رواية / ليــــــه رحتِ يوم قلبـــــي حبـــــك ؟؟ / بقلم زهلاة الليلاس

( الجزء الخامس ) :.

في بيت أبو عبد العزيز :
في غرفة الموسيقى :
أحمد : واش اللي خلاك تسأل هذا السؤال يا أخووي ؟؟
عبد العزيز : كنــت من زمان شـــاك إنك تحــب .. بس ألحين تأكدت ..
أحمد : وللحين ما وصلت للصواب يا عبد العزيز .. أنــا ما أحــب .. ولا راح أعلــق نفسي في أحــد .. (وخرج من غرفة الموسيقى وطلع لجناحه ..
فسخ بلوزته وانسدح على سريرهـ وحط يدهـ تحت راسه ويدهـ الثانية فوق صدرهـ ..
وسؤال أخووهـ يتردد لذهنه كــل شووي ..
أحمد : ما راح تحسسس فيا يا أخوووي لأن حبيبتي ترفضني وتكررررررهني .. مو مثلــك كنت تحبها وتحبك .. الله يرحمها بس ويعووضك باللي أحسسن منها .. (وكمل بتنهيدهـ : وأنا الله يصبرررني عليها ويحنن قلبها علياا ..
في غرفة الموسيقى :
هز راسه بأسى على حال أخوهـ ..
وخرج من الغرفة وتوجه للحديقة يغير جـــــــو ..
******
ومرت أيآآآآآم الاختبارآآآآآت سييئة على بطلتي ولاء ..
وحلووووووة على بقية أبطآآآآآآلنا ..
ولاء كانت تجلس طووول اليوم بغرفتها بحجة إنها تذاااكر وما تطلع منه أبدد إلا وقــت ما تبغى تخرررج للجامعة ..
وأخوانها سلطان ومازن ما يكلموها ولا يقولوا لها كلممة ..
والبدر ما يكلمها إلا وقــت ما يوديها للجامعة لأنها طوووول اليوم بغرفتها ..
وبنات العمة أم راشد راح يجوو لـ جــدة بالطيارة اليوم لأنه آآآخر يوم في الاختبارات ..
*******
في بيت البدر :
رجعت من جامعتها وهي تعبآآآآآآنة ..
اليوم هو آآآآخر أيآآآآآآآآآآم الجآآآمعة ..
لكن فرحتها أبدًا ما كانت كاملة بسبب معاملة أخوانها لها ..
دخلت وسلمت على أمها وباركت لها أمها على تخرجها من الجآآمعة ..
وكان موجود سلطان ومازن وحنان ..
حنان : مبروووووك يا قلبي .. ما بغيتي تخلصي من الجامعة ..
ابتسمت ولاء بهدوء وقالت : الحمد لله عدت على خير ..
أم البدر : عاد لااازم أسوووي لك حفلللة ما صارت لشان عيوووونك وتخرررجك يا يممه ..
ولاء : ماله داعي يممه ..
البدر : لا لـــه داعي ونصص .. أجــل ولاء بنت الوليد تتخرج من الجامعة وما يصير لها حففلة ؟؟
لفت له ولاء وقالت بابتسامة هادئة : ماله داعي يا أخووي .. (وبغصة : وجودكم معايا يكفيني ..
قام مازن على حيله وقال بجدية : أنا طالع لغرفتي .. (وطلع لغرفته وبدووون ما يقولها كلممة ..
دمعت عيون ولاء وقالت بصوت مخنوق : وبعدين لسه معدل الترم ما طلع .. يعني ماله داعي الحفلة ..
قام سلطان على حيله وقال بجدية : أنا تعبان وبروح أرتاح .. (وطلع لغرفته بدوون ما يقولها شي ..
بلعت دموعها وقالت بغصة : يمه وقت ما يجي وقت الغدا صحووني .. (وطلعت لغرفتها جرررري ..
قفلت على نفسها الباب ورممت كل شي في يدها على الأرض ودفنت وجهها في مخدتها وصارت تبكي بقوووووة وقهــــــــــــر ..
ما تدري ليش أخوانها يصدوا عنها وهي ما سووت لهم شي ..
انقهرررر البدر من تصرررفات أخوانه وكأنهم مراهقين وطلع لغرفة ولاء بسرعة ودق الباب ..
