The Mirror//المراية

الفصل الثاني عشر🍃

(التشبيه قتلني صراحة🌚❤️👆🏻😂)

سلمى:" فيه ايه اهدي بس!!"
سارة:" ايسكو كان عايزني عشان العرض الي احنا هنعمله و ... و بعدين انا كنت مغيرة دوره و هو زعق فيا جامد قدام الناس الي في المطعم كلها و رمى الحاجات في ... في وشي"
غدير:" نعم؟!"
سلمى:" دور ايه ده؟!"
سارة:"... الدور الي هيطلع مع غدير في العرض... "
غدير:" و انتي بتغيريه ليه! احنا مش قلنا في العرض ايسكو هيطلع معايا و انتي هتطلعي مع چون؟"
سلمى:" چون مين ده هو كمان"
غدير:" واحد كدة معانا في الجامعة" "بس انتي غيرتي الدور ليه يا سارة؟!!"
سارة:" معرفش... مبرتاحش مع چون"
سلمى:" انتي هتستهبلي انتي كمان... ده دور مش هنجوزكوا يعني😑"
سارة:" مليش فيه انا مش طالعة مع چون..."
غدير:" انا رايحة أقابل ايسكو..."
سارة:" ليه😡"
غدير:" مش كفاية هزقتي نفسك! ما تقعدي بقا انا رايحة أكلمه الله😒🙄"

#غدير
رحت لايسكو عشان بصراحة الي هو عمله ده تصرف مش محترم خالص! ازاي يهزق واحدة بنت قدام الناس كلها و كل ده عشان دور في عرض!!
اتصلت عليه عشان اسأله هو فين
"الو ... انت فين يا ايسكو"
ايسكو:" الواحد بيسلم ، بيصبح، مش كدة"
"اخلص قولي انتي فين مش ناقصاك"
ايسكو:" طيب خلاص! انا في الحديقة الي عند *****"
"طيب... انا جاية"
و رحت اخدت تاكسي و رحتله و اول ما وصلت كان هو قاعد تحت شجرة و ماسك كتاب و بيقرأ و شعره كان واقع على وشه و بعدين بصلي فوق و ضحك...
"انت ليه عملت كدة فيها؟"
ايسكو:" هي الي بدلت دوري!"
"طيب مش محتاج كل ده يعني؟!!"
ايسكو:" لا محتاج" و نزلت قعدت جنبه و مسكت الكتاب الي هو كان بيقرأه و قعدت اتفرج عليه و كان the fault in our stars
"بتحب الكتاب ده؟!"
ايسكو:" اه... تقدري تقول انه ديه عاشر مرة اقرأه..."
"انا كمان بحبه... ده كتابي المفضل..."
ايسكو:" مين الشخصية المفضلة عندك؟"
"الولد ، اوجستس، عيطت لما مات..."
ايسكو:" طب ليه ده بالذات؟"
"مع انه عارف انه كان هيموت عشان عنده نوع من الكانسر في العظام برده فضل مع البنت و كان علطول بيوريها حاجات جديدة و كان علطول بيفضل معاها حتى و هي تعبانة... عمره ما فكر يسيبها عشان هو كان مريض... كان علطول بيحسسها انها احسن من كل البنات التانية مع ان هي عندها كانسر في الرئة برده... عجبني تصميمه ان هو مسبهاش لآخر يوم في حياته..."
ايسكو:" و انتي عايزة حد كدة؟"
"حد ازاي يعني؟"
ايسكو:" يحسسك انك احسن من باقي البنات؟"
"اَي بنت بتتمنى كدة" و ضحكت عليه
ايسكو:" عارفة انا ادايقت لما سارة غيرت الدور ليه؟؟" بصتله و هزيت راسي بمعنى لاء
ايسكو:" عشان انا بحبك... مش عايز اشوفك طالعة مع حد تاني في العرض حتى لو تمثيل..." انا فضلت متنحة فيه شوية... الي هو ميعرفوش انا كمان بحبه......
" و انا كمان" و بصتله
ايسكو: 😉❤️always؟"
"Always.😂❤️" (عارفة انكوا بتقولوا ايه الهبل ده ... بس محدش هيفهم انا قصدي ايه بالكلمتين دول الا الي قرأوا الكتاب😜 معاناها "دائماً" ... في الكتاب بيبقى قصدهم انهم هيفضلوا دايما مع بعض🙌🏻)

(بعد ٣ ايّام)
#سلمى
غدير تقريبا اتهبلت!! هي و ايسكو نازلين مصر بكرة عشان يروحوا عند اَهلها و يتجوزوا! المشكلة ان سارة زعلانة☹️ هي كمان بتحب ايسكو!

#flashback

كنّا قاعدين انا و سارة و غدير دخلت و هي فرحانة جدا؟
"فيه ايه يختي"
غدير:" ايسكو بيحبني... هنتخطب... مصر ... هتجوززززز"
سارة وقفت فاجأة و اتعصبت :" نعم! ايسكو ايه!؟"
غدير:" بيحبني😍"
سارة:"... و انتي... انتي بتحبيه؟!😳💔"
غدير:" اه❤️💃"
سلمى:" و هتنزلي فين ان شاء الله؟"
غدير:" كمان ٤ ايّام هننزل انا و هو مصر عشان يتقدملي"
سارة:" بتهزري!"
سلمى:" سارة ا..."
سارة:" انا ماشية!!😡💔"

#end of the flash back

#سلمى
و غدير فرحانة جدا و بقالها كذا يوم بتفضل لحد متآخر برا مع ايسكو و ماركو متدايق منهم لانه بيقول ان ايسكو "مش قد المسؤولية" و سارة مبتكلمش غدير خالص و غدير بتبعد ايسكو عن سارة و چايمس معادش بيكلم غدير أبدا ولا بيخرج معانا💔 كل حاجة ما بينا باظت بسبب كدة!!
كنت قاعدة أفكر ازاي بسبب شخص واحد بس، ايسكو، كل حاجة ما بينا اتلخبطت و لقيت الباب بتاعي بيتخبط عليه و قمت افتح و كان چايمس
چايمس:" هتسافر؟! و مقولتليش ليه؟! ها؟!" و كان بيزعق جامد
"أنا مالي أنا؟! يا جايمس كل ده حصل فاجاة و مش واخد بالك ان كلنا متلخبطين؟!!"
چايمس:" أنا هسافر مصر بكرة✋🏻"
"نعم؟!!"ا
چايمس:" عندي شغل في فرع شركتي الي هناك"
"متحاولش تبهدل كل حاجة بين غدير و ايسكو يا چايمس يا اما أنا هقلها و والله ما بهزر"
چايمس:" قلتلك رايح عشان شغل😑" و مشى و قفل الباب جامد!!

شوية و دخلت الاوضة بتاعتي و وقفت قدام المراية... ممكن توريني لو فيه حاجة وحشة هتحصلهم...
•
•
سطح المراية أتحرك
•
بين طيارة بتقع جامد و بسرعة من السما
•
•
سلمى:" فيه حد منهم هيقع بالطيارة!!!"

هالوز🌚💕
ما رآيكم في تطور الأحداث السريع هذا؟😂💔✌🏻
حد قرأ the fault in our stars قبل كدة؟💕
روحوا شوفوا قصصي التانية يا عالم ياللي بتقرأوا هنا💃

17 votes for the new chapter 🌚💕