اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#المكر_السيء
بقلمي السيدة العلوية
الجزء 3
ثاني يوم الحادث .. كشخت كالعادة شعندي .. وتوجهت للكلية ولاكيت زيد ومهند .. اعز اصدقائـي .. بيومها كان النادي زحمة كلش وماكو مكان وصاير ازدحام كلش .. كلنا خلي نروح للنادي مال العلوم يجوز احسن .. رحنا ونسولف وملتهي وية النت وعفت الشباب ينزلون الاكل .. ومااسمع الا زيد يكول بعد محتاجين كرسي ..
اشراق : اكول وعد اكعدي راح اجيب عصاير واجيج
وعد: حاضر كعدت ارتب المحاضرة وارتب الجنطة واشوف فد حدث غريب صار خلاني ارتبك جدا
مهند : زيود روح دبرلنا من هذول البنات
زيد: معلية روح انته اني عندي كرسي
مهند: اني عندي سجاد انته روح
سجاد: هي شنو عزيمة هسة ادبر .. الواحد مايعتمد عليكم ,, رحت وبعدني مستمر عيوني على التلفون والنت الماخذ بالي وفكري ,, جنت بوقتها اراسل حبيبتي {او بالاصح وحدة من الالاف الي اعرفهن ,,,بالكروب } ووكفت يم الميز مال {ام العباية} بدون ماانتبه ..وجريت الكرسي بدون استأذان ,,وأسمع صوت
وعد: أخي .. اخي مايصير وكعت جنطتي بالكاع غير تستأذن
سجاد{فض !! نعم .. وقح نعم هذا انا اسلوب غير جديد علي } : وقبل لا ارفع راسي واشوفها منو .. وشصار هو كرسي واخذته وماكو مكان وين اكعد بالكاع مثلا وانتي حاجزته للجنطة ؟؟ وارفع راسي واشوفها ام العباية !!!!!!
اثناء الكلام رجعت أشراق صديقتي وسمعت كلام سجاد : المفرضو تستأذن مو وكالة من غير بواب هي ومو كاعد بيتك انته
وعد : عيب اشراق اسكتي منا العالم عيب
سجاد : والله لو مابنية
أشراق : امشي لو اصيحلك الامن
سجاد: لا والله رجفت حيل .. يمعودة خفت
وعد: اخي اخذ الكرسي وروح الله يخليك
أنني أؤمن بأن العنف ليس وسيلة لحل المشاكل .. وان الفض القاسي ليش شخصاً شجاعاً بالعكس هو من الداخل مهشم ولا يعلم عن نفسة الا اطلال .. حتى يضيع يوما من الايام .. مؤمنة ان الهدوء والحكمة هي وسيلة لحل كل شيء .. وهذا سبب لي الكثير من سوء الفهم .. خصوصاً مع تلك الصديقة الصدوقة {العباءة } كانو يرونها عائق وكنت اراها طوق نجاة .. كانو يرونها حبل يخنق وكنت اراها بلسم يشفي جراحات تركت ولم تعالج ..
أشراق : شبيج وعد تبجين
وعد : خوفني من كام يصيح
أشراق معليج بي
وعد : اني راح ارجع للقسم
اشراق : صدك تحجين
وعد: مااكدر ابقى احس الناس تباوعلي
أشراق : والله اذا كمتي اروحلة وافضحة كدامهم هسة
وعد: لاااااااااااااااااا
أشراق : اسكتي لعد .. وخابصتني واني واني
وعد : اشراق اني بنية واخاف الناس تحجي علية وانتي تعرفين الجامعة شلون يدورون سوالف موزينة
شايف من تكون قطعتين ..أسود وابيض .. اسود مظلم يراها شهوة وجسد وتصورات ووهم وسراب وخراب يضحك وهو ينصب لها الافخاخ .. ضحكة صفراء تماما كالحية فحيحها موجع مخيف طيب ماحال اللسعة .. كاللص يتوعد ويترصد ويصبر وعند الموعد يبتسم شماتة .. انتضر ان تتعب كي اكون مثل الفايروس المميت ادخل اليها كي انهي حياتها .. تلك القطعة السوداء .في جسدي
واما القطعة الوحيدةالبيضاء و التي تحتضر في داخلي تقول وهي تراقب {وعد}اختلفي وتألقي بتلك العباءة المطرزة من نور الجنة .. اختلفي وتألقي وعودي بي الى ربي وربك .. بس هنا بعد ماكدرت اتراجع واني اشوفها كدامي وهالمرة غلبت علية نفسي
إن النفس الأمارة بالسوء، هي النفس التي لم تخرج من فلك الشهوات والملذات، لدرجة أنها أصبحت أسيرة تلك الشهوات...
