رواية / ليــــــه رحتِ يوم قلبـــــي حبـــــك ؟؟ / بقلم زهلاة الليلاس

( الجزء الخامس والعشرون ) :.

في بيت البدر :
راحــوا مازن ونايف للبيت علشان يشوفـوا سلطان ..
نايف : سلطــان تسمعني ؟؟
سلطان .. لا رد ..
لف نايف على مازن وقال : انت اش قلــت علشان تحـررك ؟؟
مازن وهو مو متذكـر اش قال : ما أذكرر ..
نايف : مزوون حــااول إنــك تتذكر .. تــررى ما خلص اليوم حتى تنسى ..
سكـــت مازن لدقايق .. وعيـون نايف تتنقل ما بين سلطان ونايف ..
شهق مازن وقال : ايوااااااا ..
لف له نايف وقال بسرعة : ايش ؟؟
جلس مازن قدام سلطان وقال : سلطان انت تبغى تشـووف ولاء صصح ؟؟
تنرفز نايف من حركتــه وقال : مزووون ...........
وما كمــل كلامــه إلا وسلطان رفع عينــه لمازن ..
نايف بهدوء : سلطــان ..
مازن بهدوء : تبغــى تشــووف ولاء ؟؟
نزلت دموع سلطان على خدهـ بس ما رد عليــه ..
مسح نايف دموع سلطان وقال : سلطان رد عليـــنا .. تبغــى تشوف ولاء ولا لا ؟؟
مازن : يلا سلطان .. اذا تبغى تشوفها قــووول أي شي .. لأن أنــا بعد شــووي رايح لها ..
سلطان .. لا رد ..
وعيــوونه تتنقل ما بين مازن ونايف وأفكــار تدوور براســه ..
نايف : سلطــان يبه قــوول أأي شي .. قـوول اللي تحس فيــه ألحين ..
مازن : سلطــان يا قلـبي أنــا لا تســووي في نفسك كذا .. تـــرررى والله أمــي دمـووعها ما نشفت عليك وعلى ولاء .. قــووم وخفف عنها شــووي ولا تسوي فيــها كذا .. إذا مو علشان نفســك علشان أمــي وزوجتــك وبنتــك ..
سلطان ودمـوعه على خدهـ : ........
*******
في بيت سعود :
كانت في غرفتها وهي تسترجع أحداث يوم الحادث ..
وتذكرت كيـــف كان شكـــل غادة وهي تودع ولاء وتضحــك ..
عدلت جلستها فوق السرير وهي مصدوووووووومة من حركــة غادة اللي تذكرتها ..
منار : لا لا لا مستحييييلللللةةة دي البنت ..
وتذكرت لما تضاربت هي وحنـــان بعد الحادث ..
شهقت منار وقالت : ليكوووون بس هي اللي دبرت كــل شي ؟؟ لا لا لا لا مستحيييييييييلل ..
وخرجت من غرفتها بسرررررررعة ودخلت لغرفة أختـــها بسرررعة وبدون ما تدق الباب ..
ليان بخوف : وججع اش فيكي انتي ؟؟ ما تعرفي تدق الباب لما تدخلي ؟؟
جلست منار قبالها وقالت : تذكررت شيي خطيييييييييييييييييييييييييير ..
ليان وهي مو فاهمتها : ايش ؟؟
منار : يمكـــن تكـووون غادة ..
ليان بطفش : افف منوور متى بتتركــي البنت بحالها انتي ؟؟
منار : هيييييي ليوووون بططلي غباء .. أقــووولكك يمكــن تكـوون غادة هي السبب باللي سوته في ولاء ..
ليان بصدمة : أيـــــــــش ؟؟ مستـوعبة اللي تقوليه انتي ؟؟ (وبعصبية : لا تتهمي الناس بدون دليل .. كم مــرررة بقولها لك أنـا ..
منار : ليووووون والله أنا شفتها وقــت صار الحادث .. كانت تتطالع بولاء وتضحك وتأشر لها بيدها وكأنها تودعها .. ليون والله أنــا شاكـــة فيها ..
ليان : لا لا لا ما أتـوووقع غادة تسـووي شي زي كذا ..
منار : ليوون وربي إنـك غبييةةة .. طيب ما تتذكري اش قالت عن ولاء لما تضاربت مع حنان ؟؟
ليان وهي تسترجع أحداث ذاك اليوم المؤلــم ..
ليان : منووور لا تخلي الشيطان يلعب بمخخي ..
