وصل الحبل الى نهايته وتعلقا فجأة , عندها بدأ يسمع صوت تنفسها المسموع ,
ضمها اكثر قائلا بصوت مهزوز : مكنتش عارف انك شجاعة كده
على عكس المنطقي عندما ضمها اكثر وجدت نفسها تجهش في البكاء
ضحك قائلا : ياريتني ما اتكلمت
انتهت تلك التجربة الجنونية وها هما جالسان على احد المقاعد الخشبية ,
نظر ييسونج الى يده المحتجزة في يدها قائلا : ايدي عرقت مش ناوية تسيبيها؟
هانا دون ان تنظر له وبنبرة لازالت مهزوزة : انت ليك عين تهزر بعد اللي عملته فيا؟
صمت قليلا ثم قال لها بنبرة هادئة : بزمتك مش احساس يستاهل
نظرت له تفكر لثوان ثم ردت : انا لسة شايفة انه مكنش ليه لزوم والفايدة الوحيدة اللي طلعت بيها من الرعب ده انك كنت حاضني
ظل محدقا بها وفمه مفتوح من الذهول ثم قال : انتي بتفاجئيني ببجاحتك الغير محدودة
هانا بتلقائية شديدة : انا مش بجحة انا بحبك
ابتلع ريقه بصدمة ثم ابتسم بخجل وببطء حرك يده ليضعها على خدها وهو ينظر لها ثوان فقط من تلك اللمسة كانت كفيلة باسعاد تلك الفتاة اعوام قادمة ~
-------------------------------------------
ثم قالت بدون ان تنظر له : جدو لو سمحت سيبنا لوحدنا شوية
بتعجب رد عليها الجد : ليه ؟
انوشكا بابتسامة لؤم : هم مش بيسيبو العروسة تقعد مع عريسها على انفراد عشان يتكلمو براحتهم ؟
الجد بقلق وبتكاسل نهض وتركهما نزولا على طلب حفيدته ,,,
راقبته انوشكا بعيناها حتى تأكدت من انه ابتعد ,
نظرت لانهيوك بنظرة تحدي ثم قالت بدون مقدمات : انت شاذ ؟؟
اتسعت عيناه وشعر انه فقد النطق لثوان ثم صرخ بها : ايه !!! انتي مجنونة؟؟
انوشكا ببرود نظرت لاتجاه اخر قائلة : عرفت ان شرطك للموافقة على لعبة الجواز دي ان ميحصلش بينا اي حاجة (ضحكت ساخرة ثم اكملت) انت !! انت اللي بتطلب كده ؟ (وجهت نظرها له) غيرك بيتمناني ف احلامه - ازاي مش عايزني افتكر انك شاذ
انهيوك هز رأسه بقلة حيلة ثم رد بثقة : وليه متفكريش انك مش نوعي - او بتعبير ادق مش عجباني
شعرت ان غرورها تم خدشه , ردت بانفعال : ايه !! انا مش عجباك ؟؟ اكيد بتهرج
انهيوك بجدية : انتي قومتي جدك عشان نطول في الكلام التافه ده؟
انوشكا رفعت وجهها للاعلى كأنها تستجمع هدوئها ثم ردت : لأ في حاجة تانية
انهيوك : اتفضلي
أنت تقرأ
بنت الذوات
Fanfictionانقلبت حياتها رأساً على عقب للأسوأ لا تعرف اين تذهب او اين ستعيش لكن هل فعلاً التغير دايماً سيء ؟
