ومع مرور الساعات في يومنا هذا , انها المرة السادسة التي تتصل يونا فيها بييسونج , بل انها جائت الى البيت واخذت تطرق على بابه لكن ييسونج امر هانا بألا تفتح الباب مهما طرقت
انتابها اليأس من هذا وعادت لبيتها ,
تنهدت هانا باختناق ثم نظرت لييسونج بابتسامة قائلة : مش هتخرجني؟
ييسونج : عايزة تروحي فين
هانا : عايزة اروح 3 اماكن - ممكن؟
ييسونج بمزاح : لأ كتير
هانا : اعتبره اخر طلب ليا
نظر لها بجدية قائلا بخشونة : ايه اخر طلب ده؟
ضحكت ببلاهة : اعملك ايه طيب - قصدي مش هطلب منك حاجة تاني لمدة كبيرة كبيرة
ييسونج : كبيرة كبيرة؟
هزت رأسها (اه)
ييسونج بابتسامة صغيرة : خشي غيري هدومك
هانا عوجت فمها : اومال انا لابسة فستان ليه من الصبح؟
ييسونج باعتراض : انا هخرج بيكي كده؟
هانا : فين الغلط اللي فيا؟
ييسونج بتمتمة : شكلك زي البنات
هانا بابتسامة ناعمة : خليني ابقا زي البنات انهاردة
ييسونج نظر لها قليلا ثم قال : مش مرتاحلك انهاردة - فيه حاجة غريبة ف كلامك مش فاهمها
هانا اقتربت لتمسك يده وتنهضه من على الاريكة قائلة : طب يلا بقااااااا غير هدومك اليوم هيضيع
بالفعل غير ملابسه وذهب الاثنان للخارج
كانت وجهتهم الاولى الملاهي بناء على طلب هانا , كانت تستمتع بوقتها برفقته قدر المستطاع , وكل من رآهما اقسم انهما ثنائي ملائم , كانت تمثل الانوثة الناعمة الطفولية الشقية في حين مثل هو الشاب الخشن العاقل شبه البارد , ومع ظهور ضحكاته بدا ييسونج في افضل حالاته
اما وجهتهم الثانية فكانت صالة العرض , وهذا ايضا بناء على طلب تلك الصغيرة , وقفا لحوالي ساعة يتشاجران على اختيار الفيلم , هانا تريد الرومانسي في حين اراد ييسونج الاكشن , وفي النهاية نجح ييسونج في السيطرة ~ هكذا ايضا بدا كالثنائي
واخر وجهه هي ما كانت مفاجئة الليلة - او - هكذا ظن ييسونج ,
ييسونج : انا هلكت - تعالي نرجع البيت واجلي تالت مشوار ده لبكرة
هانا : مينفعش يا ييسونج ده اهم مشوار بالنسبالي
ييسونج بقلة صبر : يتأجل يا هانا انا مش هطير
توقفت في مكانها قائلة بنبرة عالية : عايزة ازور والدك !
تجمد مكانه ثم التف اليها قائلا بنبرة هادئة : بابا؟ عايزة تزوريه ازاي
أنت تقرأ
بنت الذوات
Fanfictionانقلبت حياتها رأساً على عقب للأسوأ لا تعرف اين تذهب او اين ستعيش لكن هل فعلاً التغير دايماً سيء ؟
