اوقفت هانا احدي الممرضات : لو سمحتي هم اخودو بابا الطواريء ليه !!
الممرضة : والدك عنده سكتة قلبية
هانا وضعت يدها على فمها وعيناها تكاد تخرج من مكانها , وما هي الا ثواني حتى نزلت على ركبتيها ف الارض
المربية نزلت بجانب هانا : قومي يا هانا امسكي نفسك هيبقا كويس
هانا بغضب : انتي قولتي انه بس مغما عليه !!!
ييسونج بنفس الغضب : حد قالك انها دكتورة ؟؟؟
هانا بدأت تصرخ وتبكي : انت بتزعقلي كده ازاي!!!
المربية سريعا حاولت تهدئة الاثنان ثم ساعدت هانا على النهوض لتاخدها ويجلسا في ردهة الانتظار
اما ييسونج فخرج ليقف امام المشفى وهو يبعثر شعره بغضب يحدث نفسه : طول عمرها شايلة همهم ولا كانهم من بقية اهلنا
ظلت هانا بجانب والدها الذي دخل في غيبوبة بسبب صدمة عصبية شديدة حسب تفسير الطبيب ,
لم تأبه للسبب الذي جعله يصل الى هذه الحالة ولم تكن تتخيل انه سيبقى هكذا لمدة طويلة ,
ربما سذاجة منها وربما لا تريد ان تستوعب امر الغيبوبة هذه .
دخل ييسونج الى تلك الغرفة الهادئة حيث السيد كيم ممدد على الفراش وبجانبه تجلس هانا وتمسك بيده وهي تنظر له منتظرة ان يستيقظ ف اي لحظة وعلى مقربة منهما تجلس المربية بنظرة حزن توجهها الى هانا
ييسونج بملامح جادة وصوت خشن : انا راجع البيت! (قال لوالدته)
المربية نهضت وتوجهت نحوه بنظرة عتاب , خرجت من الغرفة وهي تمسك بمعصمه تسحبه معها
والدته : ممكن افهم انت ايه اللي مضايقك دلوقتي؟
ييسونج : مضايقني انك تجري ف الشوارع الفجر وبعدين تباتي ف المستشفى مع ناس مش من دمنا - مالك انتي بيهم انتي شغالة عندهم يعني مش ملزمة تعملي كده !
والدته بنبرة غضب : تاني يا ييسونج؟؟؟ هترجع تزعلني منك تاني؟ انت طيب مع الناس كلها ايشمعنا قلبك بيبقا حجر ناحيتهم هم بس؟
ييسونج اشاح بيده بعصبية : خلاص يا ستي اعملي اللي انتي عيزاه بس انا واحد مش فاضي للحاجات دي وعندي شغل الصبح ولازم اتخمد شوية
والدته بنظرة لوم : ماشي ارجع البيت انت واعمل حسابك انت واخوك قضو يومكو بكرة واتعشو ونامو متستنونيش
ييسونج دبدب بقدميه : اييييه؟ انتي ناوية تباتي معاهم اكتر من ليلة كمان !!
والدته بثبات : ايوة - استحالة اسيب البنت دي لوحدها ف الظروف دي
ييسونج ضحك بسخرية ثم ترك والدته وسار مبتعدا وهو يتمتم بكلمات تعبر عن انزعاجه ~
وفي صباح اليوم التالي
أنت تقرأ
بنت الذوات
Fanfictionانقلبت حياتها رأساً على عقب للأسوأ لا تعرف اين تذهب او اين ستعيش لكن هل فعلاً التغير دايماً سيء ؟
