اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#المكر_السيء
بقلمي السيدة العلوية
الجزء15 الاخير
مروى:مصدومة من الي شفتة ومن الرسائل والكلام الي دزة الي ياي بالرسالة .. محتارة شلون اتصرف وشنو الحل .. المن اكول وضليت مااكدر لااكل ولا شرب .. من تنطي احد السكين لاتستغرب اذا بعد لحظة وجهها لرقبتك ويهددك بالذبح .. واما القتل او تستسلم .. حاولت وترجيت ياس ومافاد ..
ياس: شتتوقعين من تختفين مااكدر اجيبج ؟؟
مروى: الله يخليك ياس عوفني اني مامسويتلك شي
ياس: عود ليش عفتيني لو لكيتيلج طريق ثاني
مروى: ياس انته من كل عقلك تحجي ماعندك اخوات ماعندك عرض
ياس : اسكتي .. انتي وحدة بنت شارع ..
مروى: وشتريد باوع لاعبالك اخاف منك
ياس : خوش لعد .. خلي نشوف اذا ماتدفعين فلوس 5 ملايين صورج انشرهن واخليج فضيحة بالفيس كله وخلي نشوف منو يكدر يمنعني ..
مروى: ياس .. الله يخلي... وبعدني دااكمل كلامي وسد التلفون بوجهي ..
سجاد: جنت سهران بالكوفي شوب وية زيد ومهند وتراهنت وياهم اخابر على وعد..
زيد: ها كسرت خشمك
سجاد: عوفوها
مهند : طلعت غشيم ماكدرتلها
سجاد: شلحيتو وياها عوفوها
زيد: اذا ماتكدرلها انطيني صورها واني بيومين اجيب رجلها
سجاد: وعيونك الا ام العباية
زيد: فرتلك عقلك
مهند: خل نشوف باجر ..
سجاد: ضليت بداخلي .. رغم الي سويته ب{وعد} والفضيحة الي فضحتها كدام اصدقائي ورغم تهديدي الها .. جنت اتمنى تطلع الشكل الي اتمناه بداخلي وتكون فعلا نقية وماتستسلم لتهديدي .. اني ليش ماصدكتها .. وليش هيج ظني سيء .. يعني معقوله اني هيج تفكيري .. معقوله ماكو بنت نضيفة .. زين لعد شلون اختي ؟؟ يعني معناها اذا كل البنات مو زينات معناها اختي هم موزينة .. معناها امي موزينة .. معناها جنس المراءة كله موزين .. زين منو السبب بهالفكرة الموزينة المزروعة بدماغي .. واذا وعد مو زينة شيهمها مني ؟؟ او من غيري !! مامضظرة تمثل كدامي .. مومعناها اكو كم نموذج موزين بالجنس اللطيف معناها الكل هيج .. وشنو فرقي عنها .. اني هم اعرف بس البنات الموزينات .. واني كل افعالي موزينة وكل علاقاتي موزينة .. صدكت بكم موقف صار .. منو يكول هالموقف صح ؟؟ منو يكول ظني صح ..ضليت بيومها محتار بدوامة افكاري كانما افكاري كانت سلاح او جندي من جنود ربي يدافع عن {وعد} ضدي ..