ولاء وهي تمسح دموعها تعدل صوتها : ميــن ؟؟
البدر : ولاء افتحي الباب .. أبغآ أكلمك بموضوع ..
عرفت الموضوع اللي يبغاها فيــه أخوها وقالت : بدر أنا بنام ألحين .. أجل الموضوع لما أصحى الله يخلييك .. (ورجعت دفنت وجهها في المخدة وكملت بكـــى ..
ضرب البدر الجدار بكف يدهـ .. وتوجـــه لغرفة مازن ..
فتح الباب بقوووووة ودخل لغرفته بسرررعة وشافه واقف في البلكونة ..
راح له البدر بسرررعة ولفه عليه بقوة وقال بجدية : إنت كنت تقول إن دموع الولاء غآآآآلية وثمنها الــذذل .. (وضربــــه كــــــــــــــــــــف بأقوى ما عندهـ وقال بقهر : علشان تعرف كيف تلووم أختــك لشي مالها ذنــب فيــه وإنها كانت خايفة علينا منــه .. (وخرج من غرفتــــه وتـــرك مازن مصدووووووم !!
كان راح يروح لغرفة سلطان ويسوي فيه زي ما سوى بمازن ..
لكنه شاف حنان عند باب غرفتهم ..
حنان : البدر إذا تبغى تدخل حياك .. أنا أدخل بعدين ..
البدر بقهر : لااا .. (ونززل لمكتبه ..
دخلت حنان لغرفتهم وشافت سلطان واقف في البلكونة ..
خرجت لعندهـ وهي متنرررفزة منه ومن أخوهـ مازن على اللي سووهـ بولاء ..
ما عرفوا حتى يقولها لها كلمـــة تطيب خاطرها ..
حنان بقهر : سلطان اش اللي سويته قبل شوي إنت وأخوك مازن ؟؟ حرام عليكم البنت تووها مخلصة من آآخر اختبار لها في الجامعة تقوموا تسوو لها كذاا ..
لف عليها سلطان وهي كملت : وين اللي كان يقولها لا تخرجتي من الجامعة بسوي لك وبسوي لك وبسوي لك وأخلييييك أسعـــد وحــدة على وجـه الأرض كلها وأخليك تشوفي الدنيا فينا ..
رفع سلطان راسه ورآآآحت ذاكرته لأوووووول سنـــة في جامعة اخته ..
كان مثل هذا اليوم ..
توووها راجعة من جامعتها وكان آآخر اختبار لها ..
سووا لها جنآآآن ما صار بالبيت ..
والبدر وأمــه يضحكووا عليهم ..
سلطان : تدررري يا لولو بس تخلصي إن شاء الله من جامعتك بخليييك تفرررري بشوارع جدة فرر ..
مازن : وبوديكي أوروووبها كلللللللللللللللللللها .. وتشووفي كل اسوااقها وحداايقها ..
سلطان : والله يا ولاء ما راح أخلي شي بخاطرك إلا وأسوويه لك .. كــم ولاء عندنا إحناااا ..
مازن وهو يكمل : الله يخلييييها لنــا يآآآآآآآآآآآآرب ويحفظها ..
رجع سلطان لأرض الواقع على صوت حنان وهي تقول : سلطان حرآآآآآآآآآآآم عليك باللي سويته فيها قببل شووي .. أنتوو خذلتووووووووها .. هي كانت خايفة تقوولكم إن فهد جا عندها البيت وتفهمووها أوول شي غلط .. وبعدين إنكم ممكن تروحوا وتتضاربوووا معاهـ وتعلقووو معاهـ في مشكلة كبيرة .. وهي لما خبــت عنكم كانت خايفة عليكم منــه .. خآآآآآآآآآآآآآآآآآآآآآيفة عليكم وإنتو ولا فكرتو فيهآآآآآآآآآآآآ .. تفكرو بنفسكم وبسسس .. أختكم كانت خايفة عليكم والبدر كمان قالكم هذا الشي وفوق هذا ما التمستوا لها العذذرررر .. ليييش ياسلطااان ليييييييييييييش ؟؟
سلطان بعصبية : وليش ما قلتي لي من قبل ؟؟ لييييييييييييش ؟؟
حنان بعصبية مثله : ليش إنت تعطييييييني فررصصصة إني اتكللللللللللم .. على طوول برااا البيت وما تررجع إلا بآآخر الليل .. كأن البيت صار لك فندق تخرج من الصباح وترجع بالليل ..
