اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#المكر_السيء
بقلمي السيدة العلوية
الجزء 2
اول مادخلت للغرفة مالتي .. بمجرد ماحطيت الجنطة وغيرت ملابسي .. قفلت الباب .. جسدي متعب جدا ومنهكة من
السفر الطويل .اثناء ترتيب احتياجاتي بالغرفة وانا اتناول الطعام .. عادي متعودة اكل واني امسك الكتاب او امسك
قطعة من الملابس هههه .. دائما اعمل عملين في أن واحد .. لكن عدا الدراسة لان اكيد تحتاج تركيز ومااريد افقد
التركيز .. بعدها حان موعد وردي .. توضأت وتذكرت صاحب التكسي ااااااه اه ربي يهديك ..
توسلات ..تأوهات .. مناجات ..
توقفت .. هنا ... سافرت بروحي اليك .. بدمعي .. بقلبي
اخذت بلب قلبي .. معتذرة .. اتيت الى ساحل يم واحدانيتك .. احاول ان ارسو بعذاباتي
هل !! هل تسمع أهاتي !! اليك أفر .. اليك أركض ... جئتك افر كالطريد .. خجلاَ.. توسلاَ.. خوفاً
طمعاً.. تسمعني َ.. اللهي .. ارحم ذلك الجلد الرقيق .. اشعر بالتيـه .. من لي يا ياهادي !!
اكلمت صلاتي وبعدها نمت وكعدت الصبح من وكت لان عندي دوام ومحاظرات وكانت صديقتي تتصل بي ..
أشراق: السلام عليكم
وعد:وعليكم السلام .. شلونج عمري شخبارج
أشراق: بخير عمري شوكت رجعتي وشلونها خاله
وعد:والله موشي اشراق واتنمى اليوم قبل باجر اخلص كلية حتى اشتغل واساعدها لان تعبت خطية
اشراق : الله كريم .. ربي يحفظها بحق محمد وال محمد
وعد: ممنونه منج ياطيبة .. امشي يلة ورانة محاضرات ..
دخلنا اول محاضرة من ساعة 8 لل10 بعدها طلعنا متعبين ..
نعود بالاحداث الى سجاد بطلنا المتعب .. معليكم بالعلوية .. اي متعب وراح اضل هيج وهاي سوالفي .. العب وية
هاي واتعرف على ذيج هن يقبلن وهن يتمنن اسولف وياهن وشنو راح يصير يعني بعدنا شباب محد ماخذ من الدنيا
شي خلي نلعب ونتونس وعود من نكبر نتوب .. اني عندي اخت واخ متزوج اني ماافكر اتزوج الا عود من أمل من
الحياة واريد اسجن روحي .. اختي غالية علية كلش وامي عزيزة وابوية مقعد عدنه املاك واخوية يشتغل بيها واحب
مرات اعتمد على روحي .. بيوم الي شفت {ام العباية } دمرتني ودمرتهـا بقصد او بدون قصد والله تاهت علية ..
جنت طالع من الدوام وأشرتلي وحدة ستر الله ملابسها ولاتكول شتاء والجو بارد وطالعة من شارع كلة سكارى
وعربدة والله الله اكبر .. عمي اني ليش اعيب اني هم عندي بنات اعرف .. اوف بس موللدرجة الرخيصة هاي .. ألمهم وكفتني صعدتها وكالت ..
الفتاة : فلان مكان ............
سجاد: اصعدي الكروة 10
الفتاة : اوي شدعوة هي كروتها 7
سجاد: مالازم
الفتاة: اهوووووو الدنيا مطر اي اي ميخالف
وصلتها واثناء الطريق حضرتها بس تمسح بالمكياج .. واني اهز بأيدي اذا تخافين ليش تحطين مكياج !! عجيب
غريب .. وتعدل وتلزك بملابسها .. اليكول راح تكدر تستر نفسها .. الى ان راسي افتر من شفت منظر مقزز اخر ..
اول ماوصلتها لكيت بنية قبلها واصلا بس القبلها لا متحضرة احسن منها .. لابسة عباية شوية متسترة مومثل الافندية
ناسية العباية بالحفل وطالعة .. يمكن مكثرات بالشرب .. هذن مالهن رداد مالهن اهل .. اوف لو عندي صوندة ..
بعدين تعوذت من ابليس ولو هو اني ابليس بس كلت يجوز ام العباية مو مثل هاي .. بس من شفت هاي تحاجيها
واجت وانطتني الفلوس لااااااااااا لااااااا صدمتني لااااااا
عفتها بعدما حاولت الزم ايدها .. شفت نظرات عيونها المستغربة والغاضبة يمكن لو عدها سكين كان زرعتها
بأحشائي .. مسوية نفسج شريفة {بداخلي اتكلم }بيومها رجعت للبيت واني بالي يم الاحداث الي صارت .. والله فنون البنات .. هاي هيج وهاي مغطية ومسوية نفسها ام العفة والشرف .. بس عالاقل ذيج واضحة وصريحة مومثل هاي متلفلفة وكله دفن !! اصبريلي .. اهووووو خلي اكوم اكل .. وبطريقي مريت يم غرفة والدي
سجاد: الغالي شلونه
الوالد: موزين
سجاد: ليش حبيبي
الوالد: صار شكد من كتلك محتاج تاخذني لبيت صديقي
سجاد: عيوني الك بس قوات الداخلية ماترضى
الوالد بضحكة عالية هههههههههههه
وبهالاثناء دخلت الام وهي تحمل الطعام : ولك سجود منو هالقوات
سجاد: اني اني
الوالد: تاخذني لو اكول
سجاد: تحضر انته والحجية باجر واني امر عليكم واخذكم شعندي غيرك
