حسناء ..ضربني حيل تأذيت ابجي ..بعد ما ابقى لحظة بهذا البيت و گمت احضر بغراضي
فهد ..اقسم بالله اذا طلعتي تحرمين علية و تلحگج ورقة طلاگج و طلعت
حسناء ..ابجي و الطم و اعيط حتى ملابسي شگگتهة ما اگدر اطلع اخاف يطلگني احبة ما اگدر يا ربي اخذني و ريحني
اجتي جنان و خالة ام فهد من سمعو العياط جنان حضنتني و ضليت ابجي بحضنهة
ام فهد ..شنو هالعيارة متخلي يتزوج حبيبتة مو كافي انحرم منهة بسببج اهز بأيدي عيارة النسوان بحبح گمطنة و گام يلبح
حسناء ..عشت بدوامة الحزن و الالم و هو فرحان ممهتم بية و البيت على قدم 👣 و ساق تحضيرات عرسة عمامي عرفو اتصلو بية 📳📳📳
الوو
عمتي كوثر ..ها يالخايبة گاعدة شتنتظرين متجين
حسناء ..موووو
اخذتة عمتي سندس ....بصياح.. موو شنو شعندج باقية تعالي هذا بيتج ابوية سجلة بأسمج تعيشين معززة مكرمة شألله موازيج تبقين هناك
حسناء .. ابجي ما اعرف شأگول
اخذه عمو محمد ابو علي ..راح نجي نحجي وياهم لو يطلگج لو ميتزوج
حسناء ..لا لا لا لحد يجي اني وافقت ع زواجة خلوني لحد يتدخل الله يخليكم
عمو محمد ..هاكم التليفون هاي راح تجلطني
عمتي سندس ..بعصبية ..بلة شأحجي وياج انتي غبية ليش ما عندج كرامة
عمتي كوثر ..انطيني التلفون سندس اني احجي وياها
حسناء ماما يعني معقولة انتي راضية بهذا الوضع
حسناء ..اييي عمة اني راضية هو اخذ رأيي و اني وافقت
عمتي كوثر ..يعني شلون وافقتي راح تخبليني اكو وحدة تفرط بزوجهة ثاني شي انتو شگد صارلكم متزوجين كلهة 4 اشهر شبسرعة مليتو
حسناء ..ابجي ..ما ملينة و الله بس
عمتي كوثر ..بس شنو حبيبتي خلي عندج كرامة ترة الرجال من يشوف المرة راكضة وراه و ممسوية قيمة لنفسهة يدوسهة خلي كلامي ترجية بأذنج ترة تندعسين بالرجلين و يروح احترامج خلينة نتدخل و نحل الموضوع
حسناء .. لا عمة و الله اني راضية ها هي خلي يتزوج
عمتي كوثر ..براحتج بس و الله تندمين و گولي عمتي مگالت
حسناء ..سديتة من عماتي
ابجي و الله راح انعمي من البجي ليش هيج سويت بية يا فهد و الله احبك ليش كسرتني و ليش هلگد اني ضعيفة گدامك ااااااااااااااااه
اجة موعد العرس و سوة احلى عرس بالقاعة و بالفندق اسمع صوت 🔉 الفرح دا اموت اموووووووووت حاطة ايدي ع اذاني و ابجي
جنان بقت يمي تصبرني بس اني العذاب الي بداخلي يفوق التصور تخربطت و تمرضت و هو ملتهي بعروستة و لا سأل علية شفتهة حلوة و بعمره
اني ما انزل اهواااية حتى ما اشوفهم و لا احتك بيهم يا دوب اكمل شغلي و اصعد همة هم ميطلعون من الغرفة
مر شهر و هو يا دوب مرة لو مرتين حچة وياية و بسكوت اني ما احجي عن معاناتي لان متنوصف
اني بغرفتي اجتي جنان
جنان ..حسناء الله عليج ادعيلي باجر ح يجي هيثم يخطبني للمرة الالف من اهلي
حسناء ..صدگ و الله ان شاءالله تتم ع خير و تفرحين يا رب
جنان ..خايفة لان گال اذا رفضوني بعد لو تنهزمين وياية لو ينتهي كووولشي بيننا و كلماً يروح بدربه
حسناء ..بس گولي يا الله لتتشائمين
جنان ..خايفة من فهد لا هم يرفض
حسناء ..تمنيت فهد يحبني و اگدر أأثر عليه كان ساعدتج بس انتي شايفة وضعي
جنان ..تدرين اني مستغربة منج هذا كله و گاعدة و متحملة
حسناء ..احبه 😔 مثل ما انتي تحبين هيثم و تتمني و اذا اعوفة اموووت انتي مسامعة المثل نارك🔥و لا جنة هلي
فاطمة ..اووووووف من الحب و نار 🔥 الحب ساعات يطيرج فوگ النجوم و ساعات ينزلج للجحيم
حسناء ..اييي و الله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
احب ضي الگمر 🌝 و تحبني نجمة 🌟
ChickLitالحب متطرف احيانا اما ان يمنحنا سعادة كاملة او يفسد علينا كل شيئ حسناء بطلة القصة تعالو نشوف الصعوبات الي تواجهها و شلون ح تتصرف
