#الشوق الجارف_والكبرياء
همس ليل
البارت الخامس
جان مهيمن مريض ومادوام ...والدنيا مغيمة وبيها مطرة قوية طلعت من وكت حتى اجنب المطرة ...بس نص الطريق والسما بوري ونفتح ...زختها علي...سمعت هورن وسيارة طبكت يمي...التفت لكيت فيصل وزينب تجاهلتهم وظليت امشي ...بس سمعت صوت زينب بعد فتحت جامة السيارة
زينب...لج تعاي تنكعتي
هم ماجاوبت...بس شفت نفسي مبللة من فوك لجوة ...وبردت كلت خلي ارجع للبيت احسن مترهم ...وية ماداحاول التفت وارجع الوت رجلي ونجبحت بجيح مي ...
فيصل...خوما تاذيتي...ومد ايده يكومني ...رفعت راسي شفته واكف قريب علي...هسة بس المواقف البايخة تصير كدامه ..زين شوكت وصل ليمي بدون ماحس...بقت الفشلة والام رجلي تاكل بكلبي...اجت زينب وهي جانت تفتح شمسية كومتني..بس كوة ادوس على رجلي
فيصل...خلي نوصل زينب وارجعج للبيت
حنان...ميحتاج ارجع وحدي
فيصل...انتي كوة دوسين على رجلج شيرجعج
حنان...انت شعليك...
فيصل ..وصل ليمي ولزمني من زندي...امشي ترة والي خلقج ماتعرفين شيجرالج
حنان...جريت ايدي ..كلما اشوفك تهدد
فيصل ...واني كلما اشوفج لسانج طولان اكثر...جرني للسيارة..وصل زينب وبعدين وصلني بس نزلت هو مشى بالسيارة
تخبلت امي من شافتني...وكبل دفتلي مي ونشفت شعري وخلتني ادفى بالفراش وحليب حار شربتني ...بس كله مافاد بالليل دكتني الانفلونزا وسخونة عالية بقيت ٣ ايام مااداوم واليوم الثالث ..امي كالت اكو خطار عليج...دخلت للصالة لكيت زينب جاية
زينب...حمد لله على سلامتج
ام علي...يمة زينب خطية اخذت لج اجازة..راحت امي
زينب...شبيج حنوة ...صادر عني شي زعلانة علموده
حنان...لازم اخوج ماموجود وجاية
زينب...شدخل اخوي بالموضوع
حنان..مو منعج مني
زينب...لا والله ابد ولا كال ..
حنان...زينب فيصل مايريدنا صديقات واني صح احبج بس ما احب اسبب لاحد مشكلة بصداقتي
زينب...ماعرف شكولج...اول مرة اسمع هالحجي منج ...هاي المواد الفاتتج...
انطتني المواد وطلعت اجت امي جايبة كاكاو حار...وين زينب
حنان...راحت
ام علي...يمة اشو علاقتج بزينب صايرة باردة ليش
حنان...ماكو شي ..اروح اقرا موادي
داومت وزينب اجت سلمت وكالت اني ماريد اخسر صداقتج لا تجين الصبح ويانا ..بس خلينا صديقات وصدك استمرت صداقتنا ...ومشت الايام بين الدوام والدراسة...يوم جان علي موجود دكيت الباب ودخلت لكيت علي يحجي وية وحدة حبيات كعدت بصفه...هو راسا سلم وسد التلفون
حنان...منو هاي
علي...بنية التقيت بيها ووناوي اخطبها
حنان...تحبها...كفخني...
علي..عيب لج وينج وين هالحجي
حنان...مافتهمت ساعة تكول كبرتي ...وهسة ويني وين هالحجي...كمت اريد اطلع...علاوي اذا تحبها اخطبها وتصير بالحلال حتى تصونها...واذا تريد تكضي وكت اذكرني من تواعدها وتخلى بوعدك...وطلعت
علي...اني اخو حنان الجبير اكير منها ٦ سنوات ...هسة ادرس كلية عسكرية سنة اخيرة...طويل بشرتي سمرة ...وعيوني سود كبار وملاحي حلوة ومرتبة ....حنان اختنا الوحيدة وكلنا نحبها ومتعلقين بيها حيل...حنو كلش كلبها ابيض وذكية حيل وحنونة ...بس مشكلتها تربت على ايدينا يعني علمناها تصرفات الولد...لان جنة نخاف عليها من هالوكت ومن الي نشوفه بس للاسف هسة نشوف غلطنا بحقها لان ماعدها شي يمد للانوثة بصلة غير شكلها الخارجي...هي متوسطة اطول عيونها سودة مثل عيني وكبار وجها دائري ومربوب وملامحها كلش مرتبة بس سمرة مو طوخ لا وسمارها محليها اكثر ...يعني من نوع الدمها يلعب نسمي ....ومبهذلة نفسها داىما بمشيها وبلبس عريض زيادة ....اليوم من طبت علي لكتني احجي وية ريم...هاي حبيبتي التقينا من جنت ثاني كلية ورحت للجامعة وية صديقي وشفتها ونعجبت بيها ...سالت هواي مدحو باخلاقها...وظليت كلما انزل لاهلي اروح للجامعة اشوفها ...بقيت ٦ اشهر اخر شي صارحتها والحمد لله طلعت تبادلني نفس المشاعر..مقرر اخطبها بس اتخرج بس بعد كلام حنو لا راح اخطب هسة وازوج على التخرج...
ثاني يوم ...سمعت امي وابوي يحجون على شغلة علي فرحت حيل لان تصرف هيج والتهينا بأجرأت الخطوبة...رحت طبعا من امي شافتها...البنية حلوة ومرتبة وحبابة واجى موعد الكعدة مالتهم...علي اصر اروح اسوي شعري بالصالون واول مرة احف شواربي واعدل حاجبي ولفيت شعري ولبست فستان قصير لحد الركبة ومن فوك دانتيل على الصدر ونص ردن ولونه ماروني طوخ ولبست حذاء عالي...وبنات خالي جلبن ببا ورسمن عيني وشوية حمرة خفيفة ...علي كال تعاي وية زينب وامها فيصل يجيبكم
حنان...معلي شنو دازني وية ابن الجيران
علي...لج فيصل اكثر من اخوي وماشفنا منه غير الخير واشو امي وامه واخته طابين طالعين علينا...وكل واحد جايب عائلته بسيارته
مردت اضوج علي سكتت....اجت زينب كالت يلا فيصل ينتظر ...من طلعت وشافني ظل يباوع علي وعقد حاجبه ومثل الضاج...بس هو طالع فد شي بالغاط اول مرة انتبه علي ...واشوفه وسيم...جان من يوصل زينب البنات ويانة يخبصن نفسهن ويكولن لزينب اخوج صاك ...وصلنا وسوينا حفلة تخبل لعلاوي وركصنا ...ومن خلصت اقاربنا طلعوا راسا لبيوتهم وفيصل وصلنا قبل اهلي وجلبوا بيا اروح يمهم...شوي واجى فيصل كال اهلج اجوي ..بس كال لزينب شوفي امي تريدج ..اني سلمت وداطلع بالكنتدور صاحني فيصل ...وللحكاية تكملة