هز راسه بالنفي وخرررج من غرفته متوجه للحديقة وهو مقهوووور ..
وقبل لا يطلع وصله صوت أخوهـ البدر وهو يقول بجدية : سلطان لا تطلع من البيت قبل لا تنفذ كل وعودك لولاء من قبل .. ولا ما راح يصير لك خيــر .. (ورجع ودخل لمكتبه من جديد ..
انسدح سلطان على الزرع وهو يفكـــــــــــــــــــر بكل شي قالته حنان ..
وطلعته منــه تنهيدهـ منــه على حاله ..
في نفس المكان ..
في غرفة مازن :
للحين واقف بمكانه يحاول يستوووعب اللي قاله أخوهـ البدر ..
إنت كنت تقول إن دموع الولاء غآآآآلية وثمنها الذل ..
إنت كنت تقول إن دموع الولاء غآآآآلية وثمنها الذل ..
إنت كنت تقول إن دموع الولاء غآآآآلية وثمنها الذل ..
إنت كنت تقول إن دموع الولاء غآآآآلية وثمنها الذل ..
مازن : آآآآآآآآآآآآآهـ يا ولاء والله اشتقت لــك .. وررررررررربك اشتقت لكككك .. (وخرج من غرفته وتوجه للحديقة وانسدح جنب سلطان ..
******
في بيت سعود :
كانت تدور بوسط الصالة وهي فرحآآآآآآآآآنة إنها خلصت من الثانويية العامة ..
ليان : الحمد لله والشكر بسسس .. هذا وإنتي للحين ما خلصتي من الجامعة ..
منار وهي توقف : وممممممن اللي قالك إني بدخل جامعة اصلااا ؟؟
.......... : أنــــــا اللي قلت ..
لفت وجهها وشهقت لما شافت أمها ..
وليان كتمت ضحكتها وغطت وجهها بالكتاب اللي كانت تقرأ فيــه ..
منار : يمممه يا قلبي والله .. ماااأبغى أككممممل وووي ..
أم سعود : وأنا قلت لك تكممملي دراستك ..
منار : يووووووهـ يا أممي .. البنات عندنا يبغووو يكملوا دراستهم وأهلهم رافضين .. وأنا العككس .. وين تصير هذي بالله ؟؟
ليان بصوت كله ضحك : في أحسسسن العوائل وأرقاها .. ألا وهي عائلة أبو سعود ههههههههههههههههههه ..
منار بقهر : عساك تضحكي بلا ضروووس إن شاء الله ..
ليان : وي وي اسسسم الله عليااااا بسس ..
أم سعود : بس إنتي وياها .. المهم اليوم راح نروح للمزرعة علشان عيال عمتكم راح يجوو من الشرقية .. جهزوووا نفسسكم بعد العصر ..
ليان ومنار : إن شاء الله يمه .. (وراحت أمهم ..
منار : والله والله يا ليوون لو غادة تقعد تسووي حركاتها الخبللة زي ذاك اليوم لا أمحييييها من وجه الأرض ..
ليان وهي تشهق : يا بنت استهدي بالله واعقلي ..
منار : والله لا أوريها نجووم الظهرررر ..
.......... : ايه ايه وررريها نجووم الظهر والليل كمان ..
لفوا لمصدر الصوت وشهقوا بفرررح لما شافوا أخوووووهم وسندهم عند الباب وعليه ابتسامته الجذابة ..
منار : وهـ وهـ فديييت أخووي والله .. قول هذا الكلام لأختك المعقدددة ..
سعود : هههههههههههههههههههههههه خليها يا ليوون .. يممممكن عزيز يتزوووجها مستقبلاً ..
شهقت منار وقالت : لا والله ثم والله ثم والله إني ما راح أتزوووج زووج المرحوومة أختي حتى لو كنت أحبــه .. خيييييييييير مافيني لا حيا ولا حشييمة لأختي الله يرحمها ..
