part 15 يعني شستفاديتي من هالزواج غير الاهانة و الاذية ابسط حق الج انو يسمعج ميهجم عليج كان رحتي بولة بشط خلي نكون واقعيين
لازم تصير عندج كرامة حتى يقدرج هسة هو ضامن وجودج لان يعرف لو شيسوي بيج ح ترجعيلة اصحي بنتي الكرامة شي مهم بحياة الانسان
حسناء ..ابجي ..لان ادري بكلامهة صحيح ✔ بس ما اگدر اعيش بدونة اتعذب من اني بعيدة عنه.. عمة انتي مو گلتي ماكو كرامة بين الرجال و مرتة
كوثر ..ايي صحيح ✔ بس مو الحالات الي مثل حالتج انتي انداسيتي القصد من انو ماكو كرامة بين رجال و مرته من هي تنزع و تنام جواه هنا تتسمى ماكو كرامة بين الرجال و مرته او اذا تصرفت تصرف غلط و اعتذرت هنا مراح تنجرح كرامتهة
المقصد من الكلام يا حبيبتي هو الحياة اخذ و عطا بس فهد دياخذ منج مدينطيج افهمي مرات التمسك بالاشياء الي نحبهة يأذينة اكثر من ما نتركهة
حسناء ..احس نار 🔥 بگلبي اريدة و ما اريدة احس يجي يوم راح اتمرد ع واقعي ويا فهد بس حاليا ممستعدة اريدة بكل قوتي و كل مشاعري رغم الالم و العذاب الي سببليا بس شعور قوي بداخلي تجاهه يريدة
كوثر ..باعي عمة اني ما اغصبج بكيفج اذا تريدي روحي و هسة اني وعمج نحجي وياهم و نشترط عليهم
حسناء ..حضنتهة و ابجي ..عمة سامحيني و لتزعلين عليه ادري تعبتكم بس ما اگدر بدونه
كوثر ..اتنهدت ..خوش خوش يصير خير ان شاءالله
حسناء ..ادري زعلتهم و يمكن ضاجو مني بس و الله مو بيدي
كوثر ..اتفقنة وية عمي و فهد بأنو اي مشكلة تصير يجيبوهة و ينتهي كوووولشي و عمي ابو فهد دگ صدره و گال بعد اذا صارت مشاكل هو يجيب حسناء بأيده و يخلي فهد. يطلگهة
رحت لحسناء يلا گومي عمة حضري غراضج و روحي وياهم
حسناء ..حضرت نفسي ع كيف امشي لان جسمي يوجعني بس ابجي و مقهورة اريدة و ما اريدة شايلة هم من اروح للبيت و مشاكل عمتي ام فهد و فهد الي محاس بية كومة حجي براسي و مدا اگدر ارسى ع بر
طلعت سلمت عليهم عمتي سندس مقبلت تسلم عليه زعلت لان رجعت وية فهد
شفت فهد بس گالي شلونج و كالعادة عاگد حاجبة و محد عاجبة صعدت بالسيارة و گلبي محترگ و مراضية ع نفسي و ابجي و فهد يباوع علية من المراية و يدخن و عيونه حمرة
وصلنة رأساً صعدت فوگ لغرفتي طبعا فهد مصعد وياية شوية و سمعت عياط و صياح مديت راسي من المحجر سمعت صوت ميس و فهد سديت اذاني و دخلت للحمام گعدت بالگاع و فتحت الدوش ع راسي وضليت ابجي
فهد ..لج شجابج اني مو گتلج بعد متدخلين لهذا البيت
ميس ..ابجي ليش فهد ليش رجعتهة و اني و حبي الك و ابنك الي ببطني
فهد ..لزمتهة من شعرهة ..المرة الي تنزل راس رجلهة و تتهمة بشرفة هاي عار زين مني ما قتلتج
ميس ..ابجي ..ترة انت مقصرت وصلتني للموت و ابنك هم راد يموت
فهد ..عساج بالموت يلا يلا اخذي خلاجينج و اطلعي
ميس ..لااااااا ما اطلع اذبحني موتني ما اطلع
ام فهد ..عوفهة معليك بيهة خليهة يمي هي جاية علية
فهد ..بعصبية ..يُمة لتتدخلين ما اريد اشوف وجهها بهذا البيت ترة و الله موتتهة تصير ع ايدي
ام فهد ..انجب جاية علية بنت اختي شحدك تمد ايدك عليهة
