احب ضي الگمر 🌝 و تحبني نجمة 🌟

part 14

part 14
رؤى ..جابو حسناء يمنة من شفتهة تخبلت شصاير بيهة احس بذنب فظيع تجاهها اني السبب بألي صار

بس الله مفوتلياها خسرت نبيل شگد حاولت ارجعة مقبل گال انتي نزلتي من عيني و اني الي كنت متوقعة بهذا تصرفي ح اكسبه الله لينطيج ميس كرهت نفسي بسببج سودة بوجهي ليش مسمعت كلام حسناء من حذرتني من ميس

اااااااااااااااااخ امي و خالتي كوثر و اروى كارهيني امي لاجة وياية و بطلتني من المدرسة و هذه اخر سنة الية بالسادس كل الي يصير بية استاهلة ما اعرف شأسوي اريد احجي وية حسناء لان عِرفَت من امي و خالتي الي صار بسببي اريد اعتذرلهة بس خجلانة من نفسي

رحت لحسناء نايمة بالفراش متأذية من الضرب

ابجي ..حسناء اني اسفة سامحيني ع الي صار

حسناء ..عرفت من عمتي انو رؤى انطت بية گدام فهد تأذيت و انقهرت لان اعتبرهة اختي لو غريبة يمكن ما اهتم بس الطعنة اجتني من اقرب الناس الية ..

و هسة جاية تعتذر مني بس بعديش

رؤى ..حسناء الله يرضة عليج جاوبيني و الله دا اموت بسبب الي صار

حسناء ..تعبانة و بالگوة احجي ..
ليش رؤى اني مأذيتج بشي حتى تنتقمين مني  بهالطريقة مو حتى حذرتج من ميس

رؤى ..انهاريت من البجي گعدت يم رجليهة ..
لج و الله ما اقصد الي صار بلحظات غباء مني بس متوقعت هذا كله

حسناء ..روحي رؤى الله يسامحج ما عندي قوة 💪 احجي روحي حبابة

رؤى ..ابجي لا حسناء افهميني الله يخليج .. دخلت امي

سندس ..لج شدتسوين هنا يلا اطلعي شوفي حالهة كله من وراج

رؤى ..ابجي ..ماما شبيج ترة اني بنتج مو عدوتج

سندس ..لا و الله حشة مو بنتي انتي بنت شارع لعبتي لعب مو زين ما گلت لأبوج ع سوايتج كان حش رگبتج حش يلا برة اهو گومي اطلعي يلا

رؤى ..امي طلعتني تدفع من الغرفة اوووووووووف يا ربي اخذني و خلصني

ثاني يوم…

سندس ..اجة فهد و ابو علمودج و خابرت عمج ابو علي و كوثر هسة يجون و نتفاهم

حسناء ..فرحت ..صدگ عمة

سندس ..بعصبية ..شكو شنو صدگ عمة ليكون تريدين ترجعيلة بعد الي سوا بيج اني بالگوة لازمة نفسي اريد اشرب من دمة

حسناء ..سكتت لان عمتي سندس عصبية هي صح گلبهة طيب بس متتحمل و لسانهة طويل عكس عمتي كوثر هادئة بس اني  فرحت بداخلي لان فهد اجة علمودي

اجتي عمتي كوثر و عمي ابو علي و دا اسمعهم يحجون جوة بس مدا افهم شي

ورة شوية صعدو عمتي كوثر و عمتي سندس

كوثر ..يمعودة سندس ترة عيب ميصير هيج عمي فرحان ( ابو فهد ) بمقام ابونة 

سندس ..يعني تريديني اسكتلهم و بكل بگاحة يدافعون ع نفسهم و كأنما ممسوين شي

كوثر ..ميخالف يا اختي ترة طگت روحهم من اسلوبج 

سندس ..بالطگاگ ..و الله حلوة مجنزهة للبنية و يريدنة نسكت

كوثر ..المهم حبيبتي حسناء فهد و ابو جايين يعتذرون و يريدوج تروحين وياهم

حسناء ..ما ادري و الله ياعمة

سندس ..بصوت عالي .. شنو ما ادري انتي ما عندج كرامة

حسناء ..جفلت من عيطتهة

كوثر .. استغفر الله العظيم.. سندس اطلعي لخاطر الله عوفيني اني اتفاهم وياهة

سندس ..لا اطلع احسن لا اروح ارتكب جريمة لان طگت مرارتي

كوثر ..حسناء شوفي شلون محروگ گلبنة عليج لان احنة نحبج انتي بتنة من ريحة الغالي و وصية ابوية الله يرحمة مات و هو يصيح بأسمج و يوصي عليج

و صدگي لو هو موجود ميخليج لحظة ع ذمة فهد يعني هاي الاذية كلهة الي سببولجياها و ما خفي كان اعظم اني ادري انتي شايفة الويل و ساكتة لان تحبي

بس شنو الفايدة حبة اذاج المرأة تتزوج حتى ترتاح و تكون اسرة و تستقر بس انتي زواجج اجة عليج بنتيجة عكسية

تصويت 😍😘