همس ليل
البارت الثاني
بطريق الرجعة بيومها جان اكو ولد ملاحكنة بس مسافة عنة ....اني حسيت بيه من طلعنا من المدرسة هو ورانا
حنان...لج زنوبة ترى هذا الولد ملاحكنا
زينب...عوفي مالج علاقة بيه
عفته بس خفت كلت خاف من جماعة الولد ويسويلنا شي...دنيا مو أمان
ثاني يوم هم نفس الشي من رجعنا ...وكفت ردته يمشي حتى اتأكد هو هم وكف ...اني عاد خليته لحد ما دخلنا فرعنا والتفت عليه
...انت ليش ملاحكنا
هو...منو ملاحكج..
حنان...انت من طلعنا صار يومين ...موعيب عليك شكبرك شكدك شبيقيت للمراهقين
هو...لج بابا من وياج انتي ...ليش طولين لسانج
حنان ...اطوله ونص مادام ماتحترم نفسك وتعوفنا بحالنا ...طبعا زينب اجر بيا وتكولي اسكتي واني ادفع بيها ومانطيها مجال تحجي
هو...امشي روحي لاهلج لا ترة ردي يصير غير شكل...طبعا صار عصبي حيل
حنان...لا والله رده غير شكل ...دصير رجال اول وبطل تلاحك بنات بكد بناتك وبعدين قبل ماكمل ماحسيت الا اجاني راشدي معدل....
هو...رجال غصبنا عليج وعلى اهلج...لسانج اطول منج ..محد مربيج
همزين الشارع جان فارغ من ضربني اني تخبلت ذبيت الجنطة اريد اهجم عليه بس زينب جلبت بية حيل
زينب ...لج بابا عوفي هذا اخوية الجبير
حنان...واذا اخوج...مال حق يضربني...واني مترباية احسن منك
هو...هسة نشوف من نجي لابوج
من كال هيج خرسيت...وشلت جنطي واني كلبي نار ماخذت بحقي...وباوعت لزينب
حنان...ماريد اعرفج بعد كل المصايب تجي من وراج...والتفت عليه...مافوته لك بسيطة
ومشيت لبيتنا بس مشتعلة اول مرة واحد يمد ايده علي وهالنوب رزلني...رجعت غسلت واذكرت الي صار يارب شلون اروح اكول لاهلي ...خاف يجي ويذبون الصوج براسي ...لان ابوية نبهني ماتجاوز خاصة اذا ولد...وذكرت هو مو ولد رجال النوب السالفة اطكع
امي...لج حنو وينج تعاي تغدي
حنان....ماريد مااشتهي
مهيمن...خلي نسجله بالتاريخ ...حنو ماتشتهي تاكل
وظلو يصنفون علي يوميا ماضوج بس اليوم طكت روحي ...اني ابد ماشايفة اخو زينب صار سنتين جوارين ..الصبح اروح سوة ونرجع للظهر بعد مااطلع....يعني ماكو فد مناسبة حتى التقي بيه ...شايفه اخوتها اثنين لان يجون على الولد بس هذا لا....شمدريني اخوها
