وعد: اخي الله يخليك بطل من عندي وامسح الصور انته ماعندك اخت احسبني اختك وامسح صوري الخاطر الله ..
سجاد: عندي شرطين تقبلين واحد منهم امسح صورج
وعد: ثق اخي لو عندي مقدرة والله يااخي اشتريهن صوري منك .. الله يوفقك امسحهم ..
سجاد: بلا هالكلمات ماتفيد ..تسمعين الشروط لو اسد الخط
وعد: كول .. كول ..
سجاد: اكو حفل عدكم بالكلية ..
وعد:شمدريك ؟؟ انته منو ؟؟
سجاد: معليج من تجين للحفل راح تعرفيني
وعد: والمطلوب
سجاد: حتى امسح صورج تجين وبدون عباية وتوكفين مقابل اصدقائي واني بلحظتها اسلمج الرام كله .. اغلقت الخط بدون ان اسمحلها تفكر ترد .. وعفتها ..
سجاد: شكد غريب لحيت وياها هواي وحاولت وياها بالاتصال وابد ابد ماخافت ولا بينت انه هي ضعيفة كانما مستندة الى حائط قوي وركن قوي .. منين هالقوة الي عندج ياوعد .. مرة جنت كاعد بالبيت وصافن ومااحس الى والدي يقترب وهو يحرك الكرسي المحترك ..
الاب: ها بابا بشنو صافن
سجاد: محتار حيل بابا
الاب بحنان :سولف .. خليني اشاركك همومك ..
سجاد: ماراح تفهمني
الاب: وشتتوقع هالشيب اجة من فراغ !!
سجاد: بابا .. عندي ولد صديق محتار بوحدة
الاب: شبيهة
سجاد: مرات يحسها تمثل ومرات يحسها حقيقية بس ماجاي يقتنع
الاب: شبيهة موخوش بنية ؟؟
سجاد: يكولون عنها موخوش بنية
الاب: واخلاقها شتكول
سجاد: اخلاقها تكول هي نقية كلش بس !!
الاب: بس شنو ..
سجاد: صديقي دبرلها مكيدة ..
الاب : خلي يتقي الله بيهة .. وموكل الناس موزينة
سجاد: فات الاوان بابا ..
الاب: اكول بابا سجودي هم تشوف مروى وياك بالجامعة ديربالك عليها ..
سجاد: لا بابا هي وية صديقاتها
مروى : مرة من المرات وبعد غياب رجعت اتصفح الفيس واني ابد موذيج مروى القديمة .. صرت اكثر عقلانية ومااشوف الا مسج اجاني على الخاص قلب عالمي وكياني .. هالمسج جان من حساب على الفيس من ياس مسوي حسلب جديد دازلي رسالة بيها صورتي ومتلاعب بيهن ولو هن اصلا كانو مزعجات الصور مو محتشمات ..
