اهيه يا ست جنى صور لدبي الي إنتي مبهورة بيها اوي😂😂💔 بس الصور زفت أصلا عشان أنا افتكرت أصور لما الدنيا بدأت تضلم و كمان ده الطريق السريع يعني مكنتش لسة دخلت دبي🙄😂
(الصورة الي تحت على اليمين المفروض انها لبرج خليفة و الأبراج الي جنبه، بس عشان كنت بعيد طالعة زالزفت😂💔)
———-
صوت راجل بينادي و هو بيقرأ من ملف في ايده:" المريضة رقم 7203 ، سلمى ماهر ، جايلها زيارة من المدعو ماركو... الوقت المحدد ساعة و ١٥ دقيقة حسب قوانين المصحة .."
دخلت مع ممرضة لممر طويل و بعدين فتحتلي باب الاوضة بتاعة سلمى و دخلتني .. سلمى كانت قاعدة على كرسي و قدامها طاولة و بتبص للفراغ..
رحت قعدت قصادها و مسكت ايدها بستها.. بصتلي و ضحكت و شدت على ايدي
بعد الي حصل في المستشفى ، الدكتور قرر انهم لازم يبعتوا سلمى لمصحة عشان "هي محتاجة علاج من نوع تاني" على رأيي الدكتور
حاولت أقنعه انها كويسة بس هو موافقش.. و ادينا هنا اهو..!
بقالها هنا تلات اسابيع و مسموحلي آجي أشوفها مرة في الاسبوع بس!
استنيت لحد ما الممرضة طلعت و كلمت سلمى
" سلمى .. كملي الي كنتِ بتقوليه آخر مرة انا كنت هنا.."
سلمى بصتلي شوية و بعدين رفعت شعرها فوق و بدأت تكمل كلامها :" المراية ، زي ما قلتلك هي بتوريني حاجات هتحصل في المستقبل و بتحظرني منها .. بس ده كان في الاول بس! بعدها المراية بدأت توريني راجل في التلاتينات تقريباً مع الحاجات الي هتحصل في المستقبل .. و في يوم ، المراية ورتني ست برده بس الراجل خنقها و ماتت.. ساعتها بقا المراية بدأت توريني حاجات هتحصل في المستقبل بس بقت بتحور شوية! يعني مبتورينيش الحادثة كلها او توريني حتة منها و الباقي لاء او ساعات كانت تعمل من الحبة قبة و توريني حادثة اكبر بكتير من الي هتحصل!!... بعدها المراية بدأت توريني بنت صغيرة.. و البنت ديه بدأت تكلمني.. بس بلغة مش مفهومة .. و مع كدة كنت بفهمها! كأن صوتها في دماغي.. كانت بتطلب مساعدة علطول و انا مكنتش بفهم هي عايزة ايه.. و بعدها كنت علطول بشوفها و الراجل بيموتها.. و بعدها معدتش بشوفها ولا بشوف الراجل"
اتنهدت براحة و بصتلها و ابتسمت
انا مصدقها.. و مش بقول كدة عشان انا بكدب لاء انا فعلا مصدقها!
أنت تقرأ
The Mirror//المراية
Paranormalhighest rank : # 4 in paranormal💪🏻💕 هل ممكن يكون فيه عالم موازي لعالمنا؟ عالم كل حاجة فيه رعب و خوف و شك؟ عالم جديد ورا مراية!!😈💔 marco asensio ~ james Rodriguez ~ isco suarez ~ carolina porqueddu ~ haquila oliviera ~ sage tullis ~ قصة رعب و خو...