سعود وهو يخفي حزنه خلف ضحكته المزيفة : عاد يلاااا اعترررفي إنك تحبي عزيز .. يلا يلا اعتررررفي .. ترى ما راح أقووله ششي .. (وغمز لها ..
منار وشوي راح تتجنن من هباله : سعوووووووووووووود يررررحم أمواااتك أي حب وأأي خرااابيط .. أقول روح خلف الله عليك من أخووو بس .. قال أحب قال .. اقول أنا انقلعع لغرفتي أرتاح أحسسن لي من القعدة معاكم يا المعقدين .. (وطلعت لغرفتها ..
ابتسم سعود بألم وراح جلس على كنبة مفردة وأسند راسه على الكنبة بكـــل تعب ..
ليان : اسم الله عليك يا أخووي من التعب .. واش فيــك ؟؟
سعود بتعب : ليان والله اشتقت لها .. اشتقت لها .. ليان أنا للحين أحسس إن سلوى عايشة ما ماتت .. كأن الحادث اللي صار لها أمسس وإن في أمممل إنها ممكن تصححى من غيبوبتها ..
تنهدت ليان بحزن وقالت : استهدي بالله يا سعود .. سلوى ماتت الله يرحمها وهي بحفظ الله ألحين إن شاء الله وربي ما بضيعها .. ادعي لها يا سعود ادعي لها ..
سعود بصوت مخنوق : ليان والله محتآآآج لها .. محتآآآآج لها .. هي الوحيدة اللي كانت تفهمني بسررعة ..
ليان : سعود أنا موجودة ووقت ما تبغى تقول شي تعال عندي وأنا مستعــــدة أسمعك طوول عمــري ..
*******
في بيت أبو عبد العزيز :
أبو عبد العزيز : اليوم العصر إن شاء الله رايحين للمزرعة .. تجهززووو ..
عبد العزيز وهو يبغى يتأكد : ومن راح يكون موجود هنـاك ؟؟ (وطالع في أحمد اللي كان يقرأ جريدة اليوم ..
أم عبد العزيز : خالتك أم غادة وعمتك وسديم وعمر وعيال راشد راح يجووو المغرب ..
نزل أحمد الجريدة من يدهـ بسررعة وقال : واش يممه ؟؟ من اللي راح يجي المغرب ؟؟
أم عبد العزيز : قلت لكم سديم وعمرر وعيال راشد .. وهـ يا قلبي ما صرت تسمع يممه ؟؟
أحمد وهو يتدارك نفسه : لا لا لا يممه .. بس ما ركززت وإنتي تتكلمي .. على العموم الله يحييهم ..
ابتسم عبد العزيز بداخله وقال :" أثاااريك تحب وحدة من بنات عمتي يا أحمممد وما تبغى تقوول وتبين .. آآهـ يا ذا الحب اللي متعبنا حتى وإن كان اللي نحبهم صاروا ترآآآآآآب .. " ..
*******
في بيت البدر :
نزل الكل على الغدا ما عدا ولاء اللي نامت من كثر البكى والتعب ..
البدر : فين ولاء ؟؟ ليش للحين ما نزلت ؟؟
حنان : دخلت عندها وكانت نايمة ..
قام مازن على حيله بسرعه وقال : بروح أصحيها .. (وطلع لغرفة أختــه قبل لا سمع رد أي واحد منهم ..
ابتسم البدر بداخله وقال :" الله يهدي الأحوال يارب .. " ..
دخل مازن لغرفة أختــه وشافها نايمة بالعرض وضامة مخدتها لحضنها وباين عليها إنها كانت تبكي ..
جلس مازن على طرف السرير وهو يمسح بقايا دموعها الموجودة تحت عيونها ..
مازن في نفسه :" والله ما كنــت أدرري إنك تحملتي كل هذا علشاننا .. بس ولا يهمــك يا الغالية .. والله ما راح أخلي دموعك تنزل بسببنا بعد كذا إن شاء الله .. " ..
وقرب من أخته وباس خدها بهدوء وقال بابتسامة : لولو يا قلبي يالله قوومي ..
ما ردت عليه ولاء وقلبت للجهة الثانية ..
وباس مازن خدها مرة ثانية وقال : لولو لولو يلا قومي يلا قومي ..
فتحت ولاء عيونها بصعوبة وهي تعدل جلستها وهي تحس نفسها في حلـــم ..
