The great thing about this life of ours, is that you can be someone different to everybody.
- Jennifer Niven
— All The Bright Places. 🌍❤️
—————————
#ماركو
بصيت للبنت و سلمى وقفت ورايا و مقدرتش تبص على المنظر
قولت بالسويدي :" صاحب ابوكي هنا ليه؟"
ڤايوليت ردت و قالت :" بيدور على ثروة بابا "
كنت لسة هسآلها هو عايزها ليه لقيتها بدأت تتحرك تلقائياً كأنها روبوت و فتحت الباب و مشت شوية و بعدين فاجأة.. اختفت !
شدِّيت سلمى من ورايا و بصيتلها لقيتها بتعيط بصمت و بتهز راسها بقوة و هي بتقول بصوت واطي اوي :" انا، انا السبب. يا ريتني ما جبت المراية، انا عايزة اروح، انا عايزة انسى، عايزة انسى كل الي حصل.."
شديتها في حضني و انا بقول :" انا مش عارف اقولك ايه و مش عايز اقولك اهدي لان لو قلتلك اهدي هتنفعلي اكتر، بس بما ان معنديش حاجة اقولها، احب اقولك اهدي و يا رب اكون سعيد بالقرار ده "
عكس ما توقعت لقيتها بتبصلي فوق و بتضحك و هي بتقول:" يلا نشوف الراجل الي برا ده بيعمل ايه عشان نروح بسرعة و تعرف تاخد الريموت من غدير براحتك "
مسكت ايديها جامد و طلعنا، و سمعنا أصوات من تحت، تحديداً من الغرفة الي كان فيها المرايات
نزلنا براحة ووقفنا برا لقينا الراجل قاعد بيقرآ من كتاب كبير و مترب و مقطع و هو بيبص للمرايات
و فاجأة، ڤايوليت طلعت من الحيطة الي فيها المرايات المكسرة
الراجل بصلها و قال بالسويدي :" دوريلي على الثروة بتاعة ابوكي، و لو لقيتيها تجيبيها لـهنا "
ڤايوليت هزت راسها و طلعت برا الاوضة ف لزقنا ضهرنا انا و سلمى للحيطة، بس عكس توقعاتنا خي شافتنا
بس معملتش اَي حاجة و كملت مشيّ للاوضة الي جنب ديه !!
" هي تقريباً مُغيبَّة "
سلمى كانت هترد بس سكتت لما سمعنا صوت الراجل و هو خارج و بيقول :" بقالي اسبوعين بدور في البيت ده، يا ترى الياس مخبي ثروته فين !! شكلي هضطر ادور برا البيت كمان."
و كمل مشي لبرا البيت، البيت كان ضلمة ف مشفناش
سلمى :" هنعمل ايه دلوقتي!! البنت عيزانا ندفن جثتها بس هي دلوقتي تُعتبر عايشة نعمل احنا ايه؟!"
أنت تقرأ
The Mirror//المراية
Paranormalhighest rank : # 4 in paranormal💪🏻💕 هل ممكن يكون فيه عالم موازي لعالمنا؟ عالم كل حاجة فيه رعب و خوف و شك؟ عالم جديد ورا مراية!!😈💔 marco asensio ~ james Rodriguez ~ isco suarez ~ carolina porqueddu ~ haquila oliviera ~ sage tullis ~ قصة رعب و خو...
