جنان ..ها ماما شسوين بي اذا تريدين اني اخابرلجياها
ام فهد ..لا يُمة فهد يريده بس لتگولين لأحد
جنان ..يعني هو ليش ميروح يرجعهة للبنية و يرتاح ويريحهة
ام فهد ..انتي متعرفي خشمة يابس و ميحب يتنازل لاحد
جنان ..فوگ مغلطان بحقهة يريدهة هي ترجعله هزيت ايدي و الله يا الله و انطيتهة الرقم
حسناء .. گاعدة اجتني رسالة ع الفايبر اغنية فتحتهة ( يلازمني خيالك وين ما رحت و سرحت و جيت اسرني طيفك و حبك اسرني و صرت مجنونك ..كاملة ) اباوع بس رقم 📱 لا صورة و لا اسم
حسيت بي فهد بس ممتأكدة گلت خلي اشوف كتبتلة
بس انت متحب احلام
كتبلي الا هذه الاغنية تعبر عن الي بداخلي
عرفته كتبتلة انت فهد موو
مرد عليه بيومهة مگدرت انام من الفرحة و كلساع اشغل الاغنية لدرجة حفظتهة
كلساع اريد اراسلة بس ميصير هو لازم يصالحني
انتظرته يوم ورة يوم ماكو يا ربي و الله ح يجلطني هالانسان ليش انطاني امل و راح قهرني
و من قهرتي رحت گلت لعمتي اني موافقة ع الزواج اكيد عمتي فرحت راحت گالت لأهل العريس و اجوي قرو الفاتحة و وراها حددو يوم الخطوبة شكلهم مستعجلين
حتى اقهره هاي اذا هو فعلا ينقهر عزمت جنان و عمتي ع الخطوبة
اتصل بية رقم 📱 غريب
الوو
فهد ..حسناء احسنلج افصخي
حسناء ..منو انت
فهد ..بصوت عالي اني گتلج و قد اعذر من انذر
حسناء ..سدة بوجهي بس و الله بعنادة الا امشي بخطوبتي و بعد معليه بي شنو اني لعبة بأيدة
و استمرت التحضيرات للخطوبة بس اني گلبي طاگ ع فهد يا ربي شگد احبه اتمنى اعوف كوووولشي و اروحله