ابتسم مازن بداخله بألم وهو يشوفها ترمش بعيونها وهي مو مصدقـــة اللي تشوفه ..
سحبها مازن لحضنه وقال بهدوء نادم : والله ما قصددت أجرحك يا قلبي بس غصصب عني ..
مي عارفة ..
تبكـــي ..
ولا تضحك ..
وبعدها قام على حيله وسحبها معاهـ وقال باستهبال : عاد اليوم ما عندك أختبار ولازم تنزلي تتغدي معانا ..
ولاء : أتغدى معاكم ؟؟
مازن : ايه ايه .. (وسحبها معاهـ لتحت وخرجها للحديقة وهي مو فاهمة اللي قاعد يصير معاها .. وقال بفرح : ترآآآآآآآآآآآآآآ .. واشش رآآيك بالمفآآآآآآآآآجأأة ؟؟
رمشت بعيونها بصدمـــة أكببرررر ..
كيف ؟؟
ومتى سوو كل هذا ؟؟
كانت طاولة كبيرة فيها كيكة على شكل كتاب وفيها قبعــة التخررج ..
وحولها أنوآآآآآآع من الأكل والمعجنآآآت والحلويات ..
تقدم لها سلطان وباس راسها وقال : عقبال الدكتوووراهـ إن شاء الله .. (ولبسها عقــد على رقبتها ..
رفعت عينها لــه وقالت بهدوء : في حياتك إن شاء الله ..
مازن بهبال يرقع : لولو لولو ترررى نحنا سونا ككككل هذا علشان تزززعلي وتعصصبي وبعدين (وسبل بعيونه وقال : وبعدين تفرررررحييييييييييييييييييييييييييييييي ..
ابتسمت حنان وهي تشوف كذبة مازن اللي لف الموضوع لفف ..
وعرف كيف ينسيها الحزن اللي كانت فيـــه ..
وفررح البدر بداخله على فكرررتهم وإن كانت هبلة ..
وحمــد ربــه إن ولاء ما اكتفشت كذبتهم وصدقت إن اللي كانوا يسووهـ مقلب فيها علشان تززعل وبعدين يراضووووها ..
وبقلب طيب وحنون من ولاء صدقتهم ..
ونطت من مكانها وراحت وضممتهم بأقوى ما عندها وهي تبكي وتضحك من الفرحة ..
******
في المزرعة :
وصل الكل للمزرعة وتوزعوا فيها ..
عبد العزيز : اقول منار إذا غادة اللزقة تبغى تجي عندي سوي زي ذيك المررة وفييكيني منها ومن شررها بالله عليكي ..
منار : ههههههههههههههههه أبشرررررر يا ولد العمم ..
سعود : ههههههههههه بس بس لا تسمعككم ليان وتعصصب عليكم ..
عبد العزيز باستغراب : ليش اش فيها ليان كمان ؟؟
سعود بضحك : أبــد الله يسلمكك .. كل ما منار جلست تتوعد في غادة حبيبتك تقوم تعصصب عليها ..
عبد العزيز بنرفزة : سعوووووود لا تقوول حبيبتي لأن حبيبتي أشرررف منهااااا ..
سعود : هههههههههههههه طيب طيب يا يبه لا تعصصب علينا ..
منار : طيب عزيز اسممع اش راح تقول إذا جات وسألتكك ..
سعود : ههههههههههههههههه لسسسه في تخطيطات ..
منار : بس بس اسكت إنت وخليني أتفق مع عزيزي .. (وتسبل بعيونها ..
سعود : ههههههههههههههههههه ..
تكتف عزيز وقال بابتسامة : طيب قوولي ..
وبدأت منار تقوووووله على تخطيطها وسعود وعبد العزيز يضحكوا عليها ..
******
في أحـــد استراحات الشباب :
.......... : تخييييل يا مروان أبوي يطرددني علشانها هي .. أنا ولدددددهـ يطردددددني ..
مروان : خلك من أبوك ألحين وقووولي ليش ارفضتك ؟؟ مو إنت ولد عمها ؟؟
فهد : ايه ولد عمها .. ههه شافت إن راسها وراس أخوانها كبر قالت إن أنا مو من مسواااتها ..
