المكر السيء

8

#المكر_السيء

بقلمي السيدة العلوية

الجزء 8

مروى.. كانت علاقتي ب{ياس }من خلال النت والرسائل على الدردشة ومرات نتراسل مقاطع فديو .. وخلال هالفترة هواي كانت علاقتي معاه مخيفة وبحكم انه متوقعته فارس احلامي والشخص الي راح يكون بيوم من الايام الي يتقدملي .. كان مصورلي نفسة ملاك وكنت منغمسة بأفكاري الشيطانية..مرة من المرات جنت ناسية جهازي بالبيت ومن رجعت خالتي جانت نظراتها جدا مخيفة ..

مروى: هلو جدو شلونك اليوم

الجد: بخير حبيبتي شخبارج وية السادس

مروى: ان شاء الله ارفع راسكم

الجد: خوما محتاجة دروس خصوصي ملازم كولي حتى اكول لأمج واوصيها

مروى: لا جدو ..

الخالة: كملي تبديل وتعالي تغدي ويانه

مروى: اي خالتو بس دقايق .. رحت للغرفة قلبتها من فوق لتحت ومالكيت الجهاز وبدأ الرعب يدخل لقلبي .. اني مامخلية قفل لجهازي .. وين راح .. ضليت ادور عليه واسمع خالتي تصيح علية

مروى: اي خالتو اجيت اجيت .. اكل لقمة وافكاري يم الجهاز .. اهووو خاف ياس هسة اتصل علية .. لو راسلني ..

الخالة: شبيج بس تتصفنين .. لازم مامجاوبة بالمدرسة .. لو شبيج !!

مروى: هاااا ... لا لا مابية شي

الخالة: لعد اكلي وكملي واغسلي المواعين ..

راحت خالتي دخلت جدو لغرفته .. واني بسرعة لميت السفرة ومامهتمة بالاكل مهتمة ب{ياس } هسة وين تلفوني ....جنت واكفة على السنك اغسل والملم المواعين واعزل الهوسة وخالتي جانت وراية ..

الخالة: مروى منو {ياس }؟؟

مروى: ضليت مبهوته وصافنة اذا اسولف راح اكيد النتائج مخيفة !! مااعرف

الخالة: ماتعرفين لعد شعنده دازلج رسائل على تلفونج

مروى: هاااا ...

الخالة: لاتخافين احجي ومااكول لاي احد بس ثقي بية وسولفيلي ماماتي

مروى: هذا هيج ولد وحجتلها كلشي وخالتي وجهها اللي صار اصفر وهي تسمعني وتحاول تقوي نفسها حتى تخليني احجي ..

الخالة: بعد تلفون ماكو .. وهالولد تقطعين علاقتج بي والا .. ليش خالة ليش هاي جزائي وهيج تريدين تخليني اوكف وية امج بهيج موقف ؟؟ شتكول علية !! مااهتميت بيج .. لا مروى لا ..

مروى : {ضليت ابكي ودموعي تنزل وعبراتي وبلكوة اريد اسيطر على اعصابي .. مثل المدمن شلون وينمنع من المخدر ..ياس كان بالنسبة لي هو المخدر والكل اعدائي وكلما ينصحوني ابتعد عنهم اكثر واكثر وبيومها مااهتميت للي كالته خالتي بكد مااهتميت لانها راح تاخذ جهاز التلفون .. هسة شلون .. احس افكاري كلها مشوشة ومحتارة بأمري .. والمفروض الي ربنا يهديه بلحظة يرجع .. ليش اني هيج .. مثل السيف اجيت ووجهت حد هالسيف على جسدي .. الي ربنا يعطيه نعمة ليش هيج يجازي هالنعمة ليش يمشي مع الشيطان بأرادته .. وبأي غاية وبأي عذر .. الحب ..

ثاني يوم الصبح .. رحت واني شابعة بجي .. ومالي خلك لا للدروس ولا المدرسة اريد بس صديقاتي يساعدوني

مريم : شبيج رور مو على بعضج

تبارك: متزاعلة وية الحب مو

مريم : اي ليش لا

مروى: هنا وانفجرت بالبكاء ..

مريم : اسكتي ولج هسة تجي ست أسراء وفعلا بدأت درس العربي .

. والدرس كله بالي مشغول وافكاري كلها مو يم الدراسة .. حتى كل شوية تبارك تحاول تخليني انتبه الى ان نبهتي المدرسة وماان خلص الدرس .. خلصت اعصابي

تبارك: والله بيج شي شصاير احجي عاد

مروى: اني ضعت راح ياس

مريم : خير شبيكم .. متزاعلين

مروى: لاخالتي عرفت كلشي وسحبت الجهاز من عندي

تبارك: ههههههههه ايا كمش

مريم : يعني شلون ؟؟

مروى: نسيت التلفون ومابي باسورد وكلشي شافت

تبارك: ماتعرفين تحطين باسورد لو غبية انتي

مروى: مو اكول محد يفتش بجهازي ومن اروح لاهلي اسويه ومن ارجع الغيه ..

سجاد: من رجعت من العرس اتصلت على الرقم وطلعت نفسها البنية الي انطيتها رقمي ..

سجاد: هلة بهالصوت الحلو {كلها نفس الاسطوانات الي ارددها لاي وحدة}

فدى: اوي عيني تسلم

سجاد: اني اسمي سجاد وانتي

فدى: فدى مرحلة ثالثة بكلية ___

سجاد: لابربج يعني جيران ههه راح نشبع شوف

فدى: ههههه مو بس شوف

سجاد: ضليت مصدوم بكلمتها وسويت نفسي .. اكيد اكيد حبي

فدى: اكول منو هاي الي كاعد وياها جنت

سجاد: اكول منو هذا الي جنتي كاعدة وياه !!

فدى: اهاااااا

سجاد: شوفي دودو حبي اني عملي .. احنه اصدقاء وحبيات وبس موافقة

فدى: بس كل شيء بثمنه لو يابسة على التمن ههههههه

سجاد: هههه اكيد يالجريئة ..

تتوقعون شنو راح تسوي مروى ؟؟

وياترى سجاد شيريد فعلا من فدى ؟؟