The Mirror//المراية

الفصل الرابع و العشرون 🍃

- It's like I'm frozen but the world still turns..

مع ان التفاعل زالزفت جدا قررت انزل عشان أنا كاتبته من زمان 😊🙄
كومنت على الفقرات لو سمحتوا!!
———-

#چايمس

" انت مين؟!"

الراجل :" انا اسمي الياس.. قولي الياس بس من غير عمو"

" و هو انا كدة عرفتك يعني؟ انت دخلت ازاي أساساً!؟"

غدير نزلت بعد ما سمعت الصوت..

غدير :" ايه الي بيحصل؟ ده مين يا چايمس؟"

الياس :" لو سمعتوني هتعرفوا كل حاجة.."

بصيت لغدير الي حركت كتفها كأنها بتقولي و مالو و رحنا قعدنا مع الراجل

الياس :" انا الي سلمى جابت من عنده المراية.."

غدير فتحت بؤها عشان تتكلم بس الراجل قاطعها

الياس :" انا جيت أدور على سلمى عشان هي كانت اعطتني عنوانها .. بس ملقيتش حد في البيت"

محدش في البيت؟ امال ماركو فين!!..

" طيب و انت بتدور عليها ليها يا عمو.. قصدي الياس؟"

الياس :"لازم تيجو معايا اوريكو حاجه في المحل بتاعي.. حاجه مهمة"

غدير بصتلي و هي مخضوضه.. استغربت شويه و بعدين افتكرت, اخر مره راحت المحل مكانش موجود!

"طيب هنغير و نيجي معاك.."

بصيت لغدير بمعنى انها تقوم و انا هفضل قاعد معاه..

.

.

بعد ما غيرنا ركبنا العربية و الياس وصفلنا الطريق و لما وصلنا كان محل صغير بتاع اثاث

غدير بهمس :" المحل ده مكانش موجود المره الي فاتت يا جايمس!! و مكانش فيه حد اسمه الياس!"

و هي بتتكلم كان الياس فتح الباب و نزل و دخل المحل.. و اول ما هي خلصت كلام فتحت الباب عشان تنزل وراه

شديت ايديها :"رايحة فين! انتي ماشيه كده على بركه الله؟!"

غدير ضحكت :" انت بتهزر! اكيد رايحه وراه.. اصل الي بيحصل دلوقتي عامل زي روايات الرعب الي بقرأها!"