ميس ..ابجي ..بعد ما اتحمل تگوم و تگعد تعيرني العاگر و مابيج خير و فهد ميريدج و انتي لازگة ليش فهد ليش ساكت و عايفني اجرع المر
حسناء ..صدمتني… صخام الصخمج ع هالكذب لج شوكت حجيت
ميس ..هاك شوف گدامك و هيج تتجاوز لعد وراك شلون
حسناء ..فهد صاح بصوت عالي بسسسسس وضربهة و اجة ضربني من ديضربني فات جدو و عمتي ام فهد
جدو ..فهددددد اخذ مرتك و اطلع ما اريدك بعد بهذا البيت و طلگ حسناء
فهد ..هاي شنو يابا شدتحجي
جدو ..بالعكازة كسر المواعين الي ع الكاونتر ..گتلك اخذ مرتك و اخذ اي بيت من البيوت مالتنة و عيش بي وية مرتك و طلگ حسناء
فهد ..يابا حسناء هم مرتي اخذهة بس ما اطلگهة
جدو ..لا گتلك تطلگهة و ما اريدك بهذا البيت لان تعبتنة كلنة و اذا بقيت هنا احرگك و احرگ البيت
حسناء ..جدو يريد فهد يطلگني لان وعد عمامي بهذا الشي انقهرت و بجيت رأساً صعدت لغرفتي
صفنت يمكن اجة الوقت انو لازم اخذ موقف كنت متوقعة راح يجي هذا اليوم بس هم بعدني ممستعدة شكلي نهائيًا مراح اكون مستعدة ع فراگ فهد
شر لا بد منه مو بس همة تعبو اني هم تدمرت حتى صحتي واهلي و ناسي راحو بسبب حبي لفهد
لازم اصير قوية لاني دا اواجه اصعب ظرف ممكن يمر بي اي انسان يعني دا اشلع گلبي من بين ضلوعي شلع
اني اگدر ارفض و اگول لجدو اريد زوجي و ما اعوفه و ابقى ويا بس شي بداخلي يگولي كافي تعبتي و تعبتي الكل وياج و لازم تاخذين موقف كافي نزلتي كرامتج و هانت عليج نفسج اهوااااية
وگعت بالكاع و ضليت ابجي دخل فهد
فهد ..راح اطلع امشي حضري غراضج و تعالي وياية
حسناء ..ابجي ..ما اگدر
فهد ..شنو متگدرين انتي مرتي اخذج غصباً ع اكبر واحد
حسناء ..لا مو خوفاً من احد بس اني شخصياً بعد ما اگدر
فهد .. فركت وجهي و گعدت ..يعني شتريدين متريديني بعد لو شنو
حسناء ..ابجي بس مبتسمة ..ليش تريدني اروح وياك
فهد ..غير انتي مرتي و تتبعيني
حسناء ..بس بس لان اني مرتك و لازم اتبعك فهد انت مو بشر ما عندك مشاعر
فهد ..احترمي نفسج و لتضلين تلوصين جيبي غراضج و امشي وياية يلا
حسناء ..اول مرة احس نفسي صرت جريئة و ما اخاف من مواجهة فهد
تدري فهد اني حبيتك لدرجة الجنون و لحد هذه اللحظة الكل گالي عوفي بس اني ما اگدر ما اتخيل حياتي بدونك اصلا ما اگدر اعيش بدونك
كنت اتمنى بيوم عرسنةاسوي حفلة 🎉 كبيرة و نرگص اني وياك ع اغنية عمرو ذياب ( وماله لو ليلة رحنة بعيد و سبنا كل الناس ) و نرگص و نطير من الفرح و من ندخل اني وياك للغرفة و اسولفلك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
