نخلي داري مولفاها) أنا؛ كنهضر بحزن( جدة..أنا عندي الإجازة فالإيكونومي..معرفتش خاصني حتا ندفع و نشوف واش غادين يقبلوني )