مروان : وبتسكت على رفضها ؟؟
ضحك فهد بثقة وقال : بخليها تتمنى موتها ولا تلاقيه ..
******
في بيت البدر :
ولاء : بدرررررررر حرام عليك هااات جواليييييييييييي ..
البدر وهو يفتش فيه ويضحك : نو نو نو .. أبغى أشوووف اش فيـــــــــــــــــه ..
دمعت عيون ولاء وقالت : والله ما فييييييييه شييييييييييي .. بس هآآآآآآآآآآآآآآآآآآآته ..
وقف البدر فوق الكنبة وقال : وخلصصصصصت من الرساايل .. طلعتي خووش بنت والله .. باقي قائمة الأسماء ..
فزز قلبها لما قال قائمة الأسماء وراحت له بسررعة وقالت بترجي : بدووور ياقلبي أعطيني جوالي ..
البدر بابتسامة : لولو ياقلبي ترررى والله قاعد أمززززح معاك أنا .. أنا مو شــاك فيك يا قلبي .. بس أبغى أشوف مين عندك في القائمة يمكن واحد منهم ما عندي ..
ولاء وهي ماسكة دموعها غصب : لااا بدرررررررررر كلللههم بنآآآآآآآآآآآآآآآآآآآت اش تبغى فيهم ؟؟
البدر بضحك : أدري أدري إنهم بنات .. بعدين يا قلبي ليش ............. (سكت وهو يقرأ الاسم بصوت شبه مسموع ..
وبعدها رفع عيونها لأخته وشافها تشهق بالبكى وبعدها تطلع جرررررررررررري لغرفتها ..
رجع مرة ثانية يطالع بالاسم ويحاول يستوعب ..
الرقم رقمـــه ..
بس الاسم ..
لا لا هي مو حآآآطه اسمـــه ..
البدر وهو للحين مصدوم من اللي قرأهـ : لا لا لا كيف صار كذااا .. أنــا أخوها مو أبوها .. أخووووها والله العظييييييم أخووووها .. كيف هي تعتبرني أبوها !!
******
في المزرعة :
وصلوا عيال العمـــة أم راشد لجدة وراحوا للمزرعة ..
أعرفكم على عيال أم راشد وعيال راشد ::
راشد : وعمرهـ 39 سنــة .. زوجته الأولى متوفية وعندهـ منها توأم بنات واسمهم رانيا وريوف وعمرهم 20 سنــة .. وتزوج بعدها من إيمان سورية وعندها ولد واسمه وائل وعمرهـ 18 سنــة ..
عمر وسديم : وعمرهم 22 سنـــة .. مختلفين تمآآآما عن باقي التوائم .. عمر طوووول الوقت برا البيت وما يرجع إلا بآآآآآخر الليل .. وسديم دايما تغطي عليه وتكررهـه علشان هذا الشي .. <<< تظهر شخصيتهم في الرواية أكثــر ..

سلموا البنات على بعض وخرجوا للحديقة ..
سديم : غادة ليش ماجات للحين ؟؟
منار : وع وع وع واش تبغى فيها ؟؟
رانيا : ههههههههههههههههههههه إنتي للحين ما حبيتها يا منوور ؟؟
منار : وآآآآآآآآآآآع واش تبغيني أحــب فيها إن شاء الله ؟؟
ريوف وهي تلعب بشعرها وتقول بدلع يشبه غادة : البنت حلوووة .. ودلوووعة .. وغنججة .. وألف من يتمناها ..
سوسن : وآآآآآآآآآآآآآآآع لا تخليييني أستفررررغ اللي في بطني يا ريوووف ..
منار : سكتي سكتي بسسس واللي يرحححم أموااتك ..
سديم : ههههههههههههه أستغفرررر الله العظييييييييم بسس ..
عند الحريم :
أم عبد العزيز : أنا قررت أخطب لعبد العزيز ..
أم سعود وإيمان بصدمة : نعععععم ؟!؟!
أم عبد العزيز : ايه اش فيكم ؟؟ أبغى أخطــب له .. فيها شي غلــط ؟؟
إيمان : يا أم عزيز إنتي تدري إن عزيز ما يبغى يتزوووج ..
