part 6 جنان ..تدرين صارلي 13 سنة انتظر الفرج و انتظر اهلي الله يحنن گلبهم علية بس گلوبهم سودة موتوني و اني بالحياة
حسناء ..مفهمت ❓
جنان ..تدرين صار عمري 34 سنة و بعدني انتظر هيثم و هو صار عمره 36 سنة وبعده ينتظرني
حسناء ..استغربت ..هيثم منو
جنان ..كان عمري 19 اول مرة شفتة كان گاعد يم فهد و هو هم شافني و صار بيننا حب بس بالعيون هو يتعمد يجي لفهد و اني اباوع عليه من الفتحة مال الباب
دزلي رسالة بيد ✋ بنت اخوية الزغيرة كاتبلي بيت شعر و كلمة احبج منهة اني انتقلت الى عالم ثاني
گمت اسمع كاظم و مهند محسن و هيثم يوسف و ضلينة نتراسل حب و غرام كان هو يدرس مگدر يخطبني گال بس اتخرج اجيب اهلي و اخطبج
ضلينة سنتين علاقة 💑 نتخابر من الارضي و نتراسل عن طريق بنت اخوية فد يوم حجيت ويا بالتلفون گال هسة راح اجي ع فهد اطلعي افتحي الباب لحتى اشوفج
طلعت فتحتلة الباب كالعادة من اشوفة و اسمع صوتة اروح بعالم ثاني اموووع انسى كل الحوالية و ابقى بس ويا و كلامة شگد حلو
وهو يتغزل بية و اني هم و ما اشوفلج غير فهد فوگ راسي شأحجي وشسولف ع الصار و المشاكل و الكتل و حتى شيلوهم لبيت هيثم من المنطقة انگلبت الدنيا اما اني ردت اصير خبر كانَ لو ما لطف الله و ابوية
نحرمت من المدرسة و من كوووولشي حلو و بقيت ع هالحطة گدامج بقينة اني ويا نتواصل شگد تعاركنة شگد تعاوفنة بس منگدر نطول اكثر من اسبوع و نرجع لبعض
و شگد اجة خطبني صار اكثر من 13 سنة ما خلة احد مجابة توسل و باس الايادي و كلهة تقنع الا فهد ميقبل و كلما يجي هيثم يخطبني تصير مشاكل
حسناء ..ابجي ..يا عمررررررررري سودة علية حبيبتي و الله گطعتي گلبي معقولة فهد هيج قاسي
جنان ..ههه فهد اسوأ انسان ممكن تقابلي بحياتج اناني و يحب بس نفسه ع اساس هو يحب و يعرف معنى الحب بس اگصهة لأيدي اذا الحب دخل گلبة بيوم من الايام
حسناء ..مسحت وجهي و تنهدت ..هو مو زوجي بس ما اعرفه شخص غامض بالنسبة الية زين جدو يعني والدج ميگدر يأثر عليهم
جنان ..هاي شبيج فهد و امي مسيطرين ع هذا البيت من اكبر واحد لاصغر واحد و كوووولشي بأيديهم
حسناء ..زين و خالة ام فهد متگدر تساعدج
جنان ..امي اااااااااااااااااخ منهة راكضة ورة فهد لو يگوللهة موتي تموت تعرفين شنو الي قاهرني هيثم يريدني انهزم ويا و اني كالعادة جبانة
حسناء ..لا لا لتسويهة لتغلطين هيج غلطة ديري بالج
جنان ..ابجي و اصيح ..ليش هاا ليش منو د يحس بية و اني دا اموت باليوم الف مرة دا اعاني و محد مهتم
شافوني ساكتة عبالهم نسيت عبالهم ما اهتم .نصيت صوتي .اني كبرت حسناء من حقي ارتبط بالانسان اللي اختارة گلبي من حقي اكون اسرة كووولشي من حقي اسوي حرام عليهم يحرموني من سعادتي
حسناء ..حضنتهة و ضلينة نبجي اني وياها
مرت الايام بين حجي و لغاوي من ام فهد بس اني ساكتة ما احب اسوي مشاكل بس اريد فهد يرضى علية
اني گاعدة بغرفتي اجة فهد حچة وياية
فهد ..حضري نفسج الخميس الجاي عرسي
حسناء ..غصيت و اگح ..شنووووووو
فهد ..عرسي شبيج
حسناء ..ابجي ..ليش ليش بشنو قصرت وياك
فهد ..اسمعي بلا حجي زايد اني جيت انطيج علم مو اخذ رأيج
حسناء ..انت شدتحجي يعني تريد تتزوج علية و اني مصارلي كم شهر و تريدني اسكت
فهد ..هذا الموجود انطمي و ما اريد اسمع و لا كلمة
حسناء ..اصيح ..لا اكيد انت تخبلت
فهد ..بعصبية و بصياح ..تخبلت لا يا بنت الكلب موتتهة كتل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