منار : غبي اللي يتكلم معاكي .. (وخرجــت من غرفة أختــها واتصلت عل السواق وقالت له يجهز السيارة ..
ليان بصوت عالي : منوووووووووووووووور تعالي هنا بسررررعةةة ..
وخرجت وراحت لغرفة أختــها وشافتها تلبس العباية ..
ليان باستغراب : فين رايحة انتي ؟؟
منار : رايحة لسارة أقوولها كــل شي .. انتي مو وجه كلام زي كذا ..
ليان : منور انتي متأكددة من اللي شفتيه على غادة ؟؟ يعني لا نظلم البنت ونآخذ ذنبها بعدين ..
منار : الكلام معاكي ضايع والله ضايع .. بروح لسارة وسوسو وهما اللي راح يعرفوا يتصرفوا مع بنت خالتهم ..
******
في بيت البدر :
سلطان ودمـوعه على خدهـ قال بهدوء : يعني ولاء بخير حتى تروح لهــا ؟؟
نزلت دمـووع مازن من الفـرررحة وقام وضمه بقوووة وباس راسه وقال : إن شاء الله تكـووون بخيــر .. (وقام على حيله وقال وهو يمسح دمـووعه : بروح أقـوول لأمي وزوجتك إنــك بخير .. (وخـرررج من الغرفة ونزل لعند أمــــه ..
لف نايف لسلطان وقال : سلطان ..
لف له سلطان بهدوء وبدون ما يقول شي ..
نايف : اش تحس فيــه ألحين ؟؟
سلطان : الحمد لله ..
نايف : زين الحمد لله .. بس اسمع لا عاد تجلس لحالك .. اقضي معظــم وقتــك مع أهــلك ولا تبعد عنهــم .. طيب ؟؟
سلطان : أوكي .. بس جــد ولاء بخير ولا مازن ......
قاطعه نايف وقال : بخيــر إن شاء الله .. ألحين احنا رايحين لها وراح نتطمن عليها ..
في الصالة :
حنان بفرحة : تتكلم جددد ؟؟
ابتسم مازن على خفيف وقال : ايواا .. اطلعي لــه ألحين وخليه يجهز علشان يروح معانا ..
أم البدر : وفين راح تآخذوهـ ؟؟
مازن : نروح نشوف ولاء ونرجع .. ما راح نطول كثير إن شاء الله ..
أم البدر : بروح معاكم يا يممه ..
مازن : إن شاء الله ..
*****
في بيت أبو عبد العزيز :
سوسن بعصبية : وقسم بالله لو يكـوون لها يد باللي صار لا يكــووون موتها على يدي ..
سارة : سوسن استعيذي من الشيطان واهجددي علينا ..
سوسن : أنــا حلفت وما راح أصـوووم علشانها ..
ليان : سوووسن اهجدددي وخلينا نفكـــر زي الخلق ..
مرام : بس لازم نعــرف ونتأكد قبــل لا نســووووي أي شي ..
ريوف : أنا اقوولكم من قاصرها غادة تكررهـ ولاء لأنها تزوجت عزيز وهي تحـــب عزيز من زمآآآآآن وأكثــر من مــرررة تعرضت لــه ..
وراحت ذاكرة منار لصباحيــة عبد العزيز وولاء لما جـوو للمرزعة ..
وسمعت مكالمة غادة ..
" وصلتوا الباقة لفندق الـ...... ولا لااا ؟؟ .......... أهااا طيب طيب كويييسسس .. " ..
شهقت منار بقوووة وقالت بصوت عالي : والله غاآآآآدددة هيييي اللي سوووووت كككل شيييي ..
انفجع الكل من صراخه وقال سارة بعصبية : وججع طيب تكلممي بصوت واطي ..
ليان : منووور بططلي عاداتك الغبية دي ..
ريوف : وليش متأأأكددة وانتي تقووليها ؟؟
مرام : منوور اذا عندك شي قولليييه ولا تخلي الشيطان ياخذ دووورهـ ..
منار : بس بس اقوولكم اش اسم الفندق اللي نزلوا فيه عزيز وولاء بأيام زواجهم ؟؟
سارة : منوووور اش تبغي باسم فندقهم ؟؟
منار : أنا أقوولكم .. تتذكروا في صباحية عزيز وولاء لما جو للمزرعة عندنا وبعدين قلنا نبغى نروح البحر ورفضت ولاء إنـها تروح تكلم عزيز وتقوله اانا نبغى نطلع البحر ؟؟
سارة وسون بتفكير : ايواا ..
