I Just Loved (COMPLETED)

IJL (Femi's Move)

Femi on the right--->>>

----------------------------------------------------------------------------------------------------

*Author*

Now... fast forward naman tayo sa time na nawala bigla si Gale at Rico. As you all know, naiwan kami nina Toby, Femi, biep at Jazz sa sala, nag-iinuman kami. Si Toby... pinuputakte namin ng tanong.

Pero pang-asar talaga sya, hindi nasagot ng maayos!

Ang sagot nya eh 'MALAY', 'EWAN', 'TRIP', 'TANONG MO SA KANILA', 'ABA AKO BA AUTHOR NITO?'

Oh di ba?

Tapos nasa kalagitnaan kami ng interrogation ng biglang tumayo si Femi.

"CR lang ako."

*Femi*

Actually hindi naman talaga ako magsi-CR eh. Gusto kong hanapin si Rico. Gusto kong magtapat. Ngayon na siguro yung time. Tamang-tama... may tama na ako. Hehe...

Totoo palang nakakalakas ng loob ang alak?

Ngayon, feeling ko kaya ko ng sabihin kay Rico ang lahat.

Si Gale? Hindi ko alam kung san nagpunta. Bigla na lang umalis kanina eh. Pero I'm really dreading the possibility na magkasama sila.

I know Gale... alam kong hindi nya gusto si Rico. DATI. Ngayon? Hindi na ako sigurado. Feeling ko unti-unti... baby steps ika nga... pero parang dun na sya papunta. At hindi matatanggap ng sarili ko kung hahayaan ko na lang na maagaw nya si Rico sa 'kin.

'Wag naman sana kayong magalit.

Intindihin nyo din naman ang feelings ko. Six years akong nagmamahal kay Rico. Kung tutuusin nga, ako pa ang mas may karapatan kesa kay Gale na makatuluyan ni Rico eh.

Ako yung palaging nagpapasintabi kase alam kong hindi ako yung mahal. Pero wala namang nangyare sa kanila for the last six years eh. Nung maisipan ni Rico na magtapat, nasampal lang sya at namura. Oh di ba?

Eh kung ako ba yung minamahal nya eh... hinding hindi ko sya sasaktan kagaya ng pananakit sa kanya ni Gale.

Siguro it's not exactly accurate to say na si Gale ang obsessed. Kase feeling ko lahat kami na-obsessed na. Kaya siguro hindi kami sumaya-saya. Nakatuon lang yung atensiyon namin sa isang tao. Hindi na namin nagawang tumingin sa iba... na siguro may possibility rin na makapagpasaya sa 'min.

Sorry naman... kami na nga ang matigas ang ulo.

Teka... asan na ba 'ko? Hangdilim naman dito! Wala na kase yung mga poste ng ilaw eh. Nalampasan ko na yun. Akala ko naman buong isla lighted. May hangganan din pala ang budget ni Author. -_-

Pero parang...

Ayy.. may bangin pala dito?

*Author*

"Oy wala pa ba si Femi?"

"Nandito nandito. Kita na ngang wala, tinanong pa." Nakairap na sabi ni Toby. Sayang talaga 'to weh... type ko sana kaso... aynako. Di ako makakatagal sa barahan.

"Alam mo Tobias, di mo naman kelangang sumagot kung labag sa loob mo eh."

"Sa gusto kong sumagot eh."

"Baka naman jumijebs?" Sabi ni biep.

"Nah! 30 minutes na kaya!"

"Aba talagang inorasan?" Natatawa nyang sabi.