اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#المكر_السيء
بقلمي السيدة العلوية
الجزء 12
بيوم من الايام رجعت من الكلية تعبانه جدا من المحاضرات والامتحانات وكنت استريح بغرفتي بالقسم الداخلي .. واسمع الباب يطرق .. كمت فتحت وكانت فدى ..كان شكلها كانما محتاجة مساعدة .
فدى: لاتقلقين مااتاخر والله بس اطمئن عليها واسد الخط
وعد: حاضر هسة انطي الج .. رحت جبت جهاز تلفوني وانطيته الها
فدى: اخاف بي باسورد مااعرف افتحه
وعد: لاتقلقين هسة افتحه وانطي الج وخابريهم ورجعي الي
فدى : اخذت تلفون وعد .. اتصلت على رقم سجاد ورحت دورت بالاستوديو .. بلكت الكالها صور شي.. لان المخطط كان انه نفبركلها صور فوتوشوب ..فعلا اتصلت بسجاد واحتفظ بالرقم ..
سجاد: مااعرف رغم سواد قلبي .. رغم نيتي الي كانت .. بس كان اكو شيء يكول ابتعد بس اه لو مستمع لهالصوت .. اثاري وعد ربي حقيقة موكذب .. ارسلتلي فدى صورها لوعد .. كانت صورها كلها بالحجاب .. جنت كاعد وية مهند بالكوفي شوب
زيد: شبيك سجاد شو صفنت بالتلفون
سجاد: محتار والله
مهند: خليني اشوف
سجاد: رجع التلفون مهند لاتصير بومة
مهند : ولك صدك سويتها شلون وصلن الصور
زيد: احجو عاد صوريش؟؟
مهند: صور البنية !!
سجاد: بطريقتي
كان المخطط انه بعد اسبوع من الحدث اتصل ب{وعد }واحاول ازعجها هاتفياً .. لانه ماريدها تنتبه وتعرف شلون حصلت الرقم ..سويت فوتوشوب للصور وضميتهن بملف بتلفوني وبالحاسبة وضميت نسخة عندي ..
وعد: يوم من الايام ساعة 12 بالليل جنت توني مخلصة صلاة وداحاول انام واسمع تلفوني يرن .. فزيت بوقتها فزة والله رجف قلبي كلت اكيد اهلي بيهم شي لو امي صارلها شيء بهالليل ..رأسا جاوبت رغم انه اني حريصة واابد ماارد على اي رقم غريب لكن قلقت كلش : نعم
سجاد: شلونج
وعد: منو حضرتك
سجاد: معجب
وعد: اتقي الله وسديت التلفون
سجاد: هههههه سدت السماعة بوجهي واني خربان من الضحك هاي عليمن تمثل العفة والشرف !! دزيتلها وحدة من الصور برسالة وكتلها {تعلمي الادب من تحجين }وقررت اعوفها تاكل بروحها تضل بحسباتها .. ثاني يوم قررت اروح اراقبها اني قريب حيل على قسمها .. يعني نفس الكافتيريا..
وعد: ضليت مثل اللي مختنق بطابوكة لااكدر ابلعها ولااكدر ارفضها .. منو هالشخص ومنين جاب صورتي وشنو هالشكل المزعج الي مسوي بي صورتي ..ضليت مبهوته والدموع تنزل ومثل الي نزل بي صاعقـة زلزلت كيانه .. ربي لاأسألك رد القضاء ولكن اسألك اللطف فيه .. انا لله وانا اليه راجعون .. شتكول امي يافضحيتي يارب سترك يارب استرني بسترك .. يارب منين طلع هالشخص ومنين جاب هالصورة . لحد الصبح ضليت كاعدة مااخذت عيوني نوم بحيت عيوني صارن متورمات من البكاء والسهر .. الصبح اسرعت الى الكلية عسى صديقاتي يساعدوني بحل ..