مرام : ووقتها غادة هي اللي قالت تبغى تكلمه ..
منار : بالضضضضضضضضضضبببببطططط ..
ليان : بس اش دخل غادة بالحادث ؟؟
منار : هذا يا ستي بعد ما راحت سارة مع ولاء لعزيز قامت غادة من عندنا بسرررعة ووقتها أنا روحت للمغاسل .. وأنا راجعة سمعتها تقول :" وصلتوا الباقة لفندق الـ...... ولا لااا ؟؟ .......... أهااا طيب طيب كويييسسس .. " .. يعني ممكن تكــووون مسوووية لهم شي من قبــل ومررسله لهم باقة على حسب كلامها ..
سوسن : طيب اش اسم الفندق ؟؟ علشان نتصل ونتأكد اذا ارسلت لهم شي ولا لا ..
منار : طيب أنا من أوول اش قاعدة أقوولكم ؟؟ أنا ناسيةة اسم الفندق تقوموا انتو تقولوا اش اسمه .. والله انكم حالــة ..
سارة : والله مو متذكرررة اسمه ..
سوسن : ولا أنــا ..
ليان : ولا أنـا ..
منار بقهر : اففففففففف اش دااااااا الحظظظظظظظظظ ..
مرام : اش رايكم اسال خالد ؟؟
سارة : لا لا لا خالد يشك بسررعةةة ..
ريوف : خلاص اسال أحمــد بس يرجـــع .. وإن شاء الله ما يشـــك بشي ..
منار : طيب ومتى راح يرجــع ؟؟
ريوف : العصر زي كــل يوم .. والمغرب إن شاء الله نجتمــع من جديد ونشـووف اش راح نسـووي ..
******
في المستشفى :
نايف : يعني مالها علاج ابدًا يا دكتور ؟؟
الدكتور : قلــت لكم من أوول .. نسبة شفائها 20% .. وهي ما تحس باللي حـوووها أبدًا .. عايشة على الأجهـزة وبس ..
سلطان : لو سفرناها بـررا ؟؟
الدكتور : حتى لو سافرت برا .. راح يقولوا لك نفس الكلام اللي أقـووله أنــا .. عايشة على الأجهـزة وبس ..
قامـوا سلطان ومازن ونايف وشكـروا الدكتور وبعدها خرجــوا وشافوا عبد العزيز ..
سلمـووا على بعض .. وبعدها رجعوا للبيت وراح عبد العزيز عند ولاء ..
*******
في بيت البدر :
البدر بابتسامة : الحمد لله على سلامتك يا أبـوو أمــل ..
سلطان بهدوء : الله يسلمــكك ..
البدر : فيــن أمــي ؟؟
مازن : عند ولاء .. ما رضيـــت تــررجع البيت .. تقـوول بتجلس عندهــا حتــى لو ما حســت فيها ..
تنهد البدر وقال : الله يقومــها بالسلامـةة إن شاء الله ..
*******
في بيت أبو عبد العزيز :
في جناح أحمد :
ريوف : اقــول أحمـد ..
أحمد : هلا ..
ريوف : أدري ان السؤال مو وقتــه بس في وحدة من صحباتي أخوها بيتزووج وتبغى اسم فندق يكون أنيق ومرتب وزي كذا وإنــه يكـوون هدية منــها لــه .. إذا تعــررف قـوولي علشان اقــولها ..
أحمد : امم عندكك الفندق اللي نزلنا فيــه احنا ..
ريوف : ايواا وغيرهـ .. يعني اذا ما عجبها ذا يكـوون عندي بــدل ..
أحمد : اممم وكمان اللي نزل فيه خالد وعمتك وعزيز وولاء ..
ريوف وهي تبغاهـ يقـول الاسم : ايواا اش اسمائـه ؟؟ لاني ناسية ..
أحمد : حق خالد الـ.......... وعزيز الـ...........
قامت ريوف وباست في خدهـ بقوة وقالت : الله يخلييييك .. (وخررجت من الجناح بسـررعة ..
*******
في البحـر :
من لما خــرج من عندها وهو جالس بنفس المكان اللي كان فيــه معاها آخــر مـرررة ..
كان جالس على صخـرة كبيرة .. ومادد رجوله عل صخرة ثانية ورجله الثاني في حضنــه .. وثوبه نصه مرفـووع لفخذهـ ..
ويطالع بالبحر وتتضارب أمواجــه .. ونور القمـــر اللي صار بدر ومنعكس على أمواج البحر ..
رفع راسه للقمــر وتذكرها ..
تذكر ضحكتها لما كانت تضحك مع أخواتــه وبعض الأحيان معاهـ ..
تذكر بكاها اللي كان السبب الرئيسي في نـزوول دموعها ..
تذكر ابتسامتها الخجولة اللي كانت تظهر عليها لما يقــررب منها ..
تذكر لما كان يقـووم من نومه على كوابيسه المزعجــة وتكـووون هي جنبــه ..
نزلــت دمـووعه من جديد على خدهـ كل ما تذكرها ..
يذكرني القمر ظلك عجب ياللي ظلالك نـور
وأنا اللي ما عرفت الليل لولا عتمــة أهدابك ..
حبستك في السما شمس وعلى وجه السحاب طيور
ونخيل باسق يشرب رضاك ويعطش عتابك ..
وجلست أناظرك ما رف لي جفن تقل مسحور
أقول إن الجمال انتي وكل العشق بأسبابك ..
هقيت إني ملكتك ما رديت إن الأماني غرور
وإنك في يدي لين انتحابي الوقت وأقفا بك ..
سقا الله يوم كان أكبر همومك خاطري المكسور
وكنت الضي في عينك وكنت السقم في ثيابك ..
سقا الله يوم كنتي الأرض أنهار وشجر وقصور
ديار نورها من طاقتك وأحلامها بابك ..
عيوني يا شقى عيوني من الجدب الموات البور
أراضي مابها إلا ما ذوى وانهد في غيابك ..
أحبك كان لي قلب يجض من الجفا مقهور
وصار اليوم يفرح لو لقى بـه ذعر يشقى بـك ..
<< للشاعر الأمير بدر عبد المحسن >>
عبد العزيز بصوت مخنوق : ليــــه رحتِ يوم قلبــــي حبــــك ؟؟ ليـــــــــــــــه ؟؟
*******
في بيت أبو عبد العزيز :
اجتمعــوا البنات مــررة ثانية في الحديقة ..
منار : سألتيه عن اسم الفندق ؟؟
ريوف : ههههههههههههههه ايواا .. بس الحمد لله ماشك بشي ..
سوسن : الحمد لله .. بس اش قلتي له ؟؟
ريوف : عادي .. قلت له ان صحبتي بتزوج أخوها وتبغى تعطيه فندق كهدية .. وسحبت منه الكلام لين ماقالي الاسم ..
ليان : ايواااا واش اسمه ؟؟
ريوف : الـ.............. القريب من البحر اتوقع ..
سارة : ايواااا هو هوووو ..
منار : حـلووووووووووووو ..
مرام : منوور اش راح تسووي ؟؟
منار : في أحــد حافظ رقم الفندق ؟؟
سارة : طبببعا لااا ..
منار : أجـل قوموا وجيبوا أي لاب توب بسررعة .. ولا أقووول من فيه في جوالها شبكة ؟؟
ليان : منووور وجججع اش بتسووي انتي ؟؟
منار : اصبرري .. بسرررعة من عندها شبكة في جوالها لان انا ما عندي ..
مدت مرام جوالها وقالت : ممتازة الشبكة هنا .. بس اش راح تسووي يا متهوورةة ؟؟
أخذت منار الجوال منها وقالت : ألحين راح تشوفوا ..
ودخلت على موقع الفندق وطلعت رقــم الفندق .. ورجعت جوال لمرام ..
ليان : والرقم وطلعتيه .. اش راح تسووي الحين ؟؟
منار : بتصل لهــم ..
سارة : كيف يعني ؟؟ واش راح تقولي لهم ؟؟
منار : ألحين راح تشوووفوا .. (ودقت على الفندق وبعد رنــة وحدة ردوا عليها الريسبيشن وكانت فاتحة الاسبيكر ..
منار : بغيت اسالكم عن نزيل لكم قبل ثمــ8ــــان شهور واسمه عبد العزيز محمد الـ........ تقدروا تفيدوني ولا لا ؟؟
الاستقبال : أكيــد .. هلأ راح شوفو لإلك ..
منار بهمس : وجعع مايعةة ..
ردت عليها بعد دقايق وقالت : ايواا لئيتوو .. شو بدك من هيدا النزيل ؟؟
منار : في صباحيتهم جاهم شي ولا لا ؟؟
استغربت اللي في الاستقبال وقالت : ايواا .. جاتهم باقيتن ورد .. الأولى ورد أحمر جوري .. والثانية ورد جوري أبيض .. بدك أي معلومات عنوو ؟؟
كتم الكــل شهقاته وقالت منار : من اللي أرسلــه ؟؟
الاستقبال : ورد الجوري الأحمر كان من واحد اسمو فهـد الـ......... و...
قاطعتها منار بصدمة وقالت : ايش ايش ؟؟ عيدي الاسم ؟؟
الاستقبال : فهد الـ......... في شي ؟؟
ضربتها سوسن وتدراكت نفسها منار وقالت : لا لا لا بس مين صاحب الورد الثاني ؟؟
الاستقبال : من واحد اسموو صالح مع إن صاحب محــل الورد قالنا إن اللي وصاهم يرسلوا الورد هي بنــــت .. وحتى بالليلة اللي وصلوا فيها للنفدق بعدها بدقايق وصلهم باقة ورد أحمر من فهـد الـ.......
منار : اهااا .. اقول اعطيني اسم محل الورد الأبيض ..
الاستقبال : ما بصيررر ..
منار بنفاذ صبر : اقوووول بعد قلتي لي ككل المعلومات ألحين على هذا الشي تقولي يصير ولا ما يصير .. بسرررعة اخلصييي عليا تراني مو فاضيةة لك ..
خافت الاستقبال من نبرة صوتها وقالت لها على اسم المحل .. وبعدها قفلت منها منار ..
سوسن : طلع فهد ولد عمها كمان هو اللي مرسل مو بس غادة ..
ليان : طيب اش يعرفنا ان غادة اللي رسلت لهم ؟؟
ضغطت منار على راسها بقووووة وقالت : والله لو تكـوووون غادة ..
سوسن تكمل : لا يكوووون ذبحها على يدي ..
مرام : طيب منور اش راح تسووي باسم محل الورد ؟؟
ريوف : يعني ممكن ما يكون تغير ؟؟
منار : مدرري والله .. نتصل ونشوووف ..
سوسن : هاتي أنا راح أكلمهم ..
******
في بيت راشد :
دخله راشد للمجلس وجلسوا بعد ما وصلتهم الضيافة ..
راشد : زين إنــك جبيتني لأني أنا كنــت راح أجــي عندك ..
سعود : خير اش فيه ؟؟
راشد : سديم طالبة الطلاق ..
سعود بصدمة : ايييييييييش ؟؟
تنهد راشد وقال : حاولت أمنعها بس هي مصرة على الطلاق .. تقول إن إنت ما تبغاها و......
قاطعه سعود وهو يقول بعصبية : ووووومن قالها إنـــي ما ابغاها ؟؟ هآآآآآآ مممن قالها ؟؟
راشد بعصبية زيه : سعود هدي وكل شي يجي بالهداوة ..
سعود : طلاق مو مطلللق ..
راشد : روح وقولها هذا الكلام ..
قام سعود على حيله وقال : وهي وينها ألحين ؟؟
في نفس المكان ..
في غرفة سديم :
كانت فوق سريرها وضامة نفسها وتبكـــي وقدامها معظم صـووور سعــوود ..
دخل عندها سعـوود وراشد رجع للصالة وجلس مع زوجته ..
وشافها ضامة نفسها وصورهـ حـووولها ..
وهذا أكّد لــه إنها رافضة الطلاق ..
وما طلبته إلا علشان تحافظ على كرامتها ..
قرب منها وجلس على طرف السرير ..
حست سديم بأحد على طرف السرير ..
وأووول ما رفعت راسها مسح سعود دموعها ومسك ذقنها ورفع لها وجهه وصار يطالع بعيونها ..
أبيك لا قطع شراييني
من كل شي غير حبــك الوله يشفيني ..
يشهد الله إني أحبــك
لين ضاقت ضلوعـي وصوتي ..
وصاحت عيونـي من الوجع
والحب يوجع والطمع قاتـل ..
أبيك العمـر كلـه هالقليل الراحل
ويشهد الله إني احبــك ..
<< للشاعر الأمير بدر عبد المحسن >>
سديم : اش جابك ؟؟
سعود : جابني حبي لك ..
سديم : ما عدت أحبــك ..
طالع سعود بالصور المنثورة حولها وأخذ له صورة له هو وسديم وكان عمرهـ 10 سنين وهي عمرها 5 سنين وكان شايلها في حضنــه وهي لافة يدها على رقبته ..
حطها قدام عيونها وقال : وهذي الصورة واللي معاها على ايش تدل ؟؟
ما ردت عليه ولفت وجهها للجهة الثانية ..
لف يدهـ حول خصرها وسحبها وحطها فوقه ..
وقرب وجهه من وجهها وقال بهمس : وربـك أحبــــــــــــــــــك ..
******
في بيت أبو عبد العزيز :
قفلت سوسن من المكالمة ورمت الجوال على الأرض بعصبية وطلعت جررري لعند امها ..
سارة : يا ويييلي لا تقوووم تخررربها دي البنت .. (ولحقت سوسن لعند أمها ..
منار بقهر : حقيييييييرررررةة دي البنت .. (ومسكت جوالها وبدأت تتصل على غادة ..
ليان : والله لما قالت لي منور ما صدقتها ..
مرام : استغفررر الله العظيم .. اللهم احفظنــاا بسس ..
في الصالة :
سوسن : يمممه أبغى اروح عند غادة الحين ؟؟
استغربت أم عبد العزيز من طلبها وهي تعررف إن بناتها ما يطيقووو غادة وقالت : ليش ؟؟
دخلت سارة عندهم وقالت وهي تحاول تنظم أنفاسها من الجري : مو علشان شي يممه .. بس يعني كذاا تبغى نجلس معاها جلسة بنات يممه .. يعني عادي مافيها شي ..
أم عبد العزيز : بس خالتك وبنتها سافروا عند ابو غادة في البرازيل ..
سارة وسوسن بصدمة : نععععععععععععمممم ؟!؟!
في نفس المكان ..
في الحديقة :
قفلت منار وقالت بعصبية وهي تضغط على الجوال بقهر : ما ترررد بنننت الكلللللب ..
ليان : بسسس اهجديي يا بنت ..
منار : وجججع يوجع العدووو ..
نزلوا سارة وسوسن وهم معصبيييين بس ساكتين وما قالوا شي ..
ريوف : اش فيكــم ؟؟
سارة وسوسن ساكتين ..
ليان : سارة .. سوسن .. اش فيكم كذا قلبتو فجأأة ؟؟ أمكم قالت لكم شي ؟؟
سوسن بقهر : غادة سافرررة اليوم هي وأمها عند ابوها ..
منار بصدمة : نعم نعم نعم يا روووح امممك ؟؟ وكييييييف تسااااافرر ؟؟ ومن متى ؟؟
سارة : اش اللي كيف تسافرر ؟؟ هي سافرت مع امها عند ابوها افف ..
******
في بيت البدر :
خرج مازن من غرفته ونزل للصالة وشاف أمــه ..
باس يدها وراسها وجلس جنبها ..
مازن : متى رجعتي ؟؟
أم البدر : من ساعة جيت .. عمــك رجعني بعد ما جا عند أختــك الله يقومها بالسلامةة ..
مازن : إن شالله ..
أم البدر : رايح للشركة ؟؟
هز راسه بالإيجاب وقال : بس قبلها بروح عند ولاء ..
******
كان واقف كالعادة عند باب غرفة العناية ..
وفجأة حس بحركة غربية ..
لف وجهه وشاف الأطباء والممرضين يدخلـــوا عندها ويبدؤوا يسووا لها انعاش ..
انقبـــض قلبــه بقوووووة وخاف عليها ..
وقلبه بدأ يدعــي لها بالشفا العاجل ..
ودموعه متجمعة بعيونه ..
وبعد ربع ساعة خرج له الدكتور وهو ساكــت ما قال شي ..
عبد العزيز بصوت مخنوق : اش فيها اش دكتور ؟؟
الدكتور : انت زوجها ؟؟
عبد العزيز : ايه ..
الدكتور : البقا في راسك .. عظم الله أجـرك ..
قام عبد العزيز من نومه مفجوووووووع وصرخ بأعلى صوته : لآآآآآآآآآآ ولآآآآآآآآآآآآآآء .. (ودفن وجهه بين يدهـ وقال وهو يتنفس بسرعة وللحين مو مستوعب إنه كان في كابوس : كيف ترووووحي بدونيييييييييييييي ؟؟ كييييييف ؟؟ ليش تروحي انتي وهيا بعد ما تعلقوووني فيييكم ليييييييييييييش ؟؟ (ورفع راسه واستوووعب إنــه كان كابوس ..
لكن لازال خايف من الكابوس اللي شافه ..
قام بسرررعة من مكانه ودخل الحمام وأخذ له دش سريع ولبس ثوبه وخرج من البيت بدون ما يرد على أحــــد ..