Status: Single But Married [Unedited♥]

Chapter FiftyFive-55.1

Chapter FiftyFive

Mag-iisang buwan na yung lumipas simula nung huli kong makita si Hanna at pagkatapos nun hindi nya na kami ginulo pa ni Kyle. Mabuti naman, dahil kung hindi hindi na ako magdadalawang isip labanan sya.

"Honey, ready ka na?"

Si Kyle yun. Hinihintay nya ko sa labas para ihatid sa trabaho ko. Sa totoo lang mamaya pa yung trabaho nya, pero dahil seven yung pasok ko hinahatid nya na ako at maaga na rin syang pumapasok sa trabaho nya. Ang sweet diba? Sobrang swerte ko talaga sa husband ko. "Oo anjan na honey." Sigaw ko sakanya. Naglagay na lang ako ng red lipstick ko tapos lumabas na.

"Halika na."

"Wait lang hon." Huminto sya at lumapit ako sakanya para ayusin yung necktie nya. "Tabingi kasi eh." Sabi ko at ngumiti sakanya.

"Ang sweet nyo naman. Baka pareho na kayong ma late nyan."

Si Jacob yung nagsalita. Palabas sya ng kwarto nya at bitbit yung bag nya, papasok na sya sa school.

"Sumabay ka na samin ng ate mo Jacob."

"Hindi na kuya baka ma late kayo ni ate."

"Okay lang. Maaga pa naman. idadaan ka na namin ng kuya mo sa school nyo."

"Sige, kayong bahala."

Sumakay na kami sa kotse ni Kyle at mauuna naming ihahatid si Jacob dahil hindi naman kalayuan yung school nya sa hotel.

"Mukhang busyng busy ka sa school mo ngayon Jacob ah."-Kyle

"Ah hindi naman masyado kuya."

"Pag minsan samahan mo naman mag lunch yung ate mo."

"Oo sige ba."

Tumingin ako kay Jacob at ngumiti. Oo nga hindi na kami masyadong nagkaka bonding, kasi kahit na nakatira kami sa iisang bahay hindi naman sya lumalabas ng kwarto nya, palagi syang busy tapos ako rin busy sa trabaho kaya wala na din kaming time mag bonding ng pinsan ko. "How about later?" Suhesyon ko.

"Sige ba ate basta ba libre mo."

"Sure. Itetext na lang kita kung saan ha."

"Sige."

"Ako honey hindi ako makakasama ha, may meeting ako at marami din kaming tatapusin sa work and baka hindi rin pala uli kita masundo mamaya honey. Sorry."

"Okay lang mag ji-" Hindi pa man ako tapos magsalita inunahan nya na ako sa sasabihin ko.

"Huwag kang mag jeep, mag taxi ka. Oh kaya ipapasundo na lang kita kay Katrina."

"Huwag na, iistorbuhin mo pa yung tao. Isa pa busy yun sa school nya kaya hayaan mo na lang sya, mag ta-taxi na lang ako."

"Sorry hon ha, busy lang talaga."

"Okay lang." Oo nga napansin ko nitong mga nakaraang araw lagi syang over time, kung minsan nga nakakatulugan ko na at hindi ko na sya nahihintay.

"Dito na lang ako kuya. Salamat sa paghatid, mag-iingat kayo."

"Mag-iingat ka ha? See you later."

Bumaba na sya sa kotse at pumasok na sa loob ng campus nila. Ako naman yung ihahatid ni Kyle sa hotel nyan. Kawawa naman sya ang dami nyang hinahatid. "Baka naman ikaw yung ma late nyan."

"Eight pa naman yung pasok ko kaya don't worry."

***

Kasalukuyan akong nag ta--type ngayon para sa mga presentations na ipapasa ko nang biglang tumawag yung secretary ko at ang sabi nya nandito daw si mama, yung mama ni Kyle.