Laking pasasalamat
Sa ulang bumubuhos
Natatakpan nito
Luhang ibinubuhos
Sa t'wing nasasaktan
Ulan ang laging nariyan
Ulan ang sandalan
Oras niya'y laan
Ulan, salamat
Salamat sa lahat
Sa lahat ng pagsama
Sa t'wing ako'y nag-iisa
Ulan, patawad
Patawad kung ikaw palagi
Palagi ang tinatakbuhan
Palagi ang sinasandalan
Ulan, pangako
Hindi na ito mauulit
Dahil ang lahat ng ito ay iuukit
Iuukit nalang habang buhay
Ulan, hanggang sa muli
Pinagpapahinga na muna kita
Alam kong pagod ka na din
Sige na, Ulan
Hanggang dito nalang muna.
