المكر السيء

10

#المكر_السيء

بقلمي السيدة العلوية

الجزء 10

مروى: بقيت حايرة وكانت امتحانات اخر السنة قريبة جدا .. وافكاري ابد مو يم الدراسة افكاري يم ياس والتلفون ..

بيوم كاعدين بالساحة واجت تبارك كالت عدها فكرة تساعدني بيها .. اني مااهتميت بداية الامر كلت اكيد جاي تتسلى

لو تلعب بأعصابي .. بعدين كالت مريم : مروى لا ولج اسمعي توته عدها فكرة حلوة

مروى: احجي فضيني ..

تبارك: اكولج ماما عدها جهاز تريد تبيعة اكدر اكوللها صديقتي تريد تشتريه واشتريه وضمي وسوي بي فيس وارجعي اتصلي ب{ياس}

مروى: بيش اكيد غالي

مريم : عود انتي المدللة عند اهلج .. بحجة دروس او ملازم .. هي تريده ب50 الف

مروى: اوك موافقة بس على شهرين حتى اهلي مايشكون بية

تبارك : هسة صرتي نادرة براسي موافقة باجر اجيبه الج وانزلج كل البرامج بس لاتضلين زعلانه

مروى: اوي هسة ردت روحي .. اخيرا راح ارجع اسولف وية حبيبي ياس

فعلا ثاني يم اخذت الموبايل من تبارك وفعلت البرامج وضمت الجهاز بمكان محد يدري بي وهالمرة حاولت انتبه

لروحي ولتصرفاتي حتى محد يشك بية .. سويت فيس جديد ودزيت ل{ياس } واخذ رقمي ورجعت سوالفنا

ياس: حيل مشتاقلج اتمنى اشوفج

مروى: هانت هسة نتخرج وتجي تخطبني

ياس: ان شاء الله بس شيصبرني دزيلي صورج مشتاقلج مااعرف شلون ابتعدتي عني {والاسطوانات نفسها تتكرر عند كل ذئب بشري .. }

مروى: تقريبا صوري كلها عد ياس هواي دزيت صوري واني مطمئنة انه جاي اطلب من عنده يمسحهن.صوري كانت جدا مزعجة المنظر.. .. رجعت

علاقتي ب{ياس} وقوت اكثر واكثر وصرت ماافكر الا بعلاقتي بهالشخص ..تحدد موعد الامتحانات النهائية وهنا

كانت اول كارثـة خلصت كل الامتحانات وياس يومية يسألني اسئلة غريبة .. بحجة مشتاقلي واني اقتنعت وصدكت ووافقت واخر يوم جدأ أصر علية ..

ياس: مراوي اكول بيش الساعة تخلصين الامتحان ؟؟

مروى: مو اكيد يعني 12او اقل ليش

ياس: منو يوصلج ؟؟

مروى: اني وصديقاتي ..

ياس: مشتاقلج مروى وماكو فرصة احسن من هاي خلي نطلع سوية

مروى: اخاف ياس اخاف مامسويتها قبل

ياس: لاتخافين كولي لصديقاتج واني اجي اخذج بالسيارة ونفتر وارجعج ..

مروى: مااكدر ياس مااكدر

ياس: روحي بعد انتهى كل شي لعد

مروى: صدك تحجي ؟؟ يعني اكولك اخاف ليش هيج تعاند

ياس: لاتخافين يمعودة مانتأخر صدكي

ثاني يوم فعلا خلصت اخر الامتحانات وجنت جدا مرتبكة وخايفة حيل .. على لحظة الغي كل شيء .. بس ليش ماسويتها .. ليش كسرت نفسي ..عمر الحرامي مايحب الحلال .. اه اه لو منتبهـة . . اليحب الظلمة يضل عايش بالظلمة ابد ابد مايحب النور والحلال ..

اخطو كل خطوة للموت واتراجع .. امشي واحس روحي تطلع خوف ورعب .. اكول هسة اخوتي يدرون لو امي لو لو لو .. شفت سيارة ياس واكفة على بعد من المركز الامتحاني .. صعدت وية ياس والخوف كاتلني .. واول ماتحرك

مروى: ياس حباب رجعني

ياس : هههه شبيج يمعودة خلي نتونس شوية بطلي هالخوف

مروى: وين راح نروح

ياس: مكان شوية نكعد

مروى: ضليت ساكته واول مادخلنا للمكان واشوف شكل ياس وجماعته وياه ومااعرف شلون اجتني القوة وركضت اطلع ومااعرف أي دعاء من ادعية امي كان السبب بأنقاذي .. صرت مثل الشبح من الخوف .. مارجعت لبيت خالتي بيومها .. رجعت لبيت اهلي ...

الام: هايمة مراوي بشري شلونج

مروى: بصريخ وبكاء قوي .. وهي تقاطع انفاسها لتلتقطها بصعوبة ..

الام: يمة شبيج خيرج شصاير

مروى: ضليت صافنة شأكول لامي .. بالكوة التقطت روحي وكتلها .. ماجاوبت بالامتحان ماما

{لو ميتـة ولااجيت .. بعد هالجرح شنو ممكن اسوي بروحي .. ريت الدقايق تعود .. صرت من الندم عود.. }