رغم انو تقريبا ماكو كلام بيني و بين فهد هذا الشخص الغامض بس اني افهمه و اعرفه زين حتى من طريقة نومته و ياية اذا كارهني و اذا عصبي و اذا متضايق بس المرات الاخيرة احسهة بحب
رغم هو ميبوح بمشاعره بس احس بي مشاعره تغيرت تجاهي حتى نظراته و حتى من تعاركت وية عمتي و ميس محچة وياية فهد القديم كان اذاني و ليش اصر انو ميطلگني رغم ملحة اهله
او يمكن اني دا اقشمر نفسي و اوهمهة بأنو هو حبني و دا اجمع تصرفاته و اترجمهة بالشكل الي يحلو لي
ما هو مثل اللغز حيرني صدگ لو گالت ام كلثوم حيرت البي معاك
علي ابن عمي الحمدلله طلع من المستشفى و بدأ يتعافة و اني بعدني مناحر و ية عمتي و ميس بس كبرت عقلي عنهم لان مالي خلگ
فهد اخذ ميس و راحو للدكتورة عدهة مراجعة
اني گاعدة بغرفتي صافنة و سرحانة انفتح الباب فهد شالني و حضني و يگولي احبج اعشقج انتي كل حياتي تعالي خلي ننهزم و نعيش وحدنة بعييييييد بعيييييد عن المشاكل
و عوفي حبوب منع الحمل اريد كومة اطفال منج و كلهم يشبهوج اني طرت من الفرحة
عمة
عمة
جفلت هاااا شكو
شبيج مبتسمة و متسمعيني بيبي تگول گومي اغسلي المواعين بسرعة
هفففف هذه بنت اخو فهد الصغيرة صحتني من احلى حلم كنت طايرة بعالم ثاني فوگ الغيوم و شالتني و رگعتني بالگاع خب بحظي خلي اروح اغسل مواعين احسن لان اذا ابقى و حدي اتخبل
نزلت دا اغسل مواعين سمعت عمتي ام فهد عاطت رحت ركض شفتهة و اگعة بالگاع و بأيدهة الموبايل اصحيهة فاقدة لا حس ولا نفس
اخذت التلفون الوو الوو
الو مرحبا اختي
اهلا منو وياية
اختي صاحب هذا التلفون انقتل هو و المرة الي وياه
حسناء ..باوعت ع الموبايل هذا فهد جسمي برد و نمل شنو هذا شديحجي فهد انقتل مدا استوعب
امشي ع كيفي بدون روح و ببطئ و بلا تفكير امشي و شايلة الموبايل دخلت للصالة اكو زلم اهوااااية و جدو و اخوان فهد
فتحت الباب ببطئ كلهم اندارو عليه متفاجئين بية
جدو فهد انقتل
اخوان فهد و جدو و كلهم گمزو شنووووو شدتحجين شكو صارت هوسة و ثغبرة اني صافنة بلا وعي اخذو الموبايل من ايدي و طلعوني من الصالة
اخذو عمتي ام فهد للمستشفى و ناس تعيط و ناس تروح و ناس تجي و يركضون حوالية و اني واگفة بالنص بالممر عقلي و كوووولشي بية وگف
تضرب رجلية
عمة
عمة
صدوگ عمو فهد مات
بس هاي الكلمات سمعتهة صارت ضلمة
فتحت عيوني مغوشة شفت عماتي و مغذي و رجعت صارت ضلمة
صحيت ما اگدر اتحرك جسمي مخيط و راسي يا الله شگد ثگيل اني بالمستشفى
رأسا تذكرت فهد انفتحت عيوني گمت رغم دوختي اريد انزل من فراشي ادور عليه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
