حسناء ..انسى الي فات و انت تدري بية اني مو حقودة و انسى بسرعة بس اني خليت عمتي تدز عليك لان اريد احجي وياك
علي ..لتتسرعين بالجواب و فكري ع راحتج اني ادري بيج هسة انتي مجروحة
حسناء ..لا اني قراري ما أتخذته بناءاً ع الظروف الي مريت و دا امر بيهة
انت ابن عمي ع عيني و راسي و اتمنى تفهم اني مشفتك غير أخ الية
علي ..حسناء انتي د تجرحيني بهذا كلامج
حسناء ..ادري بس وداعتك ما اريد اقهرك او أأذيك هذه مو غايتي يعلم الله اني هسة من دا احجي مقهورة اكثر منك
بس علي انت ترضة تعيش وية وحدة عقلهة و گلبهة مو يمك يم واحد ثاني
علي ..بعصبية ..يعني الى متى ح تبقين تحبي وتفكرين بي هااا گولي الى متى يعني شلون اني وية فهد ما اخلص منه بس فهميني
حسناء ..لزمته من ايده اهدأ الله يخليك ..
ضل يباوع ع ايدي لان لازمته
علي ..حسناء افهمي اني احبج اعشقج انتي هذا الهوى الي اتنفسه حسي بية
حسناء ..ماشي اذا ترضة اعيش وياك بس جسد ف اني موافقة
هو خزرني و طلع
بجيت عليه مدري ع نفسي الوضع كله مخربط فهد الي صارلي اكثر من 5 اشهر مسامعة عنه خبر و لا حتى سأل عليه
لو علي الي ديتعذب بسببي و عمامي ديلحون عليه ع موضوع الزواج طگت روحي بهذه الاثناء رجع علي بس يمكن باچي
علي ..لا حسناء ما ارضاهة ع نفسي انتي بحضني و تفكرين بغيري
حسناء ..فرحت و انقهرت عليه ..انت ابن عمي و صديقي و اخوية و عزوتي الله يعوضك ب انسانة تسعدك و تحبك لشخصك
علي ..و تتوقعين تگدر تسعدني لو اني اگدر اسعدهة
حسناء ..طبعا ليش لا انت جوهرة و الف وحدة تتمناك
علي ..ابتسم ابتسامة حزينة ..ها هي حسناء الله يوفقج و يريح گلبج و انتي من اليوم اختي بكتاب الله و اني اخوج و سندج و اي شي تحتاجي اني موجود
حسناء ..اشكرك و النعم منك ابن عمي
راح علي بس ادري شنو ديحس الله يسامحني لاني سببتله الم و عذاب مو بيدي لو بيدي احبه و انسى فهد بس يمكن يجي يوم و يصير فهد ماضي بحياتي ما اعرف الله اعلم
علي خطب بنوتة حبابة و مرتبة و تزوج و حضرت عرسة صح كان فرحان بعروسته نوعا ما
بس حسيت عينه عليه لهذا السبب عفتهم يحتفلون و رجعت للبيت فرحتله ربي يهني
وراها بفترة نبيل و رؤى اتفقو ع الزواج و اجة نبيل خطب رؤى و كانت بقمة السعادة
تگولي انتي سبب سعادتي يا وجه الخير ضحكت 😄 لو اني صدگ وجه الخير كان صار براسي خير
صارت الحنة مال رؤى اجة العريس و اهله و اكيد ميس شگد تمضيگت گدامي و تحجي وية النسوان و تسمعني فهد مدللني و يحبني و يخاف عليه
و اني گلبي محترگ بس بالعة السم و ساكتة يلا الله يهني تعيس بتعيسة
ثاني يوم العرس اني قررت ما اروح للقاعة لان ما اريد اشوف فهد او اي احد ما اريد افتح جروحي اني بلياها ميتة عاد اشوفة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
احب ضي الگمر 🌝 و تحبني نجمة 🌟
Literatura Femininaالحب متطرف احيانا اما ان يمنحنا سعادة كاملة او يفسد علينا كل شيئ حسناء بطلة القصة تعالو نشوف الصعوبات الي تواجهها و شلون ح تتصرف
