The Mirror//المراية

الفصل السادس🍃

#غدير
لقيت چايمس ميل راْسه شوية و قرب مني!
"انت بتعمل ايه!" و بعدت عنه
چايمس:" ا ايه؟!"
"انت اللي ايه؟!"
چايمس:" لا كان في قطة هناك بشوفها... حلوة اوي!" و كان بيشاور على حديقة بيته... لفيت عشان أشوفها و ملقتش حاجة؟! لسة بلف ابصله لقيته مسك ايدي و شدني !
"چايمس فيه ايه! سيب ايدي!"
چايمس:" بس بس اسكتي!..." و راح شدني اكتر ناحية حديقة سلمى عند الشباك بتاع الصالة
چايمس:" سامعة الصوت ده؟"
سكت شوية و قعدت اسمع ... سمعت زي صوت حد بيصرخ و بيتأوه
"سلمى!" و شلت ايدي من ايده و طلعت المفتاح بسرعة و دخلت البيت

"سلمى سلمى انتي فين!" (charlie charlie where are you😂😂😂😂💔 فاكرة لما كنّا بنعملها_bebo_123)
و دخلت أوضة النوم لقيت سلمى قاعدة و مغمى عليها و أيديها بطلع دم كتير و المراية واقعة جنبها على الارض!
چايمس:" فيه ايه؟!"
"اطلع برا!!!" ابن الهبلة داخل و سلمى لابسة كروب توب و شورتس! (انا مش مصدقة ان ديه انا😂💔)
چايمس:" ابعدي كدة" و راح شال سلمى و أخدها سيارته و ودانا على المستشفى

#چايمس
هي مالها غدير؟ و انا بقرب منها بعدت! و لما كنت داخل عند سلمى خلتني اطلع برة!
وصلنا المستشفى و ودينا سلمى الطوارئ... كنت بكلم الدوكتر و رحت اشوف غدير فين و كانت قاعدة في غرفة الانتظار و حاطة رأسها بين ايدها
"غدير"
غدير:" عايز ايه يا چايمس عايز ايه"
"انا اسف"
غدير:" على ايه؟" و رفعت رأسها بصتلي
" معرفش بس انا لما قربت منك اتعصبتي و لما دخلت عند سلمى برده اتعصبتي" لقيتها ضحكت على اللي قلته
غدير:"بص يا عّم چايمس... الي انت بتفكر فيه ده لما قربت مينفعش... اولا عشان عيب ثانيا حرام عشان انتا مش جوزي عشان تعمل كدة... و انا مخلتكش تدخل عند سلمى عشان هي كانت لابسة قصير و انت مينفعش تشوفها كدة"
"ازاي يعني؟ يعني جوزك بس الي يعمل كدة و انا مبصش على سلمى عشان هي لابسة قصير؟ ليه؟"
غدير:" انت مسلم؟؟"
:" اه... لما نزلت مصر اسلمت ... بس انا مش عارف اَي حاجة غير اني اصلي و أصوم و كدة"
"يا عّم مينفعش اللي انت كنت عايز تعمله ده... و سلمى مينفعش تشوفها و هي لابسة قصير كدة "
" انتي هتستهبلي ما انتوا بتخرجوا و انتوا لابسين قصير"
"احم... وجهة نظر... بص ايه رأيك نقوم نشوف سلمى؟ انا عايزة اعرف ايه اللي حصلها!" و قامت من غير ما ترد شكلي احرجتها (احرجتها بس يا روح امك؟ ده انت فشخت الواقع😂💔💔)

(عند سلمى في أوضة المستشفى)
غدير:" ازاي حصلك كدة؟!"
سلمى:" مفيش المراية كانت حتة من النقوش الحديدية اللي عليها ديه حادة و انا فتحت ايدي فيها بالغلط"
چايمس:" بالغلط ازاي؟ و انتي اصلا شلتيها من مكانها ليه"
سلمى:" ا اصل كنت بجرب فستان و المراية كانت متعلقة فوق فالفستان مكانش باين فيها فنزلتها عشان احطها على الارض و الفستان يبان كامل (نفسي والله الحجّة بتطلع في نفس اللحظة😂✋🏻)
غدير:" طيب يلا عشان نروح بقا الدكتور قال ممكن تطلعي عادي"

(في بيت سلمى)
#سلمى
رجعنا البيت بس انا مرضتش ادخل الاوضة
غدير:" يلا روحي نامي عشان ترتاحي انا هغسل وشي بس و بعدين هاجي"
"لا لا انا هنام هنا في الصالة"
غدير:"يعني ايه هتنامي في الصالة؟!! امشي روحي نامي في اوضتك يلا!"
"يا غدير بقا بس... انا عايزة انام هنا ... يلا تصبحي على خير" و قفلت نور صالة و رحت نمت على الكنبة

(تاني يوم)
غدير:" سلمى... انا اتصلت على ماركو يجي يفطر معانا اوك؟"
سلمى:" اه و ماله عادي"
غدير:" هروح بس اخبط على چايمس اشوفه ممكن يجي هو كمان ولا لاء"
سلمى:" و تروحيله ليييه😏"
غدير:" دماغك ديه خليها تنضف شوية... فوني فاصل و مش هعرف اتصل عليه و ما اعرفش رقمه عشان اتصل من عندك"
سلمى:" طلعتي بريئة... روحي روحي " و قعدت تضحك

#ماركو
وصلت عند بيت سلمى عشان أفطر و اقعد معاهم شوية اصلهم معندهمش محاضرات انهاردة
خبطت و مفيش حد رد... خبطت كمان شوية لقيت سلمى فتحتلي
"ازيك يا زلماا"
سلمى:" متقوليش زلما" و بصتلي بقرف
"زلمااا يا زلمااا" و رحت دخلت البيت
سلمى:" بس بقاااا!"
"امال فين غدير؟"
سلمى:" راحت تجيب چايمس"
"طيب... اساعد في حاجة؟"
سلمى:" اه تعالى قطع السلطة"

#چايمس
الباب كان بيخبط فرحت افتح
"ازيك يا غدير!"
غدير:" ازيك: يلا بقا تعالى كدة هتفطر عندي انهاردة"
"ليه هي سلمى برا؟!!"
غدير:" سلمى ايه الي برا... لا هي موجودة بس انت هتيجي هتفطر معانا"
"و ماركو؟"
غدير:" في الطريق اهو" انا اتدايقت شوية... مبرتاحش لماركو ده (مبترتاحلوش مين يا حبيبي ده الكل بيرتاحله😍😂)
"طيب يلا..." و طلعت معاها و رحنا عند بيت سلمى

#غدير
فتحت الباب و ملقيتش حد في الصالة... اكيد سلمى جوا بتحضر الاكل
دخلت المطبخ...
"يلاهوي! انتوا بتعملوا ايه!!!" و غطيت عيني!

هيلوز🖤
بارت طويل اهو ...
اسفة مقدرتش انزل امبارح لان كان عندي مذاكرة كتشير كتشير اوي🌚💔
بس خلاص هنزل بقا منتظم امتحاناتي خلصت انهاردة 😌
تتوقعوا غدير شافت ايه؟!
يلا توقعاتكوا و الارآء
باااي🖤

17 to 20 votes for the next part🖤