أم سعود وهي تبلع دموعها : لااا لازم يتزوووج .. ما يصير اللي قاعد يسوييه وأنا بنفسي راح أخطب له ..
أم عبد العزيز : سامحيني يا أم سعود بس ما أقدر أخلي ولدي كذاا ..
أم سعود : عبد العزيز مثل ماهو ولدك هوو ولدي كمان .. وأنا ما أرضى إنــه يوقف حياته من بعد ما راحت بنتي الله يرحمها ..
أم عبد العزيز وإيمان : الله يرحمها ..
إيمان : وفي فـ بالك وحــدة ولا راح تدوري ؟؟
أم عبد العزيز : لا فيــه ..
أم سعود : ومن هي ؟؟
عند الشباب :
خالد : إلا فين عمرر ؟؟
راشد : والله مدرري عنــه .. من جبتهم للمطار قالي إن واحد من أصحابه يبغووهـ وراح عندهم بسررعة ..
أحمد : غريبــة ..
راشد : إيه والله غريبة ..
سعود : شباب اش رايكم نقوم نتسابق ؟؟
قام راشد وقال : قم قم أنا صار لي زمآآآن ما ركبت خيــل ..
خالد : إيــه والله حتى أنا .. (وقام ..
وائل : ايه ايه أنا بعد أبغى ألعب ..
لف سعود على أحمــد وعبد العزيز وقال : وإنتووو ؟؟
قاموا عبد العزيز وأحمــد بكسل وقالوا : مو مشكلة ..
راشد : يقطططع أبو الكسسسسل اللي مقطعععكم ..
*****
في بيت البدر :
طلع البدر لغرفة أختــه وصار يدق عليها الباب بقووووة ويناديها بأعلى صوته ..
البدر : ولاء افتحي الباب .. ولآآآآآآء قوومي افتحيييي الباب وكلميني .. قوليلي اش قصدددك باللي قرأأأأأأأأأأته ؟؟ ولآآآآآآآآء اخررجيييييييييي ..
خرج مازن من غرفته وشاف البدر يدق باب غرفة ولاء ..
مازن : بدر اش فيــك ؟؟
البدر من الربكة والصدمة قال لمازن كــــــــــــــــــــل شي ..
ابتسم مازن على خفيف وقال : وإنت علشان كذاا معصصصب ؟؟
استغررب البدر من ابتسامته الهادئة وقال : مزوون إنت فهمممت أنا اش قلت ؟؟
مازن بابتسامة هادئة : البدر ولاء من جات على الدنيا وهي ما عاشت مع أبوي إلا سنتين وبسسسس .. وبعدها الله أخـــذ أمـــانته وأخذ أبووي .. وانت كنت بمقام أبوها يا البدر (ونززل وتــــــــــــرك البدر مصدوووم أكثررررر ..
خرج مازن للحديقة وجلس على أحد المراجيح وقال في نفسه :" أجــل اش تسوووي لو تعرف إن اللي مسويته ولاء أنا مسوويييه ؟؟ " ..
ورفع راسه للسما يداري دموعه وقال بصوت مخنوق : إنت أبووونا يا البدرررر .. أبووونـــــا اللي ما جــابنــــــــــــــــــا ..
خرج البدر للحديقة وشاف مازن على أحــد المراجيــح ..
ما يدري ليش حاس أو متأكد إن اللي في جوال أختــه هو نفســه في جوال مازن ..
وقف قريب من مازن وقال بهدوء : مازن هات جوالك ..
ما رد عليه مازن .. وطلع جواله من جيبه وأعطاهـ هو من غير ما يقوله ولا كلمـــة ..
قرأ البدر اسمه وكآآآن مكتووووب نفس اللي في جوال أختــه ..
أبــــــــــــــــــــــــــــــــوي ..
وبعدها رقمــه ..
غمـــض عيونه بقوووووووة وقال بهدوء : أنــا أخوووووووكم يا ماززززن .. والله أخوووكم ..
وقف مازن قدام أخوهـ وقال بصوت عالي : لااااااااااااا .. إنت أبووونا .. (وبصوت واطي : إنت تفكر اللي سويته علشاننا قليل .. إنت وسلطان تعبتوو علشان توصلونا لهذا المستوى .. تعبتوا وشقيتوا علشاننا وما شكيتووو لأحــد .. رفضتوو إن أي أحـــد يساعدكم .. حتى عمـي أبو نايف رفضـــت إنه يساعدك بتأسيس الشركة اللي ألحين صارت من أهــم الشركات بالسوق .. إنت أووول ما خلصـــت من الابتدائي ورحت اشتغلت ودرست علشان توفرر لنا لقمة بالحلال ولا نمــد يدنـــا لأحــد علشان يعطف علينا .. فضلت راحتناااا على حيااتك اللي لازم كل واحد بعمررك يفكر فيــه .. أبوي اللي هووووو أبوووي كان موظظف عآآدي ما قدر يسوووي اللي سويته إنـــت الله يرحمه .. ما تــرك غير ذكراهـ الطيب اللي للحين باقي .. (وقرب من أخوهـ لين ما صار واقف قباله تمام وقال بهدوء أكثــر : وفوووق كل هذا تقول إنــت أخووووونــا .. إنــت أبونا اللي ما جبتنا يا البدررر .. (وراح من قدام أخوهـ وطلع لغرفته ..
دخل سلطان للبيت بعــد ما سمــع كـــــــــــــــــل اللي قاله مازن ..
سلطان بهدوء : المفروض تفرح يا البدر مو تزعل وتتضايق ..
رفع البدر راسه وقال : من متى وإنت هنا ؟؟
سلطان : من أوول ما خرج مازن للحديقة .. إنت مضايق على اللي قاله ؟؟
هز راسه بالنفي وقال بتنهيدهـ : ما أدري يا سلطان أفررح ولا أززعل .. أنبسط ولا أتضايق ..
سلطان بتنهيدهـ : والله حتــى أنا ما توقعت إنهم يحملوا لنا كــل هذي المشاعر .. ولاء ممكن بس مازن أبــد ما توقعــت ..
******
في المزرعة :
عند الحريم :
أم سعود : ومتى راح تروحي لهــم إن شاء الله ؟؟
أم عبد العزيز : بكرة بإذن الله ..
إيمان : ايه كيف ............
قاطعتها أم عبد العزيز وقالت : إذا ما عليكم أمــر تعالوا معايا .. وبعدين لازم البنات ما يدروو علشان لا يوصل الخبر لعزيز ..
إيمان : أبو عزيز اش قال ؟؟
أم عبد العزيز بتنهيدهـ : هذي المرة هوو اللي قالي اخطبي لــه ..

******
في أحـــد الشاليهات اللي على البحر :
.......... : اسسسمع يا عمرر ..
عمر : هلااا ..
سامر : روح عند فادي وهو راح يعطيك البضاعة علشان توزعها ..
عمر بصدمة : نعععم ؟!؟! أوزعها ؟؟
سامر بسخرية : أجــل اش تبغى غير التوزيع ؟؟
عمر : بس انا متفق معاكم من الشرقية إني ما أوززع ؟؟ تبغى الشرطة تمسكني يا سامر ؟؟
سامر : ههههههه لازم نختبرررك أوول .. وبعدين نشوف إذا تصلح تقابل الكبار ولا لا ..
عمر : سامررررر أنا مو كذا متفق مع اللي في الشرقية .. هذا ما كان اتفقانا أبـــــد ..
سامر بجدية : اسسمع ياا عمررر هذا الموجود عندنا .. تبغى أهلا وسهلا .. ما تبغى إنت تعررف اش راح يكون مصيرررك ..
******
في المزرعة :
عند البنات :
رانيا : سدومة مو كأن عمرر تأخرر ؟؟
سديم بقهر : ايه مرررررة .. صارت الساعة 12 وللحين ما رجع ..
ريوف : والله خايفة عليه يا سديم .. محد يدري فين يروح ومن فين يجي ..
سديم : والمشكلة أمـــي ما تعرف عن طلعاته ..
جو لعندهم سارة وليان وجلسوو معاهم ..
ليان : الا فيــن سوسن ومنار مو موجودين ؟؟
رانيا : قالوا راح يجهزووو أغراض السهرة ..
سارة : اهااا ..
قامت رانيا على حيلها وقال : سدومة أنا بروح أكلم وائل شوي وراجعة .. (وغمزت لها وهي فهمتها وراحت لجهة قســم الرجال